ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཉེར་མཁོ
  གསར་འགྱུར་ཀློག་པ།

བོད་དུ་གསུང་རྟེན་ཐོག་མར་བྱུང་ཚུལ།

[རྩོམ་པ་པོ:ཡེ་ཤེས་དབང་ཕྱུག  ཡོང་ཁུངས:རྩོམ་ཡིག་གསེར་གྱི་སྦྲམ་བུ།  དུས་ཚོད:2010/12/10 12:46:25  བཀླགས་ཐེངས:1044][ཡིག་གཟུགས:ཡིག་གཟུགས་མདོག]
༄༅།།བོད་དུ་གསུང་རྟེན་ཐོག་མར་བྱུང་ཚུལ།
 
ཡེ་ཤེས་དབང་ཕྱུག
 
       སངས་རྒྱས་འཇིག་རྟེན་དུ་བྱོན་པའི་དགོས་པ་ནི། ཐུབ་རྣམས་སྡིག་པ་ཆུ་ཡིས་མི་འཁྲུ་ཞིང་། འགྲོ་བའི་སྡུག་བསྔལ་ཕྱག་གིས་མི་སེལ་ལ། ཉིད་ཀྱི་རྟོགས་པ་གཞན་ལ་སྤོ་མིན་ཏེ། ཆོས་ཉིད་བདེན་པ་བསྟན་པས་གྲོལ་བར་མཛད། ཅེས་གསུངས་པ་ལྟར། སེམས་ཅན་སྡུག་བསྔལ་ལས་གྲོལ་བའི་ཆེད་དུ་ཡིན་ཞིང་། དེ་ཡང་། བླང་དོར་ཕྱིན་ཅི་མ་ལོག་པར་བསྟན་ནས། གདུལ་བྱ་རྣམས་ཀྱིས་ཇི་ལྟར་བསྟན་པ་ལྟར་ཉམས་སུ་བླངས་ན་གྲོལ་བར་འགྱུར་བའི་ཕྱིར། དེས་ན། བསྟན་པ་གཉིས་ཀྱི་ནང་ནས་ཀྱང་ཐོག་མར་ལུང་གི་བསྟན་པ་བྱུང་ཞིང་། དེ་ལས་རྟོགས་པའི་བསྟན་པ་བྱུང་བ་ཡིན་པ་དེ་བཞིན་དུ།བོད་ཁ་བ་ཅན་དུ་བསྟན་པ་དབུ་བརྙེས་པའི་རྟེན་འབྲེལ་ལ་གསུང་ཐོག་མར་བྱུང་བ་ཡིན།ཤེར་ཕྱིན་གྱི་མདོ་སྡེ་རིན་པོ་ཆེ་ལས་ཀྱང་། སངས་རྒྱས་ཀྱི་སྐུ་ལས། སངས་རྒྱས་ཀྱི་གསུང་གལ་ཆེ་བར་གསུངས་པ་དང་། ཤེར་ཕྱིན་ཚིག་བཅད་གཅིག་བྲིས་ན།སངས་རྒྱས་འབུམ་ཕྲག་ལ་མཆོད་བསྟོད་བྱས་པའི་ཕན་ཡོན་ལས་ལྷག་པར་གསུངས་སོ། ཁ་བ་ཅན་དུ་གསུང་ཇི་ལྟར་བྱུང་ཚུལ་ནི། རྒྱལ་རབས་ཐམས་ཅད་ལས་གསུངས་པ་ལྟར། བོད་རྒྱལ་ལྷ་ཐོ་ཐོ་རི་གཉན་བཙན་གྱི་དུས་སུ། ཕོ་བྲང་ཡུམ་བུ་བླ་མཁར་ཡང་རྩེ་ལ།གསེར་ཤོག་ངོས་ལ་བེེཌཱུརྱ་བྲིས་པའི་སྤང་སྐོང་ཕྱག་བརྒྱ་པ་དང་། མདོ་སྡེ་ཟ་མ་ཏོག གསེར་གྱི་མཆོད་རྟེན་ཁྲུ་གང་བ་མུ་དྲའི་ཕྱག་རྒྱ། ཙིནྡྲ་མ་ཎིའི་རྐོས་ཕོར་བཅས་བྱུང་།
     རྒྱལ་པོས་ནང་དོན་མ་མཁྱེན་ཡང་ངོ་མཚར་ཅན་དུ་བརྩིས་ནས་གསེར་སྐྱེམས་གཡུ་སྔོན་གྱིས་མཆོད་པས་བཀྲ་ཤིས་པ་མང་པོ་བྱུང་།མི་རབས་ལྔ་ནས་དེའི་དོན་ཤེས་པ་འབྱུང་ཞེས་ལུང་བསྟན། རྒྱལ་བོ་གཞོན་ཤ་ཅན་དུ་གྱུར་དགུང་ལོ་བརྒྱ་དང་དྲུག་ཅུ་ཐུབ། རྟེན་དེ་རྣམས་ལ་གཉན་པོ་གསང་བ་ཞེས་མཚན་གསོལ་ཏེ་ད་ལྟའི་བར་དུའང་གྲགས་སོ། དེའི་ནང་ཙིནྡྲ་མ་ཎིའི་རྐོས་ཕོར་ཞེས་པ།སྤྱན་རས་གཟིགས་བཅུ་གཅིག་ཞལ་ཡིད་བཞིན་ནོར་བུའི་གཟུགས་ཀྱི་རྐོས་ཕོར་དང་། མུ་དྲའི་ཕྱག་རྒྱ་ནི། ནོར་བུའི་རིགས་ཀྱི་རྡོ་ཁྲུ་གང་ཚད་ཅིག་ལ་ཡིག་དྲུག་རང་བྱུང་ཡོད་པ་ཞིག་ཡིན། གཡུའི་མཆོད་རྟེན་བང་རིམ་བཞི་པ་ཞིག་ཀྱང་བྱུང་བར་བཤད། མདོ་ལ་སྔ་བ་ཟ་མ་ཏོག་དང་། གཟུངས་ལ་སྔ་བ་སྙིང་པོ་ཡི་གེ་དྲུག་པ་ཞེས་གྲགས། ད་ལྟར་ཞོལ་པར་ཁང་གི་བཀའ་འགྱུར་ཀར་ཆག་ལྟར། མདོ་མང་། ཇ་པ་ནང་མདོ་སྡེ་ཟ་མ་ཏོག་དང་།   མདོ་མང་།    ཟ་པ་ནང་སྤང་སྐོང་ཕྱག་བརྒྱ་པ་བཞུགས།ལོ་ཙཱ་བ་ཐོན་མི་སམྦྷོཊས་རྒྱ་གར་ནས་བོད་དུ་ཕེབས་རྗེས་ཡི་གེ་བསྒྱུར་བའི་ཐོག་མ་དེ་གཉིས་ཡིན།མདོ་སྡེ་ཟ་མ་ཏོག་ལས་འཕགས་པ་སྤྱན་རས་གཟིགས་ཀྱིས། རིགས་དྲུག་སྡུག་བསྔལ་ལས་བསྒྲལ་བར་མཛད་ཚུལ། བོད་ཁ་བ་ཅན་བདག་གིར་མཛད་ཚུལ། དམར་པོའི་རི་ལ་བཞུགས་ནས། འོ་ཐང་གི་མཚོར་གནས་པའི་སེམས་ཅན་རྣམས་སྡུག་བསྔལ་ལས་སྒྲོལ་ཚུལ། རྟའི་རྒྱལ་པོར་སྤྲུལ་ནས་ཚོངས་པ་ལྔ་བརྒྱ་སྲིན་པོའི་འཇིགས་པ་ལས་ཐར་བར་མཛད་ཚུལ། སྤྲེའུ་སྤྲུལ་ནས་བོད་མི་སྤེལ་ཚུལ་སོགས་སྤྱན་རས་གཟིགས་ཀྱི་རྟོགས་བརྗོད་ཡོད། མུ་དྲའི་ཕྱག་རྒྱ་ཞེས་པ་སྙིང་པོ་ཡིག་དྲུག་ནི་བོད་མི་རྣམས་ཀྱི་ཆོས་སྐལ་ཡིན་སྟབས།   བྱིས་པ་ཆུང་ངུ་ནས་སློབ་མི་དགོས་པར་འདོན་ཤེས་ཞེས་གྲགས་པ་མ་ཟད། རིགས་དྲུག་གི་སྐྱེ་སྒོ་གཅོད་པ་དང་། ཕར་ཕྱིན་དྲུག་ཐོབ་པ་སོགས་ཀྱི་ཕན་ཡོན་དང་ལྡན་ཏེ། ཟ་མ་ཏོག་བཀོད་པ་ལས།   མཐའ་འཁོབ་ཁ་བ་ཅན་གྱིས་ཡུལ་ཁམས་དེར། ཡི་དམ་ལྷ་ཡི་སྐལ་བ་ཁྱོད་ཡིན་ཏེ།   ཡི་དམ་ཁྱོད་ལ་བརྟེན་ནས་མ་འོངས་དུས། ཡུལ་དེར་སངས་རྒྱས་བྱང་སེམས་དཔག་མེད་འབྱུང་།སངས་རྒྱས་བསྟན་པ་དར་ཞིང་རྒྱས་པར་འགྱུར། ཆོས་སྐལ་སྙིང་པོ་ཡིག་དྲུག་འདི་ཡིན་ཏེ། སྙིང་པོ་འདི་ལ་བརྟེན་ནས་མ་འོངས་དུས། ཤྰཀྱའི་རྒྱལ་པོའི་གསུང་རབ་དམ་ཆོས་ཀུན། ཡུལ་དེར་དར་རྒྱས་མི་ཀུན་ཆོས་སྤྱོད་འགྱུར། ༀ་མ་ཎི་པདྨེ༌ཧཱུཾ། གཟུགས་སྔགས་རྒྱལ་པོ་ཡིག་དྲུག་འདི།སངས་རྒྱས་ཀུན་གྱི་དགོངས་པའི་མཆོག་གཅིག་ཏུ་བསྡུས་པའི་བདག་ཉིད་ཡིན། ཆོས་ཕུང་རྒྱལ་ཁྲི་བཞི་སྟོང་པོ། གཅིག་ཏུ་བསྡུས་པའི་སྙིང་པོ་ཡིན། ཞེས་སོགས་ཕན་ཡོན་མཐའ་ལས་འདས་པ་གསུངས་སོ།  སྤང་སྐོང་ཕྱག་བརྒྱ་པ་ལས།སངས་རྒྱས་བྱང་སེམས་མང་པོའི་མཚན་བརྗོད་ནས་ཕྱག་འཚལ་བ་དང་། སྡིག་པ་བཤགས་པ་སོགས་ཀྱི་བརྗོད་བྱ་ལྡན།  ཡིག་རྙིང་ལས་དཔང་ཀོང་ཕྱག་རྒྱ་ཞེས་པའང་གསལ། དེ་ལྟར། བོད་དུ་བསྟན་པ་དབུ་བརྙེས་ཞེས་པའང་ཆོས་དཔེ་དེ་དག་བྱུང་བ་ལ་བཤད། རྒྱ་དཔེ་བསྒྱུར་བའི་ཐོག་མར་ཡང་། དེ་དག་བསྒྱུར་བ་ཡིན་པས། བོད་ཀྱི་ཆོས་སྐལ་སྔ་ཤོས་དེ་དག་ཡིན་པ་ནི་ཀུན་གྱིས་ཤེས་པར་ནུས། མ་ཡིག་གཉན་པོ་གསང་བ་ནི།ཆོས་རྒྱལ་ཁྲི་སྲོང་ལྡེ་བཙན་གྱིས་བསམ་ཡས་མཆོད་རྟེན་ཆེན་པོའི་གཟུངས་སུ་བཞུགས་སུ་གསོལ་བར་བསམ་ཡས་དཀར་ཆག་ཏུ་གསལ། མདོ་སྡེ་རྒྱན་ལས། དང་པོ་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང་།ཚུལ་བཞིན་ཡིད་ལ་བྱས་པར་བརྟེན་ནས་ཡང་དག་དོན་རྟོགས་ཡེ་ཤེས་འབྱུང་། ཞེས་དང་། མཛོད་ལས་ཚུལ་གནས་ཐོས་དང་བསམ་ལྡན་པས། བསྒོམ་པ་ལ་ནི་རབ་ཏུ་སྦྱོར། ཞེས་གསུངས་པ་ལྟར། རྒྱལ་བའི་གསུང་རབ་ལ་ཐོས་པས་མི་ངོམ་པར་བྱས་ནས། ཇི་ལྟར་ཐོས་པའི་དོན་རྣམས་བསམ་བྱུང་གིས་ཞིབ་ཏུ་དཔྱད་དེ། སྒོམ་པས་ཉམས་སུ་བླང་བར་བྱའི། ཐོས་བསམ་དང་། ཉམས་ལེན་གྱི་གཞུང་ཁ་བྲལ་བ་ནི་རྒྱལ་བའི་གསུང་རབ་ལ་མ་གུས་པར་འགྱུར་པས། དེ་ལྟར་མི་བྱ་བར་རྒྱལ་བའི་གསུང་རབ་ལས་ལྷག་པའི་ཉམས་ལེན་གྱི་གཞུང་མེད་པར་ཡིད་ཆེས་ནས་གསུང་རབ་ལ་གུས་པར་བྱ་བ་ལ་འབད་པར་འཚལ་ལོ།
 
·གསར་འགྱུར་གོང་མ:འཁར་གསིལ་གྱི་མཚོན་དོན།
·གསར་འགྱུར་འོག་མ:མེ་ཁོ་ཇེ་ཁི་ཞོན་གྱི་གླུ་གཞས་གསར་པ་འགྲེམ་གཏོང་བྱས་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
མིག་སྔར་གསར་མི་འདུག
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 12:22:22 [来自: 112.5.236.197]

 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 12:22:19 [来自: 112.5.236.197]

 评论者:4YmF7xGG
http://www.2345daohang.com/mail.htm
http://www.505dh.com/mail.htm
http://www.3721.cc/youxiang/
http://www.365dhw.com/dianzi-youxiang.html
http://www.726c.com/html/mail.htm
发表时间:2015/12/6 6:21:08 [来自: 111.144.227.221]

འབྲེལ་ཡོད་དཔྱད་བརྗོད 47 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།46.88MS