དེ་རིང་། ཁྱོད་ཀྱི་དུས་ཆེན་ཡིན།
____༢༠༡༤ལོའི་དགེ་རྒན་དུས་ཆེན་ལ།
ས་དམར་གྲགས་པ།(ལྷ་ས།)
ཉིན་མོ་འདིར ངས་ཁྱོད་རང་དྲན་སྲིད
ཉི་འོད་ཀྱི་འཛུམ་མདངས་ཁྲོད་ནས་ཁྱོད་རང་དྲན་སྲིད
ཉིན་མོ་འདིར་ང་གཅིག་པུ
རྒྱང་རིང་གི་རི་བོ་ཆེན་པོ་ཞིག་གི་རྩེ་མོར་ཉལ་ཏེ
དྲན་པའི་རྟ་ཕོའི་སྲབ་མདའ་འཛིན་དགོས
ཁྱོད་རང་དྲན་དྲགས་པས
དེ་རིང་ངས་མང་པོ་ཞིག་དྲན་བྱུང
དེ་རིང ཁྱོད་ཀྱི་དུས་ཆེན་ཡིན་པས
འོད་སྣང་གིས་འཇིག་རྟེན་བསྐྲུན་པའི་ཉིན་མོ་ཡིན
སྐྱིད་སྣང་གི་བདེ་བ་ཁྱོད་ཀྱིས་རྟོགས་དགོས
གསེར་འོད་ལམ་ལམ་གྱི་དེ་རིང
ཁྱེད་ཀྱི་ལུས་སེམས་འོད་ལ་བཅོལ་ཏེ
ལྷོད་ལྷོད་བཞུགས་ཤིག སྙིང་ཉེ་བའི་མི་ལགས
ཉིན་མོ་འདིར ངས་ཁྱོད་རང་དྲན་སྲིད
ཉི་འོད་ཀྱི་འཛུམ་མདངས་ཁྲོད་ནས་ཁྱོད་རང་དྲན་སྲིད
༢༠༡༤།༩།༡༩ཉིན་གྱི་ཞོགས་པར་གྲུབ།