ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཉེར་མཁོ
  གསར་འགྱུར་ཀློག་པ།

བོད་གངས་ཅན་གྱི་ལྗོངས་སུ་བྱུང་བའི་གྲུབ་མཐའི་འབྱུང་ཁུངས་མདོ་ཙམ་བརྗོད་པ།

[རྩོམ་པ་པོ:ཨཱ་ཀྱ་ཡོངས་འཛིན་དབྱངས་ཅན་དགའ་བའི་བློ་གྲོས།  ཡོང་ཁུངས:ཚངས་དབྱངས་དྲ་བ།  དུས་ཚོད:2010/3/16 14:33:08  བཀླགས་ཐེངས:1308][ཡིག་གཟུགས:ཡིག་གཟུགས་མདོག]

                                བོད་གངས་ཅན་གྱི་ལྗོངས་སུ་བྱུང་བའི་གྲུབ་མཐའི་འབྱུང་ཁུངས་

                         མདོ་ཙམ་བརྗོད་པ།

 
                      ཨཱ་ཀྱ་ཡོངས་འཛིན་དབྱངས་ཅན་དགའ་བའི་བློ་གྲོས།
    ༄༅། །ན་མོ་གུ་རུ་མཉྫུ་ཤྲི་ཡེ།   ཟབ་ཟབ་རང་གཞན་གྲུབ་མཐའི་སྲོལ། །
གསལ་གསལ་སྤྱན་རས་ལེགས་གཟིགས་ནས། ལྷུག་ལྷུག་གསུང་གིས་འདོམས་མཛད་པ། །
མཁས་མཁས་དཔལ་ལྡན་བླ་མར་འདུད། །ཕྱག་ན་པད་མོའི་གདུལ་ཞིང་བོད་ཡུལ་འདིར། །
ཆོས་རྒྱལ་སྲོང་བཙན་སྒམ་པོ་ནས་བཟུང་སྟེ། །རྒྱལ་བསྟན་ཉི་མ་ཤར་ལ་སྔ་དར་ཟེར། །
གང་ཚེ་གླང་རར་བསྟན་པ་བསྣུབས་པ་ན། །མདོ་ཁམས་སྨད་ནས་བླ་ཆེན་དགོངས་གསལ་དང༌། །
སྟོད་ནས་ལོ་ཆེན་རིན་ཆེན་བཟང་པོ་ཡིས། །རྒྱལ་བསྟན་རྩ་བ་འདུལ་བའི་སྡོམ་རྒྱུན་སྤེལ། །
བསྟན་པའི་མེ་རོ་གསོས་པ་ཕྱི་དར་རོ། ། སྨྲི་ཏི་ཡན་ཆད་བསྒྱུར་བ་རྙིང་རྒྱུད་དང༌། །
གསར་མ་ལོ་ཆེན་རིན་བཟང་སོགས་ནས་བཟུང༌།  །མདོ་ལ་གསར་རྙིང་ཁྱད་པར་མི་འབྱུང་བས། །
གསང་སྔགས་དར་ཚུལ་སྒོ་ནས་གཉིས་སུ་དབྱེ། །རྙིང་མའི་ཆོས་འདི་རྣམ་དག་ཡིན་མིན་ལ། །
མཁས་པའི་བཞེད་ཚུལ་མང་དུ་བྱུང་མོད་ཀྱང༌། །ཕྱིས་འབྱུང་དག་གིས་བསྲེ་བསླད་ཞུགས་པ་ལས། །
ཆོས་དེ་རང་ལྡོག་རྣམ་དག་ཡིན་པར་འདོད། །རྒྱལ་བའི་གསུང་རབ་ཐམས་ཅད་གདམས་ངག་ཏུ། །
ཤར་ལ་བཀའ་གདམས་པ་ཞེས་གྲགས་པ་སྟེ། །དཔལ་ལྡན་ཨ་ཏི་ཤ་ཡི་ལུགས་སྲོལ་མཆོག །
སྟོན་པས་སྲོལ་ཕྱེ་སྐུ་མཆེད་གསུམ་གྱིས་སྤེལ། །བཀའ་བརྒྱུད་ས་སྐྱ་དགེ་ལྡན་ལུགས་སྲོལ་ཡང༌། །
ཇོ་བོ་ཆེན་པོའི་འཕྲིན་ལས་འདི་ལ་བརྟེན། །བཀའ་བབས་གདམས་པའི་བརྒྱུད་པ་འཛིན་པ་ལ། །
བཀའ་བརྒྱུད་ཅེས་གྲགས་དེ་ལ་ཤངས་དྭགས་གཉིས། །མཁས་གྲུབ་ཆེན་པོ་ཁྱུང་བོ་རྣལ་འབྱོར་གྱིས། །
གཡས་རུ་ཤངས་སུ་དགོན་པ་བརྒྱ་རྩ་བཏབ། །ཚོགས་པ་བསྐྱངས་པར་དེ་ཡི་བརྒྱུང་འཛིན་ལ། །
ཤངས་པ་བཀའ་བརྒྱུད་ཅེས་སུ་གྲགས་པ་ཡིན། །རྣལ་འབྱོར་དབང་ཕྱུག་རྗེ་བཙུན་མི་ལ་ཡི། །
ཐུགས་སྲས་མཉམ་མེད་དྭགས་པོ་རིན་པོ་ཆེས། །དྭགས་ལྷ་སྐམ་པོ་བཏབ་ནས་ཆོས་བརྒྱུད་སྤེལ། །
རྗེས་འབྲངས་དག་ལ་དྭགས་པོ་བཀའ་བརྒྱུད་ཟེར། །དེ་ལ་ཀརྨ་བ་དང་ཕག་གྲུ་དང༌། །
ཚལ་པ་འབྲི་གུང་འབྲུག་པ་སྟག་ལུང་དང༌། །འབབ་རོམ་གཡའ་བཟ་ང་ཁྲོ་ཕུའི་བཀའ་བརྒྱུད་སོགས། །
ནང་གསེས་སྒོ་ནས་དབྱེ་བ་མང་ཙམ་བྱུང༌། །དྭགས་པོའི་དངོས་སློབ་ཁམས་པ་དབུ་སེའམ། །
དུས་གསུམ་མཁྱེན་པས་ཀརྨ་ལྷ་སྡིང་གི །དགོན་པ་བཏབ་པར་ཀརྨ་བ་ཞེས་གྲགས། །
དེ་ཡི་སྐྱེ་བརྒྱུད་ཀརྨ་པཀྴི་ལ། །ཧོར་རྒྱལ་ལས་ཀའི་ཞྭ་ནག་ཕུལ་བ་ལས། །
དེ་ཕྱིར་ཞྭ་ནག་ཅན་དུ་གྲགས་པ་དང༌། །ངེ་བཞིན་བརྒྱུད་འཛིན་རྟོགས་ལྡན་གྲགས་སེང་ལ། །
ཞྭ་དམར་བྱུང་བས་ཞྭ་དམར་པ་ཞེས་བཏགས། །ཕག་མོ་གྲུ་བའི་བཀའ་བརྒྱུད་ཅེས་པ་ནི། །
དྭགས་པོའི་སྲས་མཆོག་རྡོ་རྗེ་རྒྱལ་པོ་ཡིས། །ཕག་མོ་གྲུ་རུ་གདན་ས་མཛད་པ་ལ། །
ཕག་མོ་གྲུ་པར་གྲག་པ་པ་དེ་ཡི་སྲོལ། །དྭགས་པོའི་སློབ་མ་ཚུལ་ཁྲིམས་སྙིང་པོའི་སྲས། །
བླ་མ་ཞང་ངམ་འགྲོ་མགོན་གཡུ་བྲག་པས། ། སྐྱིད་ཤོད་ཚལ་གུང་གཙུག་ལག་ཁང་སོགས་བཞེངས། །
བརྒྱུད་འཛིན་རྣམས་ལ་ཞང་ཚལ་བ་ཞེས་གྲགས། །འགྲོ་མགོན་ཕག་མོ་གྲུ་པས་རྗེས་བཟུང་བ། །
སྐྱུ་ར་སྐྱོབ་པ་འཇིག་རྟེན་མགོན་པོ་ཡིས། །འབྲི་གུང་དགོན་པ་བཏབ་ནས་རྗེས་འབྲང་ལ། །
གདན་སའི་མིང་གིས་འབྲི་གུང་པ་ཞེས་བཏགས། །དེ་བཞིན་ཕག་གྲུའི་སློབ་མ་གླིང་རས་པའི། །
ཐུགས་སྲས་ཆོས་རྗེ་གཙང་པ་རྒྱ་རས་ཀྱིས། །དགོན་པ་བཏབ་དུས་འབྲུག་སྒྲ་བསྒྲགས་པ་ལས། །
འབྲུག་ཅེས་བཏགས་པས་འབྲུག་པའི་ཆོས་ལུགས་བྱུང༌། །སྟག་ལུང་བཀའ་བརྒྱུད་ཅེས་པའི་ལུགས་སྲོལ་ཡང༌། །
ཕག་མོ་གྲུ་བའི་ཉེ་གནས་བཀྲ་ཤིས་དཔལ། །སྟག་ལུང་ཞེས་བྱར་དགོན་པ་བཏབ་པ་ལས། །
སྟག་ལུང་ཐང་པར་གྲགས་པ་དེ་ལས་མཆེད། །བཀའ་བརྒྱུད་སྲོལ་་འབྱེད་མཉམ་མེད་སྒམ་པོ་བས། །
རྗེས་བཟུང་རྟོགས་ལྡན་དར་མ་དབང་ཕྱུག་གིས། །འབབ་རོམ་དགོན་པ་བཏབ་སྟེ་སློབ་མ་བསྐྱངས། །
བརྒྱུད་འཛིན་དག་ལ་འབབ་རོམ་བཀའ་བརྒྱུད་ཟེར། དེ་བཞིན་གཡའ་བཟང་བཀའ་བརྒྱུད་ཅེས་པ་ཡང༌། །
ཕག་གྲུའི་སློབ་མ་སྐལ་ལྡན་སེང་གེའི་སྲས། ། གཡའ་བཟང་ཆོས་རྗེར་གྲགས་པའི་བརྒྱུད་འཛིན་རྣམས། །
རིམ་པར་བྱོན་ལ་དེ་ལྟར་བཏགས་པའོ། །གཞན་ཡང་ཕག་གྲུའི་སློབ་མ་རྒྱལ་ཚ་དང༌། །
ཀུན་ལྡན་རས་པ་སྐུ་མཆེད་རྣམ་གཉིས་ཀྱི། །དབོན་པོ་ཁྲོ་ལོ་བྱམས་པ་དཔལ་བ་ལས། །
རིམ་པར་བརྒྱུད་པ་ཁྲོ་ཕུ་བཀའ་བརྒྱུད་དོ། །ཤེར་ཕྱིན་ཉམས་སུ་ལེན་པའི་སྲིད་ཞི་ཡི། །
ཞི་བྱེད་ཅེས་གྲགས་དམ་པ་སངས་རྒྱས་སྲོལ། སྔ་ཕྱི་བར་གྱི་བརྒྱུད་པ་རྣམ་གསུམ་བྱུང༌། །
ཤེར་ཕྱིན་སྔགས་དང་འབྲེལ་བའི་ཐབས་ཤེས་ཀྱིས། །གཅེས་འཛིན་འཁོར་བའི་རྩ་བ་གཅོད་པའམ། །
ཐབས་ཤེས་ལས་ལ་སྤྱོད་པས་སྤྱོད་ཅེས་པའང༌། །ཞི་བྱེད་ཡ་གྱལ་ལབ་ཀྱི་སྒྲོན་མེའི་སྲོལ། །
འཁོན་རིགས་དཀོན་མཆོག་རྒྱལ་པོས་འབྲོག་མིའི་དྲུང༌། །གསང་སྔགས་གསར་འགྱུར་རྣམས་ལ་མཁས་པར་སྦྱངས། །
ས་དཀར་དབུས་ཀྱི་ལོགས་སུ་དགོན་པ་བཏབ། །དེ་ཕྱིན་ས་སྐྱ་པ་ཞེས་སྙན་པར་གྲགས། །
ཡུ་མོ་མི་བསྐྱོད་རྡོ་རྗེའི་གཞན་སྟོང་སྲོལ། །ཀུན་མཁྱེན་དོལ་བུ་ཤེས་རབ་རྒྱལ་མཚན་གྱིས། །
ཇོ་མོ་ནང་ཞེས་གྲགས་པའི་དགོན་གནས་སུ། །རྒྱ་ཆེར་སྤེལ་ལ་ཇོ་ནང་ལྟ་བར་གྲགས།  །
འཇམ་མགོན་མི་ཡི་གར་མཛད་ཙོང་ཁ་བས། །དགའ་ལྡན་རྣམ་པར་རྒྱལ་བའི་གླིང་བཏབ་སྟེ། །
འཁྲུལ་བྲལ་བསྟན་པའི་ཉིན་བྱེད་ཤར་བ་ལ། །དགེ་ལུགས་པ་ཞེས་གྲགས་པའི་སྲོལ་བཟང་བྱོན། །
རྨད་བྱུང་རྣམ་ཐར་གཙང་མའི་ཁྲིམས་དང་ལྡན། །རླབས་ཆེན་རྒྱལ་སྲས་སྤྱོད་པའི་སྙིང་སྟོབས་ཆེ། །
བདེ་སྟོང་མཆོག་གི་རིམ་གཉིས་རྣལ་འབྱོར་སྤྱོད། །བློ་བཟང་རྒྱལ་བའི་བསྟན་དང་མཇལ་བར་ཤོག  །ཅེས་པའང་གྱི་ན་བ་དབྱངས་ཅན་དགའ་བའི་བློ་གྲོས་ཀྱིས་དམ་པའི་གསུང་བཞིན་བྲིས་པའོ།  །  མང་ག་ལམ།      
                                                ཀོས་ནན་ནང་བསྟན་ལས་བཤུས།
·གསར་འགྱུར་གོང་མ:དུས་བཞི་དང་དུས་རྒྱུན་གྱི་ཟས་སྤྱོད་སྐོར།
·གསར་འགྱུར་འོག་མ:བོད་ཀྱི་མིང་དུ་གྲགས་པའི་དབྱངས་རྩོམ་པ་པོ་སྨོན་ལམ་རྡོ་རྗེ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དུས་རབས་ཉེར་གཅིག་པའི་སྙིང་གཏམ། 2014/1/15 11:55:20
·ཨེ་ཝྃ་དཔེ་མཛོད་ཁང་གི་མཛད་སྒོའི་ཚོགས་གཏམ། 2012/10/25 21:44:20
·མངོན་ལྐོག་མེད་པའི་སྙིང་གཏམ་རིན་ཆེན་སྒྲོན་མེ། 2012/1/26 22:49:14
·དགའ་ལྡན་ལྔ་མཆོད་གཏོང་སྔ་དྲཊ་པ་རེད། 2011/11/23 13:44:10
·བསྟན་པ་དག་ཐེར་ཡོང་བའི་རེ་འདུན། 2011/2/3 22:29:36
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 22:09:52 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 23:15:32 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 23:28:32 [来自: 112.5.248.229]

འབྲེལ་ཡོད་དཔྱད་བརྗོད 59 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS