ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> གསར་མེ
  གསར་འགྱུར་ཀློག་པ།

སྟོན་པའི་འཁྲུངས་ལོ་སྐོར་གྱི་གསར་རྙེད་གལ་ཆེན་ཞིག

[རྩོམ་པ་པོ:དད  ཡོང་ཁུངས:དུས་དྲ་ལས།  དུས་ཚོད:2013/11/27 21:50:42  བཀླགས་ཐེངས:1026][ཡིག་གཟུགས:ཡིག་གཟུགས་མདོག]

སྟོན་པའི་འཁྲུངས་ལོ་སྐོར་གྱི་གསར་རྙེད་གལ་ཆེན་ཞིག

                                  ༢༠༡༣ /༡༡ /༢༦ གངས་རྡེའུ་ནས་མཁོ་འདོན་ཞུས།


     བལ་ཡུལ་ལུམ་བི་ནིའི་ལྷ་ཁང་ཞིག་ཏུ་གནའ་ཤུལ་ཤིང་དུམ་ཞིག་རྙེད་སོན་བྱུང་བར་ཞིབ་འཇུག་བྱས་པ་བརྒྱུད་དེ་སྟོན་པ་ཤཱཀྱ་ཐུབ་པ་ནི་སྟོན་པ་ཡེ་ཤུ་མ་བྱོན་སྔོན་གྱི་ལོ་ ༦༢༣ ཙམ་ལ་འཁྲུངས་པ་ར་སྤྲོད་བྱུང་ཡོད་འདུག
    ཁ་སང་བྷེ་བྷེ་སི་གསར་ཁང་གི་ཚན་རྩལ་བསྐྱར་ཞིབ་ཚན་པར་གནས་ཚུལ་སྤེལ་བ་ལྟར་ན། བལ་ཡུལ་གཞུང་དང་ཉི་ཧོང་ས་ཞིབ་ཚན་པ། དེ་བཞིན་རྒྱལ་སྤྱིའི་ས་ཞིབ་ཚན་པ་བཅས་ཀྱི་རོགས་རམ་འོག ཨ་རིའི་ཌོར་ཧམ་གཙུག་ལག་སློབ་ཆེན་གྱི་དགེ་རྒན་དང་ཐེངས་འདིའི་ས་ཁམས་ཞིབ་འཇུག་ཚོགས་ཆུང་གི་སྣེ་ཁྲིད་པ་སྐུ་ཞབས་རོ་ལྦིན་( Robin Coningham )ལགས་ཀྱིས་ད་ལོའི་ཕྱི་ཟླ་ པོ་ནས་མགོ་འཛུགས་ཀྱིས་བལ་ཡུལ་ནང་ཡོད་པའི་མ་ཡ་ཌེ་ཝེ་ལྷ་ཁང་(Maya Devi Temple)ཞེས་པ་ནས་འཚོལ་ཞིབ་ཁྲོད་གདུང་ཤིང་(Timber)ཞིག་གསར་རྙེད་བྱུང་དེར། ཡོ་ཆས་སྣ་ཚོགས་བརྒྱུད་ཞིབ་འཇུག་བྱས་འབྲས་སུ། ས་དེ་ནི་ནང་པའི་ཆོས་འབྱུང་ལོ་རྒྱུས་ཁག་ཏུ་གསལ་བའི་ཡུམ་སྒྱུ་མ་ལྷ་མཛེས་ཀྱིས་ཤིང་སྡོང་གི་ཡལ་ག་ཞིག་ལ་བྱ་མྱང་བྱས་ཏེ་གཞོན་ནུ་དོན་གྲུབ་སྐུ་བལྟམས་པ་ཡིན་ཟེར་བའི་ས་དེ་ཡིན་པར་ངོས་ཟིན་ཐོབ་ཡོད་པ་མ་ཟད། དེས་གཞོན་ནུ་དོན་གྲུབ་ནི་ཕྱི་ལོའི་སྔོན་གྱི་ལོ་ ༦༢༣ ཙམ་ལ་སྐུ་འཁྲུངས་པ་ཞིག་ཡིན་པ་ལས། སྔོན་བྱོན་མཁས་པ་ཁག་ཅིག་དང་ནང་པའི་གསུང་རབ་དག་ཏུ་སྟོན་པའི་འཁྲུངས་ལོ་ ༣༤༠ - ༣༩༠ ཡིན་ཟེར་བ་དེ་ནོར་ཡོད་པ་བདེན་དཔང་བྱས་ཡོད་ཚུལ་བཀོད་འདུག
རྒྱལ་སྤྱིའི་གནའ་རྫས་ཞིབ་འཇུག་དུས་དེབ་ནང་། ཉི་ཧོང་དང་བལ་ཡུལ། རྒྱལ་སྤྱིའི་ས་གཤིས་ཞིབ་འཇུག་ཚན་པ་བཅས་ཀྱི་རྒྱབ་རོགས་འོག་གནའ་ཤུལ་ཞིབ་འཇུག་ཚན་པས་གསར་རྙེད་བྱུང་བའི་གདུང་ཤིང་དེ་བརྒྱུད་ནས་འཛམ་གླིང་ཐོག་སྙན་གྲགས་ཆེ་བའི་ཆོས་ལུགས་ཤིག་གིས་སྟོན་པ་འཁྲུངས་ཡུལ་དང་ལོ་ཚིགས་གསལ་རྟོགས་ཐུབ་ཡོད་པ་ནི་ཆེས་རླབས་ཆེན་གྱི་གྲུབ་འབྲས་ཤིག་ཡིན་པ་མ་ཟད། སྤྱིར་འཛམ་གླིང་མི་མང་དང་སྒོས་ནང་པའི་སྟོན་པ་མཆོག་གི་རྗེས་འབྲང་བ་དག་གི་བྱ་གཞག་རླབས་ཆེན་ཞིག་འགྲུབ་ཡོད་ཅེས་འཁོད་འདུག