ཟླ་བ་བཅུ་པའི་ཚེས་བཅུ་གཉིས་ཉིན་གྱི་དགོང་མོར།  ཀྲུང་གོའི་གསེར་གྱི་བྱ་རྒོད་བརྙན་འཕྲིན་སྒྱུ་རྩལ་འདུ་ཚོགས་སྐབས་བཅུ་པ་དང་ཀྲུང་གོའི་བརྙན་འཕྲིན་གསེར་གྱི་བྱ་རྒོད་རྟགས་མ་སྤྲོད་པའི་མཛད་སྒོ་དེ་ཧུའུ་ནན་ཁྲང་ཧྲ་གྲོང་ཁྱེར་དུ་སྤེལ་བ་རེད། དགོང་ཚོགས་ཡུལ་དངོས་སུ་གཟིགས་མོ་བ་ཆེས་དགའ་བའི་མུ་འབྲེལ་བརྙན་འཕྲིན་གྱི་འཁྲབ་སྟོན་པ་དང་། ཆེས་ཕུལ་དུ་བྱུང་བའི་མུ་འབྲེལ་བརྙན་འཕྲིན་གྱི་འཁྲབ་ཁྲིད་པ། ཆེས་ཕུལ་དུ་བྱུང་བའི་བརྙན་འཕྲིན་ ལེ་ཚན་གྱི་མདོ་འཛིན་པ་སོགས་བྱ་དགའི་རྣམ་གྲངས་ཆེན་མོ་བརྒྱད་གསལ་བསྒྲགས་བྱས་ཤིང་། ཁམས་པའི་བརྙན་འཕྲིན་ཁང་གི་དབུ་བཞུགས་མདོ་འཛིན་པ་འཆི་མེད་དབང་མོས་ཆེས་ཕུལ་དུ་བྱུང་བའི་བརྙན་འཕྲིན་ལེ་ཚན་གྱི་མདོ་འཛིན་པའི་བྱ་དགའ་ཐོབ་པ་རེད།