ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> འབྱུང་ཁཾས
  གསར་འགྱུར་ཀློག་པ།

ཕོ་བའི་བདེ་སྲུང་ཤེས་བྱ།

[རྩོམ་པ་པོ:མ་ངེས།  ཡོང་ཁུངས:དྲ་རྒྱ།  དུས་ཚོད:2015/1/12 16:17:21  བཀླགས་ཐེངས:1399][ཡིག་གཟུགས:ཡིག་གཟུགས་མདོག]

ཕོ་བའི་བདེ་སྲུང་ཤེས་བྱ།

   སྤྱིར་ན་ཟས་གང་སྐོམ་གང་ཡིན་རུང་ངེས་པར་དུ་ཕོ་བ་བརྒྱུད་ནས་འཇུ་ཞིང་ལུས་ཀྱི་ཟུངས་ སུ་གྱུར་བ་ཡིན་པས།ཕོ་བ་བདེ་སྲུང་ལེགས་པོ་བྱེད་རྒྱུ་ནི་ཤིན་ཏུ་གལ་ཆེ།དེ་ཡང་ ཕོ་བ་བདེ་སྲུང་བཟང་བོ་བྱེད་དགོས་ན་ཐོག་མར་ངེས་པར་དུ་ཕོ་བའི་མེ་དྲོད་སྲུང་ སྐྱོབ་བྱེད་དགོས།

 ཕོ་བའི་མེ་དྲོད་ཟེར་བ་དེ་གང་ཡིན།

ཕོ་བའི་མེ་དྲོད་ཟེར་བ་ནི་ང་ཚོས་རྒྱུན་པར་ཟས་སྐོམ་གང་ཞིག་ཟོས་པ་འཇུ་བ་དང་དྭངས་སྙིསག་འབྱེད་པ་སོགས་ཀྱི་ནུས་དེ་ལ་ཟེར་ཞིང་། ཕོ་བའི་མེ་དྲོད་དེས་རྒྱུན་དུ་ཟས་སྐོམ་རྣམས་འཇུ་ཞིང་དྭངས་སྙིགས་འབྱེད་པ་སོགས་ཀྱི་ལས་སྣོན་བྱས་ཏེ་དྭངས་མ་རྣམས་ལུས་ཟུངས་ཀྱི་གནས་སུ་འགྲོ་རུ་བཅུག་ནས་ལུས་སྟོབས་རྒྱས་ཤིང་འཕེལ་དུ་འཇུག་པ་དང་།སྙིགས་མ་རྣམས་བཙོག་པ་དང་གཅིན་པར་གྱུར་ནས་ཐུར་དུ་འགྲོ་རུ་འཇུག་པ། ཟས་སྐོམ་དྭངས་སྙིགས་མ་འབྱེད་པར་གང་བྱུང་དུ་མི་གཏོང་བ་སོགས་ཀྱི་བྱ་བ་བྱེད་ཀྱིན་ཡོད།གལ་ཏེ་ཕོ་བའི་མེ་དྲོད་ཞན་པོ་ཡིན་ན་ཟས་སྐོམ་གང་ཞིག་ཟོས་བ་དང་འཐུང་ནའང་འཇུ་མི་ཐུབ་པར་ཡར་སྐྱུགས་པ་དང་མར་བཤལ་བ།ཡང་ན་བཤལ་སྐྱུགས་མི་ཐུབ་པར་སྦོས་རྒྱངས་བྱེད་པ་སོགས་བྱས་ནས་ལུས་སྟོབས་ཉམས་འགྲོ་བ་དང་ལྷག་པར་དུ་དྭངས་མའི་གནས་སུ་སྙིགས་མ་ཤོར་ན་ཁྲག་ལ་སོགས་པའི་ལུས་ཟུངས་ཀྱི་སྤུས་ཚད་ཞན་པར་གྱུར་ ནས་ཕོ་བ་སྨུག་པོའི་ནད་དང་འབྲས་སྐྲན་སོགས་ཀྱི་ནད་མང་པོ་བསྐྱེད་སྲིད་པས། ཕོ་བའི་མེ་དྲོད་ཟེར་བ་དེ་ནི་ལུས་སྟོབས་རྒྱས་པ་དང་ལུས་ཁམས་བདེ་ཐང་དུ་གནས་པའི་རྒྱུ་རྐྱེན་གཙོ་བོ་ཞིག་ཡིན་སྟབས།དུས་ནམ་ཡང་ཟས་སྐོམ་འཇུ་བདེ་བ་དང་སྤྱོད་ལམ་དྲོ་བ་བསྟེན་པ་མ་ཟད།རྒྱུན་དུ་ཕོ་བའི་མེ་དྲོད་སྲུང་སྐྱོབ་བྱེད་པའི་སྨན་སེ་འབྲུ་བཞི་བའམ་ཡང་ན་སེ་འབྲུ་ལྔ་བ་བཏང་ན་ལུས་ཀྱི་སྟོབས་དང་གཟི་མདངས་རྒྱས་ཐུབ་ ལ་ཕོ་བའི་ནད་གཞི་ཡང་སྔོན་འགོག་བྱེད་ཐུབ།