ཐེངས་འདིའི་ཞིབ་འཇུག་པ་རོ་ལྦིན་ལགས་ཀྱིས་ ’’ ད་རེབ་གསར་དུ་རྙེད་པའི་ལྷ་ཁང་དེ་ནི་འཛམ་གླིང་ཐོག་གསར་རྙེད་བྱུང་བའི་གདོད་མའི་ནང་པའི་ལྷ་ཁང་ཐོག་མ་དེ་ཡིན་ཞིང་། འདི་བརྒྱུད་ནས་ནང་པའི་གསུང་རབ་དང་མཁས་དབང་ཁག་གི་བཞེད་པ་མི་མཐུན་པའི་སངས་རྒྱས་བཅོམ་ལྡན་འདས་ཀྱི་འཁྲུངས་ལོ་དང་འཁྲུངས་ཡུལ་གསལ་བོ་ཆགས་ཡོད་ལ། བལ་ཡུལ་གྱི་ནགས་གསེབ་ཅིག་ནས་༡༨༩༦ ལོར་གསར་རྙེད་བྱུང་བའི་རྒྱལ་པོ་ཨ་ཤཱོ་ཀས་ཕྱི་ལོ་ ༢༤༩ ལོར་བཞེངས་སྐྲུན་བྱས་པའི་རྡོ་རིང་སྟེང་། ལུམ་བི་ཎི་ནི་སངས་རྒྱས་བཅོམ་ལྡན་འདས་འཁྲུངས་ཡུལ་གྱི་ནང་པའི་གནས་ཆེན་ཞིག་ཡིན་ཞེས་འཁོད་འདུག་པ་དེ་ནི་ལོ་རྒྱུས་ཐོག་གི་བདེན་གཏམ་གལ་ཆེན་ཞིག་རེད་ ’’ཅེས་དང་། དེ་བཞིན་བལ་ཡུལ་རིག་གཞུང་བློན་ཆེན་རམ་ཀུ་མར་ཤེར་སེ་ཐ་ལགས་ཀྱིས་ཀྱང་།གནའ་ཤུལ་དེ་དག་གིས་སངས་རྒྱས་བཅོམ་ལྡན་འདས་ས་གང་ཞིག་ཏུ་དུས་ནམ་ཞིག་ལ་སྐུ་འཁྲུངས་ཡོད་མེད་ཁ་གསལ་འགྲེལ་བརྗོད་བྱས་ཏེ། ནང་པའི་ལོ་རྒྱུས་ཁྲོད་སྟོན་པའི་འཁྲུངས་<ལོ་དང་འཁྲུངས་ཡུལ་སྐོར་གྱི་རྩོད་པ་ཞི་འཇགས་སུ་བཏང་བར་དགའ་སྤྲོ་ཆེན་པོ་བྱུང་ཞིོང་། བལ་ཡུལ་གཞུང་གིས་རྩ་ཆེའི་གནས་ཆེན་དེར་སྲུང་སྐྱོབ་ཡག་པོ་བྱེད་རྒྱུ་ཡིན་ ’’ཞེས་སོགས་བརྗོད་འདུག
    བལ་ཡུལ་གྱི་རུ་པན་དྷི་ཧི་རྫོང་ནང་ཡོད་པའི་ལུམ་བི་ནི་དེ། ཡུམ་སྒྱུ་མ་ལྷ་མཛེས་ལ་སྲས་གཞོན་ནུ་དོན་གྲུབ་སྐུ་བལྟམས་ཡུལ་ནང་པའི་གནས་ཆེན་བཞིའི་ཡ་གྱལ་ཞིག་ཏུ་བགྲང་གི་ཡོད་ཅིང་། གནས་མཆོག་དེར་སངས་རྒྱས་བཅོམ་ལྡན་འདས་དགུང་གྲངས་ ༢༩ བར་བཞུགས་ཡོད་པ་དང་། སྐབས་དེར་བཞེངས་འཕྲོར་ལྷག་པའི་མ་ཡ་དྷི་འུའི་ལྷ་ཁང་དང་། ཡུམ་སྒྱུ་མ་ལྷ་མཛེས་ཀྱི་འཁྲུས་རྫིང་དང་སངས་རྒྱས་རང་གི་འཁྲུས་རྫིང་པུ་སི་ཁ་རྷ་ཎི། དེ་བཞིན་རྒྱལ་པོ་ཟས་གཙང་གི་མཁར་ཤུལ་སོགས་ཡོད་འདུག
   གནས་ཚུལ་དབྱེ་ཞིབ་པ་ཚོས། གསར་རྙེད་བྱུང་བའི་གནའ་ཤུལ་དེ་དག་མཉམ་འབྲེལ་རྒྱལ་ཚོགས་རིག་དངོས་སྲུང་སྐྱོབ་ཁང་གཙོས་པའི་གཞུང་དང་གཞུང་འབྲེལ་མིན་པའི་ཚོགས་སྡེ་ཁག དེ་བཞིན་མི་སྒེར་སོགས་ཀྱིས་མ་སྐུལ་དང་བླང་ཐོག་སྲུང་སྐྱོབ་དང་གཅེས་སྤྲས་བྱ་གལ་ཆེ་སྐོར་བརྗོད་འདུག གོང་གསལ་གནས་ཚུལ་ཞིབ་ཕྲའི་སྐོར་གྱི་༼ སྦས་སྐུང་ཤོར་བའི་སངས་རྒྱས་ཀྱི་རྩ་ཆེན་ཤུལ་ལུས༽ཞེས་པའི་དངོས་བྱུང་གློག་བརྙན་ཞིག ལོ་རྗེས་མའི་ཕྱི་ཟླ་ པའི་ནང་འཛམ་གླིང་ས་བཤད་བརྙན་འཕྲིན་ཐོག་སྟོན་འཆར་ཡོད་འདུག

