ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> སློབ་གསོ
  གསར་འགྱུར་ཀློག་པ།

བྱིས་པར་སློབ་གསོ་གཏོང་ཐབས་སྐུལ་ཚིག

[རྩོམ་པ་པོ:ཞོགས་དུང་  ཡོང་ཁུངས:གཡང་མདའ  དུས་ཚོད:2015/4/18 11:08:08  བཀླགས་ཐེངས:1069][ཡིག་གཟུགས:ཡིག་གཟུགས་མདོག]

                བྱིས་པར་སློབ་གསོ་གཏོང་ཐབས་སྐུལ་ཚིག 

ཞོགས་དུང་གིས་བསྒྱུར།
 
ཕ་མ་ཡ་རབས་བཟང་སྤྱོད་དུ།།
གནས་ནས་བྱིས་པར་མིག་དཔེ་སྟོན།།
བཅོས་མ་མིན་པའི་བྱམས་བརྩེ་ནི།།
བྱིས་པར་རྒྱུན་དུ་སྟོན་པར་མཛོད།།
རིག་གནས་སྤྱི་ཚོགས་མི་མཐུན་པའི།།
བྱིས་པ་གཞན་དང་འགྲོགས་པར་བྱ།།
དར་མ་རྣམས་དང་རང་དབང་དུ།།
བྱིས་པ་འགྲོགས་པའི་མྱོང་གོམས་སློབས།།
བུ་ཁྱོད་སྙིང་རྗེ་ཡིད་འོང་ཕྱིར།།
ང་ཡག་ང་ཡུས་མ་ཟེར་ཟེ།།
བྱིས་པ་ནར་མ་སོན་དུས་ནས།།
དཔེ་ཆ་ཀློག་པའི་གོམས་གཤིས་སློབས།།
ཁང་པ་གཅིག་གམ་གྲུ་ཞིག་ནི།།
བྱིས་པའི་རྩེད་འཇོ་རྩེ་ས་བྱོས།།
དབྱུག་བསྐྱུར་དངོས་རོ་དུག་མེད་དག།
བྱིས་པའི་རྩེད་ཆས་བྱེད་དུ་ཆུགས།།
ཁྱིམ་གྱི་ལས་དང་ལྟ་སྐོར་ལ།
བྱིས་པ་རྟག་ཏུ་འཇུག་པར་བྱ།།
བྱིས་པའི་ཤེས་འཇོན་ནུས་གསུམ་ནི།།
ཡང་དག་ཚུལ་བཞིན་སྤྱོད་པ་སློབས།།
བྱིས་པ་འགྲོ་འདོད་ཆེ་བའི་སར།།
གྲོགས་པོའི་ཚུལ་གྱིས་རྩེད་མོར་སོང་།།
བྱིས་པས་ཅི་ཙམ་ནུས་པ་དེ།།
རང་ནུས་ཅི་ལྕོགས་བྱེད་པར་མཛོད།།
ལན་རེར་བྱིས་པའི་བྲིས་མ་རྣམས།།
བཤམ་དུ་ཆུགས་ལ་གཟེངས་བསྟོད་གྱིས།།
བྱིས་པའི་གསར་གཏོད་ལ་ཕན་ན།།
གཅོལ་ནས་བརྡལ་ཀྱང་མ་སྡིགས་ཤིག།
བྱིས་པའི་ལས་ཀ་འཆར་འགོད་དང་།།
དེ་འགྲུབ་པ་ཡི་རོགས་རམ་གནོངས།།
སྦྱོང་ཚན་བྲིས་ནོར་སོང་བ་རྣམས།།
བུ་༼བུ་མོ༽དང་མཉམ་དུ་དག་བཅོས་མཛོད།།
བྱིས་པས་ནོར་འཁྲུལ་ཅི་བཟོས་ཀྱང་།།
བཞད་འཕྱ་ཧབ་དགོད་བྱེད་པ་གཟོབས།།
བྱིས་པས་བསྒྲུབས་པའི་དོན་རྣམས་ལས།།
གང་རུང་བདམས་ནས་བསྔགས་བརྗོད་གྱིས།།
ཅི་ཞིག་བྱ་དང་ཇི་ལྟ་བྱེད།།
བྱིས་པར་ཐག་གཅོད་བྱེད་དབང་བྱིན།།
བྱིས་པས་མ་འཇོན་མ་ནུས་་ཚེ།།
མཐོང་ཆུང་རྩིས་མེད་མ་བྱེད་ཅིག།
བྱིས་པས་གང་དང་ཅི་དྲིས་ཀྱང་།།
སུན་སྣང་མེད་པར་དྲིས་ལན་ཐོབས།།
བྱིས་པས་ལྟ་ཚུལ་ཅི་བརྗོད་པ།།
ནན་གྱིས་ཡིད་འཇོག་ལྟ་སྟངས་མཛོད།།
བྱིས་པས་སྙན་ངག་བློར་འཛིན་དང་།།
གཏམ་བཤད་གླུ་ལེན་བསྟོད་ར་གྱིས།།
