ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> སློབ་གསོ
  གསར་འགྱུར་ཀློག་པ།

དགེན་འཇིགས་མེད་རྒྱལ་མཚན་གྱི་སློབ་གསོའི་སྐོར་གྱི་གྲོས་འཆར་འགའ།

[རྩོམ་པ་པོ:འཇིགས་རྒྱམ།  ཡོང་ཁུངས:རྣམ་ཤེས  དུས་ཚོད:2014/1/24 10:47:02  བཀླགས་ཐེངས:5309][ཡིག་གཟུགས:ཡིག་གཟུགས་མདོག]
དགེན་འཇིགས་མེད་རྒྱལ་མཚན་གྱིས་སློབ་གསོའི་སྐོར་ལ་བཏོན་པའི་
དགོངས་འཆར་འགའ།
 
   ཉིན་དྲུག་གི་རིང་ལ་འཚོགས་པའི་མཚོ་སྔོན་ཞིང་ཆེན་གྱི་ཚོགས་ཆེན་གཉིས་ཀྱི་སྐབས་སུ་དགེ་རྒན་འཇིགས་མེད་རྒྱལ་མཚན་ལགས་ཀྱིས་སློབ་གསོའི་སྐོར་ལ་བསམ་འཆར་འགའ་ཞིག་བཏོན་གནང་བ་སྟེ།
གཅིག   བོད་ཁུལ་གྱི་སློབ་གྲྭ་མང་བོའི་ནང་དུ་བོད་ཀྱི་སྐད་ཡིག་གཅིག་པུ་བོད་སྐད་ཀྱིས་ཁྲིད་པ་ལས་གཞན་རྩིས་དངོས་རྫས་གསུམ་སོགས་རྒྱ་ཡིག་གི་སྟེང་དུ་ཁྲིད་བཞིན་ཡོད་པ་ནི་ནོར་འཁྲུལ་ཅིག་ཡིན་ཏེ་སློབ་མ་ལ་སློབ་སྦྱོང་སྤྲད་པའི་དམིགས་ཡུལ་གཙོ་བོ་ནི་སྦྱང་བྱའི་རིག་གནས་ཀྱི་ནང་དོན་ཤེས་སུ་འཇུག་པ་དང་མ་འོངས་པ་ན་བཀོལ་སྤྱོད་བྱེད་ཐུབ་རྒྱུ་དེ་ཡིན་པས། མི་རིགས་གང་ཞིག་ཡིན་ཀྱང་སྐད་རིགས་གཉིས་པའི་སྟེང་ནས་ཁྲིད་པ་ལས་རང་གི་ཕ་སྐད་ཀྱི་སྟེང་ནས་ཁྲིད་ན་གོ་སླ་བ་ཡིན་ཚུལ་དེ་མི་རིགས་ཚང་མའི་མྱོང་སྟོབས་ཀྱིས་གྲུབ་སྟེ་དཔེར་ན་ཟི་ལིང་གྲོང་ཁྱེར་གྱི་རྒྱའི་སློབ་མ་རྣམས་ལ་དབྱིན་ཇིའི་ཡི་གེའི་སྟེང་ནས་རྩིས་དངོས་རྫས་གསུམ་སོགས་ཀྱི་དཔེ་ཁྲིད་བྱས་ཚེ་གོ་བ་ལོན་མིན་གྱིས་རྟོགས་ཐུབ། གཞན་ཡང་བོད་ཁུལ་གྱི་སློབ་མ་རྣམས་ཀྱི་མ་འོངས་པའི་ཞབས་ཞུ་བྱེད་ཡུལ་གཙོ་བོ་བོད་ཁུལ་གྱི་བོད་མི་རྣམས་ཡིན་པས་བོད་མི་ལ་བོད་སྐད་ཀྱིས་གོ་བརྡ་སྤྲད་པའི་སློབ་མ་སྐྱེད་བསྲིང་བྱེད་རྒྱུ་དེ་མ་འོངས་པའི་བོད་ཁུལ་གྱི་སློབ་གསོ་དང་དཔལ་འབྱོར། ཚན་རིག་འཕེལ་རྒྱས་ཡོང་བའི་ཐབས་ལམ་ཉག་གཅིག་ཡིན།