·གསར་འགྱུར་གོང་མ:སྐབས་དྲུག་པའི་མཚོ་སྔོན་ན་གཞོན་རྩོམ་རིག་བྱ་དགའ་གསལ་བསྒྲགས་བྱས།
·གསར་འགྱུར་འོག་མ:མཚོ་སྔོན་པོའི་དྲ་བ་བཙུག་ནས་ལོ་དྲུག་འཁོར་བ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·སི་བོད་ཚང་གི་སློབ་རའི་ཕ་སྐད་གླེང་བའི་བགྲོ་གླེང་ཆེན་པོ། 2014/4/28 18:55:29
·འཆི་མེད་དབང་མོ་ལ་རྒྱལ་ཡོངས་བརྙན་འཕྲིན་སྒྱུ་རྩལ་ལས་སྒྲུབ་པའི་གཟེངས་རྟགས་ཐོབ 2013/11/12 23:21:18
·ཧི་མ་ལའི་རིག་མཛོད་དྲ་ཚིགས་དངོས་སུ་ཤར་གཏོང་བྱས་པ། 2013/10/5 19:35:56
·དུས་གསར་དྲ་བ་དངོས་སུ་ཤར་གཏོང་བྱས་ཡོད། 2013/9/20 10:35:27
·རིན་ཆེན་ལྷ་མོས་ཨེ་ཤ་ཡའི་བྲག་འཛེག་འགྲན་བསྡུར་