བྱིས་པས་གནད་དོན་ངོས་འཛིན་དང་།།
དེ་ཉིད་ཐག་གཅོད་བྱེད་པར་སྐུལ།།
རྣམ་དག་མིན་དང་དོན་མེད་དུ།།
བྱིས་པར་འུད་ཀྱིས་བསྟོད་མི་བྱ།།
ཕ་མ་དང་ནི་བྱིས་པའི་བར།།
དོན་དག་ཡོད་ཚད་གྲོས་བསྡུར་གྱིས།།
ཁྱོད་ནི་གཞན་ལ་མི་དོ་ཞེས།།
བྱིས་པར་ནམ་ཡང་བརྗོད་མི་བྱ།།
ཉེར་མཁོའི་དེབ་དང་རི་མོ་སོགས།།
བླུས་ནས་བྱིས་པའི་མོས་པ་བསྐྱེད།།
བྱིས་པའི་གམ་དུ་དུས་བཅད་ལྟར།།
སྒྲ་དག་གསལ་བའི་ཀློག་འདོན་ཞུས།།
བྱིས་པར་འཆར་སྒོ་མང་བ་དང་།།
གཏམ་རྒྱུད་སྒྲིག་པའི་གཞེན་སྐུལ་གསོལ།།
བྱིས་པ་སྒེར་གྱི་རེ་འདོད་ནི།།
བཅོས་མིན་བརྩི་འཇོག་ཡོད་པ་གྱིས།།
ཉི་མ་རེ་ལ་ཁོམ་ལོང་རེ།།
བཙལ་ནས་བྱིས་པར་ཁ་བརྡ་བྱོས།།
མཚང་འབྲུ་བ་དང་དམའ་འབེབས་ཀྱིས།།
བྱིས་པར་ཉེས་ཆད་གཅོད་མི་བྱ།།
བྱིས་པ་རང་གི་གནད་དོན་ནི།།
རང་གིས་བསམ་བློ་གཏོང་བར་སྐུལ།།
ཚོད་ལྟའི་འཆར་གཞི་ཞིབ་ཏུ་བཟོ།།
བྱིས་པར་དོན་དངོས་རྟོགས་གྲོགས་མཛོད།།
བྱིས་པ་གཞན་དང་མི་མཚུངས་པའི།།
རང་གཤིས་ཅན་ཞིག་སྐྱོང་གྲོགས་མཛོད།།
བརྙན་འཕྲིན་ལེ་ཚན་བལྟ་རིན་ཅན།།
བསྔོགས་ནས་བྱིས་པར་བལྟ་རུ་ཆུགས།།
བྱིས་པ་རང་ལས་གཞན་ལ་ནི།།
བརྟེན་རྒྱུ་མེད་པའི་བསླབ་པ་གནོངས།།
བྱས་པའི་ལས་ལ་འབྲས་མེད་ཀྱང་།།
བྱིས་པ་རང་ལ་བྱེད་དུ་ཆུགས།།
བྱིས་པ་བློ་དང་ལྡན་པའི་ཕྱིར།།
བླང་དོར་ཤེས་པར་ཡིད་ཆེས་མཛོད།།
·གསར་འགྱུར་གོང་མ:སྟོན་པ་དང་ནད་པ།
·གསར་འགྱུར་འོག་མ:མི་མང་ཆེ་བ་ནི་རྒས་ཏེ་ཤི་བ་མ་ཡིན་པར་རླུང་ལངས་ནས་ཤི་བ་རེད།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དྲང་བདེན་དང་གནས་ལུགས་སྐྱོང་བ་ནི་སློབ་གསོའི་སྲོག་རྩ་ཡིན། 2016/1/4 14:33:07
·འཛམ་གླིང་སློབ་ཆེན་ཨང་དང་པོའི་སློབ་མའི་སློབ་སྦྱོང་བྱེད་སྟངས། 2015/10/28 12:45:21
·མི་རིགས་རང་གི་སྐད་དང་ཡི་གེ་གལ་ཆེ་ཚུལ་ལས་འཕྲོས་པའི་སྙིང་གཏམ། 2015/5/17 21:03:50
·ཡིག་རྨོངས་དང་རྨོངས་དད་ཇི་ལྟར་སེལ་དགོས། 2015/4/24 9:00:16
·ཨ་མའི་སློབ་གསོའི་ཐད་ཀྱི་བསམ་གཞིགས། 2015/3/31 23:40:47
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
མིག་སྔར་དཔྱད་བརྗོད་མི་འདུག
འབྲེལ་ཡོད་དཔྱད་བརྗོད 0 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS