ཟླ་དགུ་བའི་ཚེས་ཉེར་གཉིས་ཉིན་ནི་ཚང་མས་ཤེས་གསལ་ལྟར་ནང་པ་བའི་དུས་ཆེན་གལ་ཆེན་ཞིག་སྟེ་ལྷ་བབས་དུས་ཆེན་རེད།  ཉིན་མོ་འདི་ཅིའི་ཕྱིར་ནང་པའི་དུས་ཆེན་གལ་ཆེན་ཞིག་ཏུ་གྱུར་སོང་བ་ཡིན་ནམ།  འདི་ལ་དོན་སྙིང་ག་འདྲ་ཡོད་དམ། འདིའི་དྲིས་ལན་ནི་དྲེན་ཆེན་ཕ་མ་ཞེས་པའི་རླབས་ཆེ་བའི་མི་སྣ་འདི་དང་འབྲེལ་ཡོད།

སྟོན་པ་ལྷ་ཡི་ཡུལ་དུ། །  ཡུམ་ལ་ཆོས་གསུང་ཕེབས་ནས། །  

ཕྱིར་ཕེབས་མཛད་པའི་དུས་དེར། །  ལྷ་བབས་དུས་ཆེན་གྲགས་སོ།  །

ཨ་་་ ལྷ་བབས་དུས་ཆེན།  ཕ་མའི་བཀའ་དྲིན་དྲན་བྱུང་། 

ཨ་་་ ཕ་སྐད་མ་ཡིག   སྲོག་རྩ་སྙིང་དམར་ཡིན་སོང་། 

སྔོན་བྱོན་སྟོན་པའི་རྣམ་ཐར། །  རྗེས་འཇུག་གདུལ་བྱའི་ཉམས་ལེན། ། 

ཕ་མར་དྲིན་ལན་འཇལ་ཆེད། །  ཕ་སྐད་མ་ཡིག་སྦྱོང་དང་། །

ཨ་་་ ལྷ་བབས་དུས་ཆེན།  ལྷ་དར་དཀར་པོ་བསྭོ།   

ཨ་་་ དྲིན་ཆེན་ཕ་མར།   བཀའ་དྲིན་རྗེས་དྲན་ཞུ།