  གཉིས་པ། དགེ་རྒན་གྱི་གྲངས་ཀ་དང་སྤུས་ཚད་མཐོ་རུ་གཏོང་རྒྱུ་ནི་སློབ་གསོའི་སྤུས་ཚད་མཐོ་རུ་གཏོང་བའི་རྨང་གཞི་རེད། འོན་ཀྱང་བོད་ཁུལ་གྱི་སློབ་གྲྭ་མང་བོའི་དགེ་རྒན་གྱི་སྤུས་ཚད་དམའ་བར་མ་ཟད་གྲངས་ཀ་ཧ་ཅང་ཉུང་། དཔེར་ན་མགོ་ལོག་ཁུལ་གྱི་སློབ་གསོ་ཅུང་བཟང་བའི་རྫོང་ནི་རྨ་ཆེན་རྫོང་ཡིན། རྨ་ཆེན་རྫོང་གི་དགེ་རྒན་གྱི་གྲངས་ཀ་ལ་མཚོན་ན་སློབ་ལོ་མ་ལོན་པའི་བྱིས་པའི་སློབ་མ་༡༠༨༩ཡོད། རྒྱལ་ཁབ་ཀྱི་ཚད་གཞི་ལྟར་ན་བྱིས་པ་ལྔ་ལ་དགེ་རྒན་གཅིག་དགོས་མོད། ད་ཡོད་དགེ་རྒན་ཉེར་ལྔ་ལས་མེད་པས་བྱིས་གཉོར་དགེ་རྒན་༡༩༣ཆད། སློབ་ཆུང་ལ་སློབ་མ་༥༧༥༠ཡོད། རྒྱལ་ཁབ་ཀྱི་ཚད་གཞི་ལྟར་ན་སློབ་མ་བཅུ་དྲུག་ལ་དགེ་རྒན་གཅིག་དགོས་མོད། ད་ཡོད་སློབ་ཆུང་དགེ་རྒན་ཉིས་བརྒྱ་དང་ང་དགུ་ལས་མེད་པས་སློབ་ཆུང་དགེ་རྒན་༦༤ཆད། སློབ་འབྲིང་སློབ་མ་༢༠༦༩ཡོད། རྒྱལ་ཁབ་ཀྱི་ཚད་གཞི་ལྟར་ན་སློབ་མ་བཅུ་གཉིས་ཙམ་ལ་དགེ་རྒན་གཅིག་དགོས་མོད། ད་ཡོད་སློབ་འབྲིང་དགེ་རྒན་བརྒྱ་དང་བཅུ་བདུན་ལས་མེད་པས་སློབ་འབྲིང་དགེ་རྒན་༥༩ཆད། དེ་ལྟར་ན་རྨ་ཆེན་རྫོང་ལ་དགེ་རྒན་༣༡༦ཆད་ཡོད་པས་བྱིས་པའི་སློབ་མ་༩༦༥དང་སློབ་ཆུང་སློབ་མ་༡༠༢༤ སློབ་འབྲིང་སློབ་མ་༦༩༣བཅས་ཁྱོན་སློབ་མ་ཉིས་སྟོང་དྲུག་བརྒྱ་བརྒྱད་ཅུ་གྱ་གཉིས(༢༦༨༢)ལ་དགེ་རྒན་འདངས་མེད་པས་ཧ་ཅང་འཇིགས་སུ་རུང་བའི་གནས་སུ་གྱུར་ཡོད།
  གསུམ་པ། འགོ་ཁྲིད་ལ་ལ་ཞིག་གིས་དམངས་སྒྲུབ་སློབ་གྲྭ་ཡོད་ཀྱང་རུང་ལ་མེད་ཀྱང་ཆོག་པའི་བསམ་ཚུལ་བཟུང་ཡོད་པས། དམངས་སྒྲུབ་སློབ་གསོ་ནི་རྒྱལ་ཁབ་ཀྱི་སློབ་གསོ་འཕེལ་རྒྱས་ཀྱི་ཁྲོད་དུ་མེད་དུ་མི་རུང་བའི་གྲུབ་ཆ་ཞིག་ཡིན་ཚུལ་དམངས་སྒྲུབ་སློབ་གསོའི་བཅའ་ཁྲིམས་སུ་གསལ་ལ། མི་མང་དམངས་ཚོགས་ལ་དགོས་མཁོ་ཆེ་ཚུལ་ཡང་ངེད་གངས་ལྗོངས་ཤེས་རིག་ནོར་བུའི་སློབ་གླིང་གི་ལོ་ངོ་ཉི་ཤུའི་རིང་བསགས་པའི་ཉམས་མྱོང་གིས་ཤེས་ཐུབ་སྟེ། དཔེར་ན་ལོ་རེར་གསར་ཞུགས་སློབ་མ་སྟོང་ཁ་ལྷག་གིས་ཕྲེང་བསྒྲིགས་ནས་ལོ་ནས་ལོར་བསྒུགས་ཡོད་པ་འདིས་སྤྱི་ཚོགས་ལ་དགོས་མཁོ་ཆེ་བ་མཚོན་ཐུབ།
  བཞི་བ། རྒྱ་མི་རིགས་ལ་མཚོན་ན་གནའ་སྔ་མོ་ནས་སྲོལ་རྒྱུན་གྱི་རིག་གནས་ཕུན་སུམ་ཚོགས་པ་ཞིག་ཡོད་པའི་མི་རིགས་ཁྱད་པར་བ་ཞིག་ཡིན་མོད། དེང་སྐབས་ཀྱི་རྒྱའི་སློབ་གྲྭ་སོ་སོའི་ནང་དུ་དེང་རབས་ཀྱི་རིག་གནས་མང་དུ་ཡོད་ཀྱང་རྒྱ་མི་རིགས་ཀྱི་སྲོལ་རྒྱུན་རིག་གནས་ཀྱི་སློབ་ཁྲིད་མེད་པས་སློབ་གྲྭའི་ནང་གི་སློབ་མ་མང་བོ་ཞིག་ལ་རྒྱ་མི་རིགས་རང་གི་སྲོལ་རྒྱུན་རིག་གནས་ལ་དུང་བ་ཤིན་ཏུ་ཞན་ལ། སྲུང་སྐྱོབ་བྱེད་པའི་འདུན་པ་ཡང་ཧ་ཅང་ཆུང་། རེ་བ་ལ་རྒྱལ་གཉེར་གྱི་སློབ་གྲྭ་སོ་སོའི་ནང་དུ་རྒྱ་མི་རིགས་ཀྱི་སྲོལ་རྒྱུན་རིག་གནས་བསླབ་ཏུ་བཅུགས་ནས་ཀྲུང་གོའི་རྒྱལ་སྤྱིའི་རང་བཞིན་གྱི་སློབ་གསོའི་ནང་སྙིང་དེ་རྒྱལ་ཁབ་རང་གི་མི་རིགས་ཀྱི་རིག་གནས་ཀྱིས་ཟིན་པར་བྱེད་དགོས། དེ་བཞིན་དུ་བོད་མི་རིགས་ཀྱི་རྒྱལ་སྤྱིའི་རང་བཞིན་གྱི་སློབ་གསོའི་ནང་སྙིང་ཡང་བོད་པའི་རིག་གནས་ཀྱིས་བྱེད་དགོས་པ་རིགས་པས་གྲུབ།
  ལྔ་བ། ས་གནས་ཤིག་གི་ལས་ཞུགས་དང་ལས་ཤོར་གྱི་གནས་ཚུལ་གྱིས་ས་གནས་དེའི་དཔལ་འབྱོར་སྒྲིག་གཞི་ལེགས་མིན་དང་འགོ་ཁྲིད་ཀྱི་ནུས་པ་རྟོགས་ཐུབ། རོང་འབྲོག་མང་ཚོགས་ཀྱི་དངོས་པོའི་གནས་ཚུལ་དང་མཐུན་པའི་སྒོ་ནས་བྱ་བ་བཀོད་སྒྲིག་བྱེད་རྒྱུ་ནི་མང་ཚོགས་ཀྱི་འདོད་བློ་སྐོང་བའི་བྱ་བ་གལ་ཆེན་ཞིག་ཡིན། ཡིན་ན་ཡང་བྱ་བ་བཀོད་སྒྲིག་བྱེད་ཚེ་བྱ་བ་ལས་མཁན་གྱི་མི་སྣའི་རིག་གནས་ཆུ་ཚད་དང་འཚོ་བའི་གནས་ཚུལ་ལ་གཞིགས་ཏེ་བཀོད་སྒྲིག་བྱེད་པ་ལས་གང་བསམ་དུ་བཀོད་སྒྲིག་བྱེད་མི་རུང་། དཔེར་ན་ཉིས་སྟོང་བཅུ་གཉིས་ལོར་ཞིང་ཆེན་སྲིད་གྲོས་ཀྱིས་འཆར་གཞི་དང་བཀོད་སྒྲིག་ལྟར་ཁུལ་སོ་སོ་ནས་ལས་ཤོར་དང་བྱ་བ་མེད་པའི་མི་སྣ་མང་བོ་ཞིག་ལ་བྱ་བ་ཐག་གཅོད་བྱས་པས་དངོས་གནས་ཕན་ནུས་ལྡན་པའི་བྱ་བ་མང་པོ་བསྒྲུབས་ཡོད། ཡིན་ན་ཡང་རོང་འབྲོག་གི་གནས་སྤོར་ཁྱིམ་མི་མང་བོ་ཞིག་ནང་ལོག་གི་ཁེ་ལས་རྣམས་སུ་ལས་དཀའ་ལས་རྒྱུའི་གོ་སྐབས་སྤྲད་མོད། ཁོ་ཚོའི་རྒྱ་ཡིག་དང་རྒྱ་སྐད་མི་ཤེས་པའི་དབང་གིས་དཀའ་ངལ་མི་ཉུང་བ་ཞིག་འཕྲད། རྗེས་ཕྱོགས་དེ་འདྲའི་བྱ་བ་བཀོད་སྒྲིག་བྱེད་ཚེ་ཁོ་ཚོའི་རིག་གནས་ཆུ་ཚད་དང་བསམ་བློའི་འདུ་ཤེས། ལུས་སེམས་བདེ་ཐང་བཅས་ལ་ལྟ་ཞིབ་ནན་མོ་བྱས་ཏེ་བཀོད་སྒྲིག་བྱེད་རྒྱུ་ནི་ཁོ་ཚོའི་འཚོ་བ་ལ་ཡུན་རིང་དུ་ཕན་མི་ཕན་གྱི་གནད་འགག་རེད།
  དྲུག་པ། མཉམ་སྒྲུབ་ཚོང་སྡེ་འཛུགས་རྒྱུ་ནི་རྒྱལ་ཁབ་ཀྱི་ཞིང་གསུམ་གནད་དོན་ཐག་གཅོད་བྱེད་པའི་ཐབས་ལམ་ཉག་གཅིག་ཡིན། རང་ཞིང་ལ་མཚོན་ན་ལོ་གསུམ་བཞིའི་རིང་ལ་མཚོ་སྔོན་གྱི་ཁྱད་ཆོས་ལྡན་པའི་སྐྱེ་ཁམས་མཉམ་སྒྲུབ་ཚོང་སྡེ་བསྒྲུབས། ལོ་ངོ་དེ་དག་གི་རིང་ལ་སྡེ་བ་རེར་སྐྱེ་ཁམས་མཉམ་སྒྲུབ་ཚོང་སྡེ་རེ་བསྒྲུབ་ཏུ་བཅུག  ཡིན་ན་ཡང་ས་གནས་ལ་ལར་མཉམ་སྒྲུབ་ཚོང་སྡེ་མིང་སྟོང་ཙམ་ལས་དཔལ་འབྱོར་གྱི་ཡོང་སྒོ་སྒྲུབ་ཐུབ་མཁན་ཤིན་ཏུ་ཉུང་ལ། རྒྱལ་ཁབ་ཀྱིས་བྱིན་པའི་རྣམ་གྲངས་ཀྱི་སྒོར་ཁྲི་ཉི་ཤུ་བོ་ཡང་མི་སྒེར་ལ་བགོས་པའི་གནས་ཚུལ་བྱུང་ཡོད། རོང་འབྲོག་མང་ཚོགས་ཁྲོད་དུ་རང་རྟོགས་ཀྱིས་བསྒྲུབས་པའི་མཉམ་སྒྲུབ་ཚོང་སྡེ་ལ་རྣམ་གྲངས་ཀྱི་སྒོར་མོ་ཐོབ་ཀྱིན་མེད་པས། གོང་རིམ་གྱིས་མང་ཚོགས་ཀྱི་བསམ་བློ་ལ་སྒུལ་ཤུགས་དང་སྐུལ་མ་ཐེབས་ཆེད་རང་རྟོགས་ཀྱིས་སྒྲུབ་མཁན་དང་སྲིད་གཞུང་གིས་བཀོད་སྒྲིག་ལྟར་སྒྲུབ་མཁན་གཉིས་ལ་འདྲ་མཉམ་གྱི་ལྟ་སྟངས་འཛིན་རྒྱུ་ནི་ས་གནས་འཕེལ་རྒྱས་ལ་སྐུལ་འདེད་ཐེབས་མིན་གྱི་དོན་ཆེན་ཞིག་ཏུ་གྱུར་ཡོད།
  བདུན་པ། སྤྱི་ཚོགས་བདེ་འཇགས་ཡོང་རྒྱུ་ནི་མི་རིགས་མཐུན་སྒྲིལ་དང་དཔལ་འབྱོར་འཕེལ་ཡོང་བའི་གཞི་རྩ་ཞིག་ཏུ་གྱུར་ཡོད་པས་སྲིད་གཞུང་དང་གོང་རིམ་འགོ་ཁྲིད་ཀྱིས་འདིའི་ཕྱོགས་ལ་དབྱེ་ཞིབ་ནན་མོ་བྱེད་དགོས། དེང་སྐབས་བོད་ཁུལ་བདེ་འཇགས་མིན་པའི་གོ་སྐབས་དང་བསྟུན་ནས་མི་ལ་ལ་ཞིག་གིས་དབྱེན་རྫུན་གྱི་བྱ་བ་ཁོ་ནར་འབད་དེ་མི་དང་མིའི་བར། འགོ་ཁྲིད་དང་འབངས་མིའི་བར། ཚོགས་པ་དང་ཚོགས་པའི་བར། སྡེ་ཁག་དང་སྡེ་ཁག་གི་བར་བཅས་ལ་དབྱེན་རྫུན་བཤད་ནས་བསྡད་ཡོད། དཔེར་ན་ཉིས་སྟོང་བཅུ་གཉིས་ལོར་ངེད་གངས་ལྗོངས་ཤེས་རིག་ནོར་བུའི་སློབ་གླིང་གིས་རྩོམ་བསྒྲིགས་བྱས་ཤིང་ཀན་སུའུ་མི་རིགས་དཔེ་སྐྲུན་ཁང་ནས་དཔར་བསྐྲུན་བྱས་པའི་གསར་བྱུང་རྒྱུན་བཀོལ་ཐ་སྙད་ཕྱོགས་བསྒྲིགས་ཀྱི་དཔེ་ཆའི་རྒྱབ་ཤོག་སྟེང་བཀོད་ཡོད་པའི་ནོར་བུ་མེ་འབར་གྱི་རི་མོ་ལ་ཆབ་སྲིད་ཀྱི་ཉེས་སྐྱོན་བཀལ་བ་བཞིན་རེད། དེང་སྐབས་བོད་ཁུལ་དུ་མི་ལ་ཕྲག་དོག་བྱེད་པ་དང་མི་ལ་ངན་བཤད་ལྐོག་གཡོ་བྱེད་པའི་ཐབས་ལམ་གཙོ་བོ་ནི་ཆབ་སྲིད་ཀྱི་ཉེས་སྐྱོན་འགེལ་རྒྱུ་དེ་རེད། དེའི་ཕྱིར་འཐབ་ཕྱོགས་གཅིག་གྱུར་ལས་ཁུངས་དང་རྒྱལ་ཁབ་བདེ་འཇགས་ལས་ཁུངས་སོགས་འབྲེལ་ཡོད་ལས་ཁུངས་ཀྱིས་བྱ་བ་ལ་དབྱེ་ཞིབ་ནན་མོ་བྱེད་པ་ལས་སྐད་ཆ་གོ་ཚད་བདེན་པར་བཟུང་ནས་ཉེས་ཆད་དང་ཁྲིམས་སྦྱོར་བྱས་ན་འཆམ་མཐུན་དང་བདེ་འཇགས་ཀྱི་ལྡོག་ཟླར་འགྱུར་བཞིན་ཡོད།
