ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

བདེ་སྐྱིད་ཀྱི་འཇུག་ངོགས།

[རྩོམ་པ་པོ:བཀྲ་ཤིས་ཚེ་དབང་།  ཡོང་ཁུངས:དྲ་ཐོག  དུས་ཚོད:2015/9/22 14:50:05  བཀླགས་ཐེངས:1519][ཡིག་གཟུགས:ཡིག་གཟུགས་མདོག]

བདེ་སྐྱིད་ཀྱི་འཇུག་ངོགས།

 

བཀྲ་ཤིས་ཚེ་དབང་།

 

 ༡ འཛུམ་དཀར་གྱི་འགུགས་ཤུགས།

འཛུམ་དཀར་ནི་དྲོ་སྐྱིད་ཀྱི་ཉི་འོད་དང་འདྲ་ལ། འཛུམ་དཀར་ནི་བསིལ་འཇམ་གྱི་དཔྱིད་རླུང་དང་མཚུངས། འཛུམ་དཀར་ནི་དྲིན་ཆེན་ཕ་མས་རང་ཉིད་ལ་གནང་བའི་ཕྱག་རྟགས་རེད་ལ། འཛུམ་དཀར་ནི་གཞན་ལ་སྤྲོ་སྣང་སྟེར་ཐུབ་པའི་གདོང་གི་རྣམ་འགྱུར་ཞིག་ཡིན།

འཛུམ་མདངས་ཀྱིས་ཁྱེད་རང་གཞོན་སོ་དོད་དུ་དང་གསོན་ཤུགས་ཆེ་རུ་འགྲོ་ངེས་ལ། འཛུམ་མདངས་ཀྱིས་ཁྱེད་ཀྱི་རྩིས་ཐང་དང་ངོ་སོ་མཐོར་འདེགས་གཏོང་ངེས་རེད། འཛུམ་དཀར་ནི་ལེགས་གྲུབ་ཀྱི་འཇུག་སྒོ་དང་མཚུངས་ཏེ། སྤྱི་ཚོགས་ཀྱི་འབྲེལ་ལམ་ནི་བྱ་གཞག་ལེགས་གྲུབ་ཀྱི་གསེར་ཟམ་རེད་ལ། འཛུམ་མདངས་ཀྱིས་སྤྱི་ཚོགས་ཀྱི་འབྲེལ་ལམ་ལ་གལ་ཆེ་བའི་ནུས་པ་ཐོན་གྱི་ཡོད།

གལ་སྲིད་ཁྱེད་ལ་སྤྱིར་བཏང་མིན་པའི་མི་ཚེ་ཞིག་དགོས་སྙམ་ན། གལ་ཏེ་ཁྱེད་ཀྱི་མི་ཚེར་དཔྱིད་དཔལ་གྱི་མཚར་སྡུག་བཞད་ཆོག་ལ་ཨང་བསམ་ན། ཁྱེད་ཀྱི་ཞལ་ཁྱིམ་ངོས་ནས་སོ་དཀར་གྱི་མཛུམ་མདངས་ཚེས་དང་། གསོན་ཤུགས་འབར་བའི་བཞིན་རས་ཀྱི་མཛེས་པ་ངོམས་ནས་རང་ཉིད་ཀྱི་མ་འོངས་པར་སྤྲོ་སྣང་གི་རེ་འདུན་བརྟ་དགོས། དེ་ནི་ཁྱེད་རང་འཇིག་རྟེན་མི་ཡུལ་འདིར་འཚོ་བའི་གོ་རིམ་ཁྲོད་དུ་དབང་ཆ་ཆེ་ཤོས་དེ་ཡིན།

༢ རང་གཞན་གནས་ས་བརྗེས་ནས་ཐུགས་བསམ་བཞེས་དགོས།

གོ་ལ་འདི་ཅི་འདྲའི་ཕུན་སུམ་ཚོགས་རུང་། ཁྱེད་གཅིག་པུ་འཚོ་ན་བདེ་སྐྱིད་ཏིལ་ཙམ་ཡོད་མི་སྲིད། སྤྱི་ཚོགས་འདི་ཇི་ལྟར་རྙོག་འཛིང་ཆེ་ཡང་། གཞན་གཅིག་ཀྱང་མེད་ན་ཡོད་ཚད་གྲང་ཅང་ཅང་རེད།

དེ་ཁོ་ནའི་དབང་གིས། སེམས་ཁྲོ་བའི་དུས་སུ། ང་དང་ངའི་ཁོ་ནའི་འདོད་རྔམས་ཀྱི་ཁ་སེམས་རེ་ཞིག་བཙུམས་ནས་བྱམས་བརྩེའི་བློ་མིག་རྒྱ་ཆེར་གདོངས་དང་། ཡིད་གདུང་བའི་སྐབས་སུ། ཁྱེད་ལས་ཉམ་ཐག་པའི་སྐྱེ་འགྲོའི་ཚོགས་ཀྱི་སྐྱིད་སྡུག་ལ་ཐུགས་ཁུར་རེ་གནོང་དང་། བློ་གུ་དོག་གི་མཚམས་སུ། ཁྱེད་དང་གཞན་གྱི་གནས་ས་རེ་ཞིག་བརྗེས་ནས་ཐུགས་བསམ་གཏིང་ཟབ་ཅིག་བཞེས་དགོས།

འཇིག་རྟེན་འདི་ན། སྙིང་རྗེའི་སྤྱན་ཆབ་ནི་བདེ་སྐྱིད་ཀྱི་ཡང་རྩེ་རེད་ལ། གདུག་རྩུབ་ཀྱི་དགོད་སྒྲ་ནི་སྡུག་བསྔལ་གྱི་དམྱལ་ཡུལ་ཡིན་པས། ཁྱེད་ཀྱིས་བྱམས་པའི་སྤྱན་དང་བརྩེ་བའི་འཛུམ་གྱིས་མ་འོངས་པའི་རེ་སྨོན་བསུ་དགོས།

༣ གཞན་གྱི་ཡོན་ཏན་ལ་བསྟོད་ཅིང་བསྔགས་པ།

བསྟོད་བསྔགས་ནི་སྐྱེ་བོའི་སེམས་ཀྱི་སྒྲོན་མེ་རེད་ལ། བསྟོད་བསྔགས་ནི་མི་དང་མིའི་དབར་གྱི་འབྲེལ་བ་ལེགས་པོ་ཡོང་བའི་ཐབས་ཇུས་གལ་ཆེན་ཞིག་ཡིན། འདིར་བརྗོད་པའི་བསྟོད་བསྔགས་ནི་སྐྱེ་བོའི་ཡོན་ཏན་ལ་ཁ་ཞེ་ངོ་ལྐོག་མེད་པར་སེམས་ཀྱིས་ཡི་རངས་དང་ངག་གིས་བསྔགས་བརྗོད་བྱེད་པ་ལ་ཟེར་གྱི་ཡོད་པ་ལས། རྒྱབ་མདུན་མི་མཚུངས་པའི་མི་ཆེན་མདུན་དུ་ངོ་དགའ་སྤྲེལ་ལད་བྱེད་པ་ལ་ཟེར་གྱི་མེད།

ས་སྟེང་སྐྱེ་འགྲོ་ཚང་མར་རང་རང་གི་དགེ་མཚན་དང་ཡོན་ཏན་ལྡན་ཡོད་ལ། མིས་དུད་འགྲོ་ལ་སློབ་སྦྱོང་བྱེད་པའི་བློ་གྲོས་རྙེད་པ་ནི་མིའི་རིགས་ཀྱི་ཚན་རྩལ་འཕེལ་རྒྱས་ལ་ཕུལ་བའི་ལམ་ཚད་རྡོ་རིང་ལྟ་བུ་ཞིག་ཏུ་ངོས་འཛིན་གནང་དུས། ཁྱེད་ཀྱིས་བློ་སེམས་རྣལ་དུ་ཕབ་ན་ཁྱེད་དང་འཕྲད་པའི་སྐྱེ་བོ་ཚང་མ་ཁྱེད་ཀྱི་དགེ་རྒན་དུ་བརྩི་ཆོག་སྟེ། ཁོང་ཚོ་ཚང་མར་རང་རང་གི་ཁྱད་ཆོས་དང་ཡོན་ཏན་ཡོད་པས། ཁྱེད་ཀྱིས་ཁོ་ཚོའི་དྲུང་ནས་རང་ལ་མཁོ་བའི་ཤེས་བྱ་སྦྱངས་ནས་རང་ཉིད་ཀྱི་བསམ་བློའི་གནས་རིམ་ཇེ་མཐོར་གཏང་ཆོག ད་དུང་ཁྱེད་ཀྱིས་ངེས་པར་དུ་ཁོ་ཚོའི་ཡོན་ཏན་ལ་བློ་གཅིག་སེམས་གཅིག་གིས་ཡི་རངས་བྱ་དགོས་པ་མ་ཟད། སྨྲ་བ་ངག་གིས་བསྔགས་བརྗོད་ཀྱང་བྱེད་ཤེས་པ་དགོས། དེ་ནི་ལེགས་གྲུབ་མཁན་ལ་ངེས་པར་དུ་མཁོ་བའི་ཡོན་ཏན་ཞིག་ལགས།

༤ དྲིན་ཅན་དྲིན་དུ་སེམས་དགོས།

སྨག་མུན་མེད་ན། ཟླ་བའི་འོད་མདངས་བཀྲ་མི་ཐུབ་ལ། འགྲན་ཡ་མེད་ན། ཁྱེད་རང་ཡར་རྒྱས་འགྲོ་དཀའ།

དོན་ཐོག་ཏུ་ཤེས་བྱ་ཚང་མ་གཅིག་ལ་གཅིག་བརྟེན་རེད་ལ། འཇིག་རྟེན་འདི་རྟེན་འབྲེལ་དུ་གྲུབ་ཡོད་པས། ཁྱེད་རང་ཅི་འདྲའི་དབང་ཆ་ཆེ་ཡང་། ཁྱེད་ལ་ཇི་འདྲའི་འབྱོར་པས་ཕྱུག་ཀྱང་། ཁྱེད་ལ་མཚོན་ན་སྐྱེ་འགྲོ་དབུགས་ཆགས་ཙམ་མ་ཟད། འཛམ་གླིང་གོ་ལ་འདི་ཡང་དྲིན་ཅན་རེད། མ་ཡུམ་གོ་ལས་ཁྱེད་ལ་ཚེ་སྲོག་གནང་ཞིང་འགྲོ་བ་མི་ཡིས་ཁྱེད་ལ་ཤེས་དཔལ་བསླབས་པས། དྲིན་ཅན་དྲིན་དུ་སེམས་ནས་ཆུ་ལེན་ཇ་ཡིས་འཇལ་དགོས། དེ་ནི་ཁྱེད་ཀྱི་བདེ་སྐྱིད་ལ་འབྲེལ་བའི་དོན་ཆེན་ཞིག་ཡིན་ནོ། །

ལེགས་གྲུབ་ཀྱི་ལམ་ལས་བཏུས།

 

·གསར་འགྱུར་གོང་མ:གངས་ལྗོངས་ཁྱེའུའི་དྲ་བ་དེ་དངོས་སུ་ཤར་གཏོང་བྱེད་ཐུབ་པ་བྱུང་བ།
·གསར་འགྱུར་འོག་མ:2015ལོའི་ནོ་པེལ་རྩོམ་རིག་བྱ་དགའ་བལ་ཨུ་རུ་སུའི་རྩོམ་པ་པོར་ཐོབ་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·བདེ་ཐང་ལ་ཕན་པའི་བྱེད་སྒོ་ཁག་བཅུ། 2015/2/5 12:15:39
·ཕོ་བའི་བདེ་སྲུང་ཤེས་བྱ། 2015/1/12 16:17:21
·བདེ་ཐང་ལ་སྨན་པའི་ལས་ཀ་དང་ངལ་གསོའི་དུས་ཚོད་རེའུ་མིག  2013/10/28 21:32:59
·ཞི་བདེའི་ལྷ་བྱ་དཀར་པོའི་འཁྲུངས་ཚེས་ལ་བཀྲ་ཤིས་བདེ་ལེཊ། 2013/7/4 21:14:54
·ངེས་པར་དོ་སྣང་བྱེད་དགོས་པའི་བདེ་སྲུང་ཤེས་བྱ། 2013/4/5 13:34:02
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:ajfmfdzv
OOxA7G  <a href="http://izazypkxdzae.com/">izazypkxdzae</a>, [url=http://jgajwkgfmxae.com/]jgajwkgfmxae[/url], [link=http://gosvppivsopl.com/]gosvppivsopl[/link], http://gfsseemjeyzp.com/
发表时间:2017/2/21 9:45:33 [来自: 5.188.211.14]

 评论者:trghsvh
eM6Lf5  <a href="http://yxdxowbkponw.com/">yxdxowbkponw</a>, [url=http://ztzlpwhbqcdh.com/]ztzlpwhbqcdh[/url], [link=http://vonpvmkqepro.com/]vonpvmkqepro[/link], http://blbrvlicuzrp.com/
发表时间:2017/2/21 9:41:11 [来自: 5.188.211.11]

 评论者:pnzhczds
dONFV3  <a href="http://qmxktrxlumrf.com/">qmxktrxlumrf</a>, [url=http://zcfjxjcdusrj.com/]zcfjxjcdusrj[/url], [link=http://nmubchalmena.com/]nmubchalmena[/link], http://utusqxfnjkcr.com/
发表时间:2017/2/21 9:35:51 [来自: 5.188.211.13]

འབྲེལ་ཡོད་དཔྱད་བརྗོད 30 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS