ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> སློབ་གསོ
  གསར་འགྱུར་ཀློག་པ།

ཉི་ཧོང་བྱིས་པའི་སྤྱི་ཚོགས་སློབ་ཁྲིད།

[རྩོམ་པ་པོ:སྒོ་ཡོན་བསྒྱུར།  ཡོང་ཁུངས:གཙང་ཞོགས་སྤྲིན་ལས།  དུས་ཚོད:2015/9/3 20:56:32  བཀླགས་ཐེངས:1267][ཡིག་གཟུགས:ཡིག་གཟུགས་མདོག]

   ཉི་ཧོང་བྱིས་པའི་སྤྱི་ཚོགས་སློབ་ཁྲིད། 

 

སྒོ་ཡོན་གྱིས་བསྒྱུར། 

 

   ཁོ་མོའི་ཁྱིམ་གྱི་བྱིས་པ་ཆུང་ཆུང་ཉི་ཧོང་དུ་སློབ་ཆུང་ལོ་རིམ་གཉིས་པ་འགྲིམ་པའི་སྤྱི་ཚོགས་སློབ་ཁྲིད་ཀྱི་དུས་སུ། སློབ་གྲྭའི་དགེ་རྒན་གྱི་བཀོད་སྒྲིག་འོག་བྱིས་པ་རྣམས་སློབ་གྲྭའི་ཉེ་འཁོར་གྱིསྒོ་རྩིས་ཚོང་ཁངནང་རྟོག་ཞིབ་བྱེད་པར་ཆས་པ་རེད།
   སྒོ་རྩིས་ཚོང་ཁང་ནང་དུ་བསླེབས་རྗེས། དེ་ཀའི་བཟའ་བཅའ་རྣམས་ལས་ཕྱི་འདྲེན་ཡོང་ཁུངས་དང་། བདག་ཉར་གཏན་ཁེལ་གྱི་ཀུན་སྤྱོད་རྣམ་གཞག ཟས་རིགས་བེད་སྤྱོད་ཀྱི་དུས་ཚོད་བརྒལ་ཏེ་གཡུག་རན་པར་དོ་དམ་བྱེད་སྟངས་སོགས། བྱིས་པ་ཚོས་རང་ཉིད་གནས་སྡོད་ཀྱི་སྒོ་རྩིས་ཚོང་ཁང་ནང་ནས་ཉོས་པའི་བཟའ་བཅའི་སྐོར་བདེ་ཐང་ཡིན་པ་དང་། མི་གཞན་གྱི་སེམས་པ་བདེ་རུང་བ་རྟོགས་པ་རེད།
   ལོ་རིམ་གསུམ་པའི་སྤྱི་ཚོགས་སློབ་ཁྲིད་སྐབས། སློབ་གྲྭའི་དགེ་རྒན་གྱི་བཀོད་སྒྲིག་འོག་གྲོང་ཁྱེར་ནང་གི་གད་སྙིགས་དོ་དམ་བཟོ་གྲྭར་ཕྱིན་པ་དང་། དེ་ཀའི་གད་སྙིགས་ར་བར་ཉིན་ཕྱེད་ལྷག་ལ་རྟོག་ཞིབ་བགྱིས་ཤིང་། ཕྱིར་སྡོད་ཁྱིམ་ནང་བསླེབས་རྗེས་བྱིས་པ་ཆུང་ངུའི་སེམས་ཁམས་རབ་ཏུ་གཡོས་འདུག རྒྱུ་མཚན། མོའི་སེམས་ལ་དེ་སྔོན་དྲན་མ་མྱོང་བ་ཞིག་ནི། གད་སྙིགས་སླར་གསོའི་ཆེད་དུ། དོ་དམ་བདག་གཉེར་བས་གད་སྙིགས་ཀྱི་རིགས་མི་འདྲ་བ་རྣམས་ནོར་དུ་མ་བཅུག་པར་ཁག་བགོས་བྱེད་ཀྱི་ཡོད་ལ། གད་སྙིགས་སླར་གསོའི་གཙང་སྤུས་ལ་འགན་འཁུར་བའི་སྒོས། བཀོལ་སྤྱོད་དང་དགོས་མཁོ་གནས་པའི་སྐོར་རེ་རེ་བཞིན་ལག་པ་འགུལ་ནས་ངལ་རྩོལ་ཆེན་པོས་སོ་སོར་དབྱེ་བསལ་བཟོ།

  སྣང་ཚུལ་འདི་དག་གི་འགོ་མཇུག་ཆ་ཚང་མཐོང་མ་ཐག བྱིས་པར་དྲིན་ཤེས་ཆེན་པོ་སྐྱེས་ཏེ། ཁྱིམ་དུ་འབྱོར་འཕྲལ་ཧ་ཅང་གཟབ་ནན་ངང་ཁོ་མོར་བཤད་དོན། ཨ་མ། གཞུག་ནས་རང་ཁྱིམ་གྱི་གད་སྙིགས་འདོར་བའི་སྐབས། སླར་གསོ་རུང་བ་དང་སླར་གསོ་མི་རུང་བའི་གད་སྙིགས་རྣམས་ངེས་པར་དུ་སོ་སོར་དགར་ནས་དོར་དགོས་པར་མ་ཟད། ཟོག་འོ་བླུག་སྣོད་དང་བཏུང་ཁུའི་ཤུབས་ལྟ་བུ་སླར་གསོ་རུང་བ་དག་མཐའ་གཅིག་ཏུ་གཙང་མར་བཀྲུས་ནས་ད་གཟོད་དོར་དགོས། ཨ་མ། ཁྱེད་ཀྱིས་གད་སྙིགས་དོ་དམ་བཟོ་གྲྭའི་ལས་མི་ཚོས་དཀའ་སྡུག་ག་ཙམ་མྱོང་བཞིན་ཡོད་པ་ཤེས་ཀི་མ་རེད། ང་ཚོས་ཐེངས་གཅིག་ཙམ་ལ་ལས་སྟངས་མ་འདང་བས། ཁོ་ཚོར་དཀའ་ལས་ལྷག་མོ་སྣོན་པ་དང་། བྱ་བ་ཇེ་མང་དུ་གཏོང་གི་ཡོད་པ་རེད།

ལོ་རིམ་བཞི་བའི་སྤྱི་ཚོགས་སློབ་ཁྲིད་སྐབས། སློབ་གྲྭའི་དགེ་རྒན་གྱི་བཀོད་སྒྲིག་འོག་གྲོང་ཁྱེར་ནང་གི་ཆུ་འདྲེན་བཟོ་གྲྭར་ཕྱིན་ཏེ། ཆུ་འདྲེན་གྱི་བཞུར་མཚམས་ཆ་ཚང་ལ་རྟོག་ཞིབ་ཚར་བའི་བྱིས་པ་ཆུང་ཆུང་གིས། ཆུ་འདྲེན་བཟོ་གྲྭ་ནས་ཆུ་འགྱིག་དམ་གང་ཁྱེར་ནས་ཁྱིམ་ལ་འབྱོར་ཞིང་།ང་རྒྱལ་གྱི་ཚུལ་དུ་ཁོ་མོར་བཤད་དོན། ཨ་མ། ཁྱེད་ཀྱིས་ཤེས་སམ། ང་ཚོའི་ཁྱིམ་ནང་གི་ཆུ་ནི་གཏོང་འཛིན་གྱི་མཆུ་སྒོ་ཕྱེ་བ་ཙམ་གྱིས་བཏུང་ཆོག་པ་དང་། སེམས་པ་ལྷོད་ལ་དབབ་ཆོག་པའི་བདེ་ཐང་གི་ཆུ་འདྲེན་ཆས་རེད་འདུག །

ཐང་ཤེན་ཙིས་བརྩམས། (ཉི་ཧོང)
    (
༢༠༡༣ལོའི་རྒྱ་ཡིག་གི<<ཀློག་པ་བོ>>དུས་དེབ་འདོན་ཐེངས༢༤བ་ལས་བདམས་ཤིང་བསྒྱུར།)

·གསར་འགྱུར་གོང་མ:ཤེས་རབ་ཀྱི་མཚོན་རྟགས། ཧ་ཧྥུ་སློབ་གླིང་།
·གསར་འགྱུར་འོག་མ:འགོས་ནད་སྔོན་འགོག་བྱ་ཐབས།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·གློག་ཀླད་དྲ་ཚིཊ་ཤིག་ཤར་གཏོང་བྱས་འདུག 2013/4/2 16:28:33
·མདའ་སྨྱུག་དྲན་ཆང་། 2013/1/9 20:08:46
·ན་གཞོན་འཁྲབ་ཁྲིད་པ་པདྨ་ཚེ་རིང་གི་དུང་བརྗོད་གློག་བརྙན། 2011/4/10 22:11:47
·བོད་ཀྱི་DVགློག་བརྙན་༼རྩྭ་ཐང་གི་ཁྲག་ཐིགས༽སྐོར་གྱི་འཕྲིན་གསར་རགས་བསྡུས། 2010/3/19 23:37:27
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
མིག་སྔར་དཔྱད་བརྗོད་མི་འདུག
འབྲེལ་ཡོད་དཔྱད་བརྗོད 0 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS