ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> གསར་མེ
  གསར་འགྱུར་ཀློག་པ།

གངས་ལྗོངས་མཁས་པའི་ལྷན་ཚོཊ་སྐབས་༨

[རྩོམ་པ་པོ:རྫ་ཚེ་རིང་བཀྲ་ཤིས།  ཡོང་ཁུངས:ངེད་དྲ་བ།  དུས་ཚོད:2011/8/19 19:30:44  བཀླགས་ཐེངས:1402][ཡིག་གཟུགས:ཡིག་གཟུགས་མདོག]

གངས་ལྗོངས་མཁས་པའི་ལྷན་ཚོགས་སྐབས་བརྒྱད་པའི་ཐོག་མཐའི་

གནས་ཚུལ་ཆ་ཚང་།

རྫ་ཚེ་རིང་བཀྲ་ཤིས།
 
     འདི་ལོའི་གངས་ལྗོངས་མཁས་པའི་ལྷན་ཚོགས་ཐེངས་བརྒྱད་པ་དེ་རྫ་དྲེལ་དཀར་དགོན་གྱི་སྤྲུལ་སྐུ་ཚེ་རིང་ནས་གཙོ་བོའི་སྦྱིན་བདག་དང་། དྲེལ་དཀར་སྡེ་དགོན་སྤྱི་དང་ཁྱད་པར་དྲེལ་དཀར་བཤད་གྲྭའི་མཁན་སློབ་ཐུན་མོང་ནས་གྲ་སྒྲིག་གི་འགན་འཁུར་གནང་ཐོག་གངས་ལྗོངས་མཁས་པའི་ལྷན་ཚོགས་ཀྱི་སྤྱི་ཁྱབ་ཚོགས་ པས་གཙོ་བོའི་གཟིགས་སྐྱོང་བཅས་ཀྱི་འོག ཟབ་རྒྱས་ངང་རྫ་ཆུ་ཁའི་རྫ་དྲེལ་དཀར་དགོན་དུ་འཚོགས། དེ་ཡང་སྤྱི་ལོ་༢༠༡༡སྤྱི་ཟླ་༨པའི་ཚེས་༢ཉིན་ནས་ཉིན་ལྔའི་རིང་འཚོགས་བཞིན་ཡོད་པ་དང་། ཚོགས་འདུ་དེར་གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་མཁན་པོ་ཚུལ་ཁྲིམས་བློ་གྲོས། རྫ་སེལ་ཤུལ་དགོན་གྱི་ཁྲི་པ་སྙན་གྲགས་ཆེ་བའི་དགེ་བཤེས་ལྷ་རམས་པ་ཆེན་པོ་འཇམ་དཔལ་བློ་ཤེར། རྫོགས་ཆེན་ཤྲི་སེང་ཧའི་མཁན་ཆེན་ཁྲི་འཛིན་མཁན་པོ་ཨ་ཆོས། ར་རྒྱ་ཤེས་རིག་ནོར་གླིང་གི་གླིང་གཙོ་འཇིགས་མེད་རྒྱལ་མཚན་མཆོག རྫོགས་ཆེན་སྤྲུལ་སྐུ་དབང་ཆེན་དར་རྒྱས་དང་གླིང་བླ་རིན་པོ་ཆེ། རྒྱལ་རོང་ནམ་སྤྲུལ་རིན་པོ་ཆེ། མཁར་ནང་སོ་དགོན་པའི་དགེ་བཤེས་ལྷ་རམས་པ་བསོད་ནམས་བཟང་པོ། ཀ་བཞི་རོང་ཊིག་པ། གཙང་རིག་སྐལ་བཟང་རྣམ་འདྲེན། བྲག་མགོ་དགེ་བཤེས་བསོད་ནམས། རྫ་ཨ རིག་བཤད་གྲའི་མཁན་པོ་འཇམ་དཔལ་རྡོ་རྗེ། དགེ་མང་མཁན་སྤྲུལ་དོན་གཉིས། ལྕང་མ་མཁན་པོ་མཐུ་སྟོབས། རྨེ་བ་མཁན་པོ་ཀླུ་ཕྱུག་སོགས་ཕྱོགས་སོ་སོ་ནས་མཁན་པོ་དང་དགེ་བཤེས་རིགས་པ་སྨྲ་ བ་བཅས་ཀྱི་མཚན་གནས་མངའ་བ་སུམ་བརྒྱར་ཉེ་བ་ཙམ་ཕེབས་ཡོད་ཅིང་། བགྲོ་གླེང་གི་དུས་ཚོད་ཆ་བགོས་ཀྱིས་མཁས་པ་སོ་སོས་ཆུ་ཚོད་སྐར་མ་བཅོ་ལྔ་བགྲོ་གླེང་དང་དེ་ནས་དྲི་བ་དྲིས་ལན་གྱི་དུས་ཚོད་སྐར་མ་ཉི་ཤུ་རྩ་ལྔ་རེ་ལ་གནང་ཡོད། ཚོགས་འདུའི་སྟེང་ཐོག་མར་སེར་ཤུལ་ཁྲི་པ་ལྷ་རམས་པ་འཇམ་དཔལ་བློ་ཤེལ་ནས་རིགས་པའི་ལམ་ནས་སྟོན་པ་ཚད་མར་སྒྲུབ་པ་ཞེས་པའི་སྐོར་གྱི་གསུང་བཤད་དང་། དེ་རྗེས་མཁན་པོ་ཚུལ་ཁྲིམས་བློ་གྲོས་ཀྱིས་བོད་ཀྱི་སྐད་ཡིག་དང་མི་རིགས་ཀྱི་བདག་སྐྱོང་བྱ་ཚུལ་གྱི་གསུང་བཤད།
རྫོགས་ ཆེན་མཁན་ཆེན་ཁྲི་པ་ཨ་ཆོས་ནས་སྤྱོད་ལམ་འདུལ་བ་དང་མཐུན་པ། ཉམས་ལེན་བྱང་སེམས་དང་མཐུན་པ་ཞེས་པའི་ཐོག་ལ་གསུང་བཤད། ར་རྒྱ་འཇིགས་མེད་རྒྱལ་མཚན་ནས་སྤྱི་ཚོགས་ཀྱི་སློབ་གསོའི་སྐོར་གྱི་གཏམ་བཤད། རྫོགས་ཆེན་སྤྲུལ་སྐུ་དབང་ཆེན་དར་རྒྱས་ནས་དགོན་པའི་ལམ་ལུགས་རབ་བྱུང་གི་སྡེ་ དངོས་གཙང་དུ་བསྒྱུར་རྒྱུའི་སྐོར་གྱི་གསུང་བཤད། མཁར་ནང་དགེ་བཤེས་ཀྱིས་ཚེ་སྲོག་གི་རིན་ཐང་གླེང་པའམ་མི་ཚེ་ཐར་དུ་གཏོང་བ་ཞེས་པའི་བརྗོད་གཞི་ལས་བརྩམས་པའི་གཏམ་བཤད། བླ་རུང་མཁན་པོ་གང་བསམ་ལྷུན་གྲུབ་ནས་རྒྱལ་སྤྱིའི་འབུམ་རམས་པ་ཆེན་པོ་བློ་བཟང་སེང་གེས་བཏོན་པའི་ཆིག་སྒྲིལ་དང་། གསར་གཏོད། རང་མགོ་རང་ཐོན་གྱི་ལྟ་གྲུབ་ཅེས་པའི་བརྗོད་གཞིའི་ཐོག་ལ་གསུང་བཤད། སེར་ཤུལ་དགེ་བཤེས་ཐོས་བསམ་ནས་བོད་ཀྱི་ཆོས་དང་རིག་གཞུང་གོང་འཕེལ་གཏོང་ཐབས་སམ་ཅི་ཐུབ་གང་ཐུབ་ཅེས་པའི་ཐོག་ལ་གསུང་བཤད། གཙང་རིགས་སྐལ་བཟང་རྣམ་འདྲེན་གྱིས་བོད་སྐད་གཅིག་གྱུར་དང་ལོ་སར་དུས་སྟོན་ གཅིག་གྱུར་ཡོང་དགོས་པ་ཞེས་པའི་ཐོག་ལ་གསུང་བཤད། དབོན་པོའི་རྒན་དགྲ་བླ་ལགས་ཀྱིས་མི་རྩ་གཞན་འགྱུར་གྱི་ཉེན་ཁའམ་བོད་མིའི་དྲང་ བདེན་གྱི་རང་གཤིས་ཉམས་རྒུད་དུ་འགྱུར་བཞིན་པ་ལས་སྐྱོབ་ཐབས་ཞེས་པའི་ཐོག་ལ་གསུང་བཤད།
   དྲེལ་དཀར་མཁན་པོ་བློ་ཤེར་ནས་དུས་རབས་དང་མཐུན་པའི་དགོན་སྡེའི་ཁ་ཕྱོགས་ཅེས་པའི་ཐོག་ལ་གསུང་བཤད། བླ་རུང་མཁན་པོ་ཆོས་ཐོ་ནས་དགེ་འདུན་པའི་མནབ་བཟའ་གཅིག་གྱུར་དགོས་པ་དང་དམར་ཟས་ སྤོང་དགོས་པའི་སྐོར་གྱི་གསུང་བཤད། ཀ་བཞི་རོང་ཊིག་པས་མི་རིགས་ནི་ཆོས་ལུགས་ཀྱི་ཞིང་ས་ལྟ་བུ་ཡིན་པས་མི་རིགས་ཆོས་ ལུགས་ལས་ཀྱང་གལ་ཆེ་བ་ཞེས་པའི་བརྗོད་གཞིའི་ཐོག་གསུང་བཤད།
བླ་རུང་མཁན་པོ་བརྩོན་འགྲུས་མཐར་ཕྱིན་ནས་མི་མང་ལ་ནང་ཆོས་ཀྱི་གོ་རྟོགས་སྤེལ་སྟངས་ཞེས་པའི་ཐོག་ལ་གཏམ་བཤད། བླ་རུ་མཁན་པོ་རིག་རྔ་ནས་དགེ་འདུན་པས་དམར་ཟས་ངེས་པར་དུ་སྤོང་དགོས་པ་ཞེས་པའི་ ཐོག་ལ་གསུང་བཤད། བྲག་མགོ་དགེ་བཤེས་བསོད་ནམས་ནས་འགྲོ་བ་མིའི་ཀུན་སྤྱོད་ཡར་རྒྱས་གཏོང་ཕྱོགས་ ཀྱི་སྐོར་ཞེས་པའི་གཏམ་བཤད། དྲེལ་དཀར་མཁན་པོ་ཆོས་དགས་མཁས་པའི་ལྷན་ཚོགས་ཀྱི་དགེ་སྐྱོན་གླེང་བ་ཞེས་པའི་ བརྗོད་གཞིའི་ཐོག་ལ་གསུང་བཤད། རྨེ་བ་མཁན་པོ་ཀླུ་ཕྱུག་ནས་ཧི་མ་ལའི་རིག་མཛོད་ཆེན་མོ་བསྡུ་སྒྲིག་བྱེད་ཕྱོགས་ ཀྱི་སྐོར་ཞེས་པའི་ཐོག་ལ་གསུང་བཤད་གནང་ཡོད་པ་དང་། ཕྱི་དྲོ་ཆུ་ཚོད་དྲུག་དང་ཕྱེད་ནས་བཅུ་མཚན་མོ་ཆུ་ཚོད་བཅུ་པའི་བར་ཐུན་མོང་གླེང་སྟེགས་ཞེས་པའི་སྟིངས་འཛིན་དམིགས་བསལ་མེད་པའི་རང་མོས་ཀྱི་བགྲོ་གླེང་གནང་གིན་ཡོད་པ་དང་། དེ་ཡང་ཚེས་གཉིས་ནས་ཚེས་བདུན་གྱི་བར་ཉིན་ལྔའི་རིང་ལ་བགྲོ་གླེང་གནང་རྒྱུ་ཡིན་པ་དང་། ཉིན་བཞི་པ་ལ་གྲུབ་མཐའ་ཁག་སོ་སོའི་དབུ་མའི་ལྟ་གྲུབ་ཀྱི་འཛིན་མཚམས་སྐོར་ལ་བགྲོ་གླེང་གནང་རྒྱུ་སོགས་ཀྱི་བགྲོ་གླེང་གི་ལས་རིམ་མུ་མཐུད་འགྲོ་བཞིན་པ་རེད་འདུག གངས་ལྗོངས་མཁས་པའི་ལྷན་ཚོགས་ཀྱི་སྤྱི་ཁྱབ་ཚོགས་པའི་ངོས་ནས་ཀྱང་ཐེངས་འདིའི་གངས་ལྗོངས་མཁས་པའི་ལྷན་ཚོགས་ནི་གངས་ལྗོངས་མཁས་པའི་ལྷན་ཚོགས་དབུ་ཚུགས་ནས་ད་བར་ཐེངས་བརྒྱད་ཀྱི་རིང་གི་རིས་མེད་ཀྱི་མཁས་པའི་འདུ་འཛོམ་རྒྱ་ཆ་ཤོས་དང་བཀོད་སྒྲིག་ཚགས་ཚུད་ཤོས། སྣེ་ལེན་སེམས་ཐག་ཉེ་ཤོས་སུ་གྱུར་ཡོད་པའི་ཞལ་བཞེས་ཀྱི་གསུང་བཤད་ཀྱང་གནང་ཡོད་འདུག ཚོགས་འདུ་འཚོགས་ནས་ཉིན་གསུམ་གྱི་རིང་ཆོས་དང་རིག་གཞུང་མི་རིགས་དང་སྐད་ཡིག་སོགས་ཀྱི་སྐོར་ལ་ཧ་ཅང་གཞི་རྒྱ་ཆེ་བའི་གོ་བསྡུར་དང་བགྲོ་གླེང་གནང་བཞིན་ཡོད་པ་དང་། དེ་ཡང་གཙོ་ཆེ་བའི་ཆ་ནས་སྤྱིའི་བཀའ་མོལ་མང་ཤོས་ཤིག་མཐུན་སྒྲིལ་དང་རིས་མེད་དཀར་ཟས་རང་ལུགས་སོགས་ཀྱི་སྟེང་བྱུང་ཡོད་པ་དང་། དེ་ཡང་ཆོལ་ཁ་རིས་མེད་དང་ཆོས་ལུགས་རིས་མེད། ཆོལ་ཁ་དང་ཆོས་ལུགས་མཐུན་སྒྲིལ་ཞེས་པ་གཉིས་ཀྱི་ཐོག་གནས་གཙོ་བོར་བཀའ་མོལ་གནང་འདུག ཉིན་བཞི་པར་ཆོས་བརྒྱུད་ཆེན་པོ་ཁག་གི་འཐུས་ཚབ་རང་བཞིན་གྱི་ཆོས་སྨྲ་བ་ཆེན་པོ་དག་གིས་གྲུབ་མཐའ་སོ་སོའི་དབུ་མའི་ལྟ་གྲུབ་གྱི་བཞེད་མཚམས་ལས་བརྩམས་པའི་བཀའ་སློབ་གནང་ཡོད་པ་དང་། དེ་ཡང་རི་བོ་དགེ་ལྡན་པའི་ལྷ་རམས་པ་འཇམ་དཔལ་བློ་ཤེར། སྔ་འགྱུར་རྙིང་མའི་བླ་རུང་མཁན་པོ་ཆོས་ཐོ། འགྲོ་མགོན་བཀའ་བརྒྱུད་པའི་མཁན་པོ་ཚེ་དབང་བཀྲ་ཤིས། དེ་བཞིན་དཔལ་ལྡན་ས་སྐྱ་པ་དང་། རྒྱལ་བ་ཇོ་ནང་པའི་སྐུ་ཚབ་ཀྱིས་ཀྱང་གསུང་བཤད་གནང་ཡོད་པ་དང་། དེ་དེ་དག་གི་ནང་ནས་ཀྱང་བླ་རུང་བཀའ་བརྒྱུད་འཛིན་གྲྭའི་མཁན་པོ་ཚེ་དབང་བཀྲ་ཤིས་ཀྱིས་རྩ་བའི་ཆ་ནས་བཀའ་སློབ་བཀའ་བརྒྱུད་གྲུབ་མཐའི་ཐོག་ནས་གསུངས་ཤིང་། མཇུག་ཏུ་ཆོས་བརྒྱུད་ཁག་གི་མཐར་ཐུག་གི་དབུ་མའི་ལྟ་བ་འགལ་མེད་ཡིན་པའི་འབེལ་གཏམ་ཧ་ཅང་རྒྱས་པར་གསུངས་པར་ཚོགས་ཞུགས་པ་ཡོངས་ནས། ད་སྔོན་ང་ཚོས་སེམས་ཤུགས་དང་ལྷག་བསམ་གྱིས་རིས་མེད་ལབ་བསྡད་པ་དེ་ད་ཆ་ལུང་རིགས་ཀྱི་ལམ་ནས་རིས་མེད་དུ་གྲུབ་པ་རེད་ཅེས་གདེངས་འཇོག་ཆེན་པོ་གནང་བར་མ་ཟད། ལོ་སྔ་མ་ཁག་གི་གྲུབ་མཐའ་ཕན་ཚུན་བགྲོ་གླེང་སྐབས་དང་བསྡུར་ན་བཀའ་མོལ་གྱི་འགང་དང་། ཕན་ཚུན་སྐད་ཆའི་གོ་བརྡ་འཕྲོད་སྟངས། དོན་ལ་གཅིག་གྱུར་ཡིན་པའི་ཐུན་མོང་གི་འདུ་ཤེས་འཁྱེར་སྟངས་བཅས་མངོན་གསལ་ཆེ་བའི་ཡར་རྒྱས་ཕྱིན་ཡོད་པའི་མྱོང་ཚོར་ཡང་གཅིག་མཐུན་དུ་བྱུང་འདུག
   སྤྱིར་ཚོགས་འདུ་འདིར་ས་དགེ་བཀའ་རྙིང་ཇོ་ནང་བོན་དང་བཅས་པའི་དགེ་འདུན་པ་མཉམ་ཞུགས་གནང་ཡོད་པ་དང་རོང་བོ་བསྟན་པ་ཆོས་འཕེལ་དང་ལུ་མདོ་མཁན་པོ་ཟླ་དབང་སོགས་མཁས་པ་གཞན་གྱིས་ཀྱང་མི་མཐུད་གསུང་བཤད་གནང་ཡོད་པ་དང་། དེ་བཞིན་ཉིན་བཞི་པར་ཨ་རིག་འབྲུག་གྲགས་རིན་པོ་ཆེ་ཡང་ཆེད་ཕེབས་ཀྱིས་བཀའ་སློབ་དང་། ཉིན་ཐ་མར་མཇུག་སྡོམ་གྱི་མཛད་སྒོའི་ཐོག་མཁས་པའི་ལྷན་ཚོགས་དང་ཚོགས་ཞུགས་པ་ཐུན་མོང་གི་ངོས་ནས། མཁན་ཆེན་ཚུལ་ཁྲིམས་བློ་གྲོས་དང་། ར་རྒྱ་འཇིགས་མེད་རྒྱལ་མཚན། ལྷ་རམས་པ་འཇམ་དཔལ་བློ་ཤེར་བཅས་ལ་《གངས་རིའི་རྩ་ལག》་ཅེས་པའི་ཕུལ་བྱུང་གཟེངས་ཡིག་ཅིག་ཀྱང་འབུལ་ལམ་ཞུས་པ་དང་ཉིན་དེར་མཁན་ཆེན་ཚུལ་ཁྲིམས་བློ་གྲོས་དངོས་སུ་བཞུགས་མེད་སྟབས་བླ་རུང་མཁན་པོ་གང་བསམ་ལྷུན་གྲུབ་ནས་ཁོང་གི་ཚབ་གནང་ནས་གཟེངས་རྟགས་བཞེས་གནང་མཛད། དེ་ཡང་གཟེངས་རྟགས་ཀྱི་ཡི་གེར།
གངས་ཀྱི་རི་བོའི་གཙུག་ཏོར་མངོན་མཐོ་བར། །
ཉིད་ཀྱིས་བརྩེ་བས་བཞག་པའི་ཞབས་ཀྱི་རྗེས། །
རྡུལ་བྲལ་གསེར་གྱི་འོད་སྣང་འབུམ་བརྡལ་བ། །
སྲིད་པའི་མཐར་ཡང་ཀུན་གྱི་སྙིང་ལ་གནས། །
              ཞེས་སོགས་འཁོད་ཡོད་འདུག   མཐར། གངས་ལྗོངས་མཁས་པའི་ལྷན་ཚོགས་ཀྱི་རྒྱུན་ལས་མཁས་མཆོག་རོང་བོ་བསྟན་པ་ཆོས་འཕེལ་དང་སེར་ཤུལ་དགེ་བཤེས་ཐོས་བསམ་གཉིས་ཀྱིས་ཐེངས་འདིའི་ཚོགས་འདུ་ཚུགས་ཡུལ་དྲེལ་དཀར་དགོན་གྱི་མཁན་སྤྲུལ་གོ་སྒྲིག་པ་དག་ལ་གཟེངས་བསྟོད་གཟིགས་གསོལ་དང་། ལག་བསྟར་དགོས་པའི་གྲོས་ཆོད་དོན་ཚན་ཁག་ཅིག་ཡོངས་བསྒྲགས་དང་འབྲེལ། འདས་པའི་ལོ་འདི་དག་གི་རིང་གི་གངས་ལྗོངས་མཁས་པའི་ལྷན་ཚོགས་ཀྱི་ལས་སྡོམ་སྙན་ཞུའི་གཏམ་བཤད་གནང་བར་མ་ཟད། རྫ་དྲེལ་དཀར་དགོན་གྱི་ངོས་ནས་ཀྱང་གངས་ལྗོངས་མཁས་པའི་ལྷན་ཚོགས་ཀྱི་ཚོགས་གཙོ་རྣམ་པར་དམིགས་བསལ་ཐུགས་རྗེ་ལེགས་འབུལ་གྱི་འབུལ་རྟེན་ཕུལ་ཏེ་རྒྱལ་ཁའི་ངང་ནས་མཇུག་སྒྲིལ།
·གསར་འགྱུར་གོང་མ:ལིའུ་ཡན་ཏུང་གིས་མཐོ་རིམ་སློབ་གསོར་སྒྱུར་བཅོས་ཐད་གསུང་པ།
·གསར་འགྱུར་འོག་མ:ལྷ་སར་ཞང་ཞུང་རིག་གནས་བགྲོ་གླེང་ཚོཊ་འདུ་བསྡུས་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·ཨེ་ཝྃ་ཆོས་སྨན་གླིང་གི་ཡིག་རྒྱུགས་གཉིས་པ་ལེགས་གྲུབ། ། 2012/3/9 21:13:21
·གླིང་སྲས་དྲྭ་ཚིཊ་དྲྭ་ལམ་དུ་སྤེལ་བར་རྟེན་འབྲེལ་ཞུ། 2012/3/8 14:39:04
·སྔ་འགྱུར་རྙིང་མ་པའི་དབུ་འཛིན་ཁྲི་རབས་དྲུག་པ་ཞལ་བཞེས་བྱུང་བ། 2012/3/8 12:40:57
·བོད་ཀྱི་སྐད་ཡིག་སློབ་གསོའི་གླེང་དེབ་༼སྒྲོན་མེ་འགྲེམ་སྤེལ་བྱས་པ། 2012/3/6 13:51:38
·རྒྱལ་ཡོངས༼སྨོན་ལམ་བུམ་པ་སློབ་ཆེན་སློབ་མའི་རྩོམ་ཡིག་འགྲན་བརྡ། 2012/3/6 13:40:44
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 14:14:50 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 18:20:15 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 3:45:00 [来自: 112.5.248.229]

འབྲེལ་ཡོད་དཔྱད་བརྗོད 54 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།33.20MS