  བརྒྱད་པ། དགོན་པའི་དོ་དམ་འཐུས་ཚང་དུ་གཏོང་བ་དང་དགོན་པའི་གྲྭ་བ་དང་མང་ཚོགས་ལ་བདེ་འཇགས་ཡོང་རྒྱུ་ནི་ཞི་འཇམ་འཆམ་མཐུན་དང་བདེ་སྐྱིད་ཀྱི་འཚོ་བ་ཡོང་བའི་ཆ་རྐྱེན་གལ་ཆེན་ཞིག་ཡིན། དེའི་ཕྱིར་ས་གནས་སྐོར་ཞིག་གིས་ཏང་ཡོན་ལས་བྱེད་པ་མང་བོ་དགོན་པའི་དོ་དམ་ཁང་གི་འགོ་ཁྲིད་ལ་བསྐོ་བཞག་བྱས་ཡོད་མོད། དགོན་པའི་དོ་དམ་གྱི་ཕྱོགས་ལ་ནུས་པ་ཆེན་པོ་ཐོབ་ཀྱིན་མེད་པར་མ་ཟད་དགོན་པ་ལ་ལར་གོང་རིམ་ནས་བསྐོ་བཞག་བྱས་པའི་ལས་བྱེད་པ་དང་དགོན་པ་གཉིས་དགྲ་གཤེད་ལྟ་བུར་གྱུར་ཡོད། རྒྱུ་མཚན་གཙོ་བོ་ནི་ཁོ་ཚོས་ཆོས་ལུགས་མི་ཤེས་པར་མ་ཟད་བོད་ཀྱི་རིག་གནས་དང་ཡུལ་སྲོལ་གོམས་གཤིས་གང་ཡང་མི་ཤེས་པས། གྲྭ་མང་གི་སེམས་ལ་འབབ་པའི་སློབ་གསོ་གཏོང་མི་ཤེས་ཤིང་སྐབས་ལ་ལར་སྲིད་གཞུང་དང་དགོན་པའི་བར་ལ་ཕྲ་མ་བཤད་མཁན་དུ་གྱུར་ནས་མཐུན་སྒྲིལ་གྱི་བཀག་རྡོ་ལྟ་བུར་འགྱུར་བཞིན་ཡོད།
  དགུ་བ། རང་སྐྱོངས་ལྔོངས་ཀྱི་སྲོལ་ཡིག་མང་བོ་ཞིག་ཡོད་མོད་ལག་བསྟར་བྱས་པ་ཧ་ཅང་ཞན་པས་ཞིང་ཆེན་གྱི་དམངས་ཆེན་འཐུས་མི་ལྷན་ཚོགས་ཀྱིས་ཞིབ་དཔྱོད་ལེགས་པོ་བྱེད་རྒྱུ་གལ་ཆེ། དཔེར་ན། བོད་རིགས་སྐྱོངས་ཁུལ་སོ་སོའི་མི་དམངས་མང་ཚོགས་མང་བོས་བོད་ཡིག་གི་ཡར་ཞུ་དང་གཏུགས་ཡིག་སོགས་བྲིས་པ་ལ་ནུས་པ་མེད་པ། སྲིད་ཇུས་དང་ཁྲིམས་ལུགས་མང་བོ་བོད་ཡིག་ཏུ་བསྒྱུར་མེད་པ། གཞུང་ལམ་གྱི་ས་མཚམས་མང་བོར་བདེ་འཇགས་ཀྱི་ཁྱབ་བསྒྲགས་ཡི་གེ་བོད་ཡིག་ཏུ་བསྒྱུར་མེད་པ། ཚོགས་ཆེན་གཉིས་ཀྱི་ཡིག་ཆ་ཡང་བོད་ཡིག་སྟེང་དུ་ཆ་ཚང་བར་བསྒྱུར་ཐུབ་ཀྱིན་མེད་པ། སྒོ་བྱང་ལ་ཡིག་ནོར་མང་བ། ཟི་ལིང་གྲོང་ཁྱེར་གྱི་བོད་མི་ཁྲི་ཉི་ཤུ་ལྷག་གི་བྱིས་པ་རྣམས་ལ་བོད་ཡིག་སློབ་པའི་གོ་སྐབས་མེད་པ་སོགས་ཀྱིས་མཚོན་ཐུབ། །
·གསར་འགྱུར་གོང་མ:མཛུབ་རིས་བརྟག་ཐབས་ཀྱི་རིག་པ་ཞིག།
·གསར་འགྱུར་འོག་མ:ཨན་དྲོ་མ་ལག་ཁ་པར་ནང་བོད་ཡིག་ལེགས་པར་འཆར་བ་བླུག་ཚུལ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དྲང་བདེན་དང་གནས་ལུགས་སྐྱོང་བ་ནི་སློབ་གསོའི་སྲོག་རྩ་ཡིན། 2016/1/4 14:33:07
·འཛམ་གླིང་སློབ་ཆེན་ཨང་དང་པོའི་སློབ་མའི་སློབ་སྦྱོང་བྱེད་སྟངས། 2015/10/28 12:45:21
·མི་རིགས་རང་གི་སྐད་དང་ཡི་གེ་གལ་ཆེ་ཚུལ་ལས་འཕྲོས་པའི་སྙིང་གཏམ། 2015/5/17 21:03:50
·ཡིག་རྨོངས་དང་རྨོངས་དད་ཇི་ལྟར་སེལ་དགོས། 2015/4/24 9:00:16
·བྱིས་པར་སློབ་གསོ་གཏོང་ཐབས་སྐུལ་ཚིག 2015/4/18 11:08:08
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:atdypsy
IPEz6x  <a href="http://ssksjayqmrhs.com/">ssksjayqmrhs</a>, [url=http://pruoqneihaoe.com/]pruoqneihaoe[/url], [link=http://jbopbmmbfvjv.com/]jbopbmmbfvjv[/link], http://moixerwfbxfu.com/
发表时间:2018/12/10 16:35:59 [来自: 5.188.211.21]

 评论者:rceaqtxz
ujzNFa  <a href="http://mixjbwwjvmbh.com/">mixjbwwjvmbh</a>, [url=http://zwcmmbxxdrtc.com/]zwcmmbxxdrtc[/url], [link=http://wufithglifft.com/]wufithglifft[/link], http://zipsrixrmeav.com/
发表时间:2018/12/10 10:01:50 [来自: 5.188.211.21]

 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 20:24:18 [来自: 112.5.248.254]

འབྲེལ་ཡོད་དཔྱད་བརྗོད 91 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.01MS