ཟས་སྐོམ་གདམ་གསེས་བྱེད་སྟངས།

  དེང་སྐབས་མི་རྣམས་ཀྱི་འཚོ་བའི་ཆུ་ཚད་ཇེ་མཐོར་སོང་ནས་ཟས་རིགས་ལ་ཆ་བཞག་ན་འབྲུའི་རིགས་དང་ཤའི་རིགས།སྣུམ་གྱི་རིགས།མངར་ཆའི་རིགས།སྔོ་ཚོད་ཀྱི་རིགས་རྣམ་གྲངས་ཧ་ཅང་མང་པོ་ཡོད་པ་དེ་དག་ལ་བྲོ་བ་དང་རང་བཞིན་མི་འདྲ་བ་རེ་ཡོད་པ་མ་ཟད།ནུས་པ་ཡང་མི་འདྲ་བ་རེ་ཡོད།དེར་བརྟེན་ང་ཚོས་རྒྱུན་དུ་ཟས་རིགས་སོ་སོའི་རང་བཞིན་དང་ནུས་པ་ཁོང་དུ་ཆུད་པ་བྱས་ནས་ལུས་ཁམས་ལ་འཕྲོད་པ་དང་བཅུད་ལྡན་པ།འཇུ་བདེ་བ་བཅས་ཀྱི་ཟས་སྐོམ་མང་ཙམ་ཟ་བ་དང་།ལུས་ཁམས་ལ་མི་འཕྲོད་པའི་ཟས་སྐོམ་དང་འཇུ་མི་བདེ་བའི་ཟས་སྐོམ།ཡང་ན་ཕོག་དུག་ཡོད་པའི་ཟས་སྐོམ་སྟེ་དཔེར་ན་ཆང་རག་དང་ལ་ཅོ་སོགས་ཉུང་ཙམ་ཟ་བ་དང་།ལྷག་པར་དུ་ཟས་སྐོམ་རྙིང་བ་དང་རུལ་བ།བཙོག་པ།མ་ཚོས་པ།རྗེན་པ།ནད་བྱུང་ནས་ཤི་བའི་ཕྱུགས་རིགས་ཀྱི་ཤ་སོགས་དེ་བས་ཟ་མི་རུང་།གལ་ཏེ་ཁ་ཟས་ཟ་སྟངས་ལ་དོ་སྣང་མ་བྱས་པར་གང་བྱུང་དུ་ཟོས་པ་ཡིན་ན་ཕོ་བའི་མེ་དྲོད་ཀྱི་ནུས་པ་ཉམས་ནས་ལུས་སྟོབས་ཇེ་ཞན་དུ་འགྲོ་བ་དང་ནད་འགོག་པའི་ནུས་པ་ཇེ་ཞན་དུ་འགྲོ་བ།མ་ཞུ་བའི་ཕོ་བའི་ནད་སོགས་ནད་མང་པོ་སློང་བ་མ་ཟད།ཐ་ན་ཟས་དུག་ཕོག་པ་སོགས་ཀྱི་སྣང་ཚུལ་ཡང་འབྱུང་སྲིད།

  ཁ་ཟས་ཟ་ཚོད་ལ་དོ་སྣང་བྱེད་པ།

   སྤྱིར་ན་ཁ་ཟས་ཟ་ཚོད་རན་པར་བྱེད་རྒྱུ་ནི་མིའི་ངལ་རྩོལ་བྱེད་ཤུགས་དང་ཕོ་བའི་མེ་དྲོད་ཀྱི་ནུས་པ་ཆེ་ཆུང་བཅས་དང་འབྲེལ་བ་ཡོད་པ་མ་ཟད།ཟས་རིགས་འཇུ་བདེ་དང་མི་བདེའི་ཁྱད་པར་ཡང་ཡོད།དེས་ན་རབ་ཡིན་ན་ཁ་ཟས་ཟ་ཚོད་རན་པར་བྱེད་རྒྱུ་ནི་མི་སོ་སོའི་ཕོ་བ་ཆ་བཞི་ལ་བགོས་ཏེ་ཆ་གཅིག་ཟས་དང་ཆ་གཉིས་སྐོམ།ཆ་གཅིག་སྟོང་ཆ་སྟེ་རླུང་འགུལ་སྐྱོད་ཀྱི་གནས་སུ་འཇོག་པ་བཅས་བྱས་ན་ལུས་སྟོབས་རྒྱས་ཤིང་འཕེལ་བ་ དང་། ལུས་པོ་ཡང་ཞིང་ཟས་ཀྱི་དང་ག་བདེ་བ།མིག་ལ་སོགས་པའི་དབང་བོ་རྣམས་གསལ་བ། གཅིན་པ་དང་བཙོག་པ་དུས་ཐོག་ཏུ་འབབ་པ་བཅས་འབྱུང་ཐུབ། དེ་ལྟར་མ་ཡིན་པར་རང་ཉིད་ཀྱི་འདོད་པ་ལྟར་ཁ་ཟས་བཟང་བོ་ཡོད་ན་མང་དུ་ཟ་བ་དང་། ཁ་ཟས་མ་བཟང་ན་མ་ཟོས་པར་ལྟོ་སྟོང་དུ་བསྡད་ཚེ་ཁ་ཟས་ཉུང་དྲགས་པ་དེས་ལུས་ཀྱི་སྟོབས་དང་མདངས་ཤོར་བ་དང་མགོ་ཡུ་འཁོར་བ།རྣ་བ་འུར་བ།སྙིང་སྟོབས་ཉམས་པ་སོགས་རླུང་གི་ནད་མང་པོ་སློང་བ་དང་།ཚད་ལས་བརྒལ་ཏེ་ཁ་ཟས་མང་དྲགས་པ་ཟོས་ན་ཕོ་བའི་མེ་དྲོད་ཀྱིས་འཇུ་མི་ཐུབ་པ་དང་།ཕོ་བར་བེ་སྣབས་འཕེལ་ཏེ་མེ་དྲོད་དང་འཇུ་བྱེད་ཀྱི་ནུས་ པ་ཤོར་ནས་ལུས་ཕུང་བདེ་ཐང་ལ་གནོད་པ་འབྱུང་སྲིད།

   སྤྱོད་ལམ་ཐད་ནས་ཇི་ལྟར་བྱེད་དགོས།

  སྤྱིར་ན་དུས་ཚིགས་བཞི་དང་གནམ་གཤིས་ཚ་གྲང་གང་ཡིན་ཡང་གཙོ་བོ་ལུས་པོར་ཚ་གྲང་མི་འཐབ་པ་དང་།ཁ་ཟས་ཟོས་རྗེས་རབ་ཡིན་ན་སྐར་མ་ལྔ་ནས་བཅུའི་བར་འཆམ་འཆམ་བྱེད་དགོས།གཙང་སྦྲའི་ཐད་ནས་རྒྱུན་དུ་ཁ་དང་ལག་པ། སྣོད་ཅ་ལག་སོགས་བཀྲུ་བའི་གོམས་གཤིས་ཆགས་པར་བྱེད་པ་དང་།ལྷག་པར་དུ་གནམ་གཤིས་ཚ་དྲོད་ཆེ་བའི་སྐབས་སུ་དེ་བས་ཀྱང་གཙང་སྦྲར་དོ་སྣང་བྱེད་དགོས།

 

 སྨན་རྫས་ཁ་ཤས་ཀྱིས་ཕོ་བར་གནོད་པས་དོ་སྣང་བྱེད་དགོས།

   བོད་སྨན་དང་རྒྱ་སྨན་མི་ཉུང་བ་ཞིག་གིས་ཕོ་བར་གནོད་པ་སྟེ།དཔེར་ན་ན་ཟུག་གཅོག་བྱེད་ཀྱི་སྨན་དང་ཚ་བ་གཅོག་བྱེད་ཀྱི་སྨན།གཉན་རིམས་ཀྱི་སྨན་སོགས་ཕལ་ཆེ་བས་ཕོ་བར་གནོད་པ་བཟོ་བས།སྨན་རྫས་དེ་རིགས་དགོས་ངེས་ཀྱི་སྐབས་མ་གཏོགས་གང་བྱུང་དུ་མི་འཐུང་བ་དང་།གལ་ཏེ་ངེས་པར་དུ་འཐུང་དགོས་ན་ཁ་ཟས་ཟོས་རྗེས་འཐུང་ན་གནོད་པ་ཆུང་། སྤྱིར་ན་སྨན་འཐུང་ནས་ནད་བཅོས་ཐུབ་པ་ནི་ཆེས་བཟང་མོད།འོན་ཀྱང་ནད་གཞིར་ཏག་ཏག་མ་འཕྲོད་པ་དང་སྨན་འཐུང་ཚད་མང་དྲགས་པའི་རྐྱེན་གྱིས་ལྡོག་ཕྱོགས་ཀྱི་འབྲས་བུ་ ངན་པ་མང་པོ་འབྱུང་སྲིད་པར་བརྟེན་ང་ཚོ་རོང་འབྲོག་མང་ཚོགས་ཚང་མས་གང་ཐུབ་ཅི་ཐུབ་སྒོས་སྨན་རིགས་ཀྱི་ཕན་ནུས་ཤེས་པའི་ཐོག་སྨན་རིགས་དེ་ཚོར་གནོད་པ་གང་ཡོད་མེད་ལ་རྒྱུན་དུ་ཤེས་རྟོགས་དང་དོ་སྣང་བྱེད་རྒྱུ་ནི་ཤིན་ཏུ་གལ་ཆེ། །

·གསར་འགྱུར་གོང་མ:རི་བོ་དགའ་ལྡན་བའི་བསྟན་པ་བླ་རབས་དང་བཅས་པ་གསལ་བའི་སྒྲོན་མེ །
·གསར་འགྱུར་འོག་མ:དེང་གི་ཡུལ་མི་རྣམས་ལ་གཏམ་དུ་བྱ་བ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·བདེ་ཐང་ལ་ཕན་པའི་བྱེད་སྒོ་ཁག་བཅུ། 2015/2/5 12:15:39
·དུས་བཞི་དང་དུས་རྒྱུན་གྱི་ཟས་སྤྱོད་སྐོར། 2010/3/14 20:14:20
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:52:39 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:29:18 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 14:05:37 [来自: 112.5.248.229]

འབྲེལ་ཡོད་དཔྱད་བརྗོད 52 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།28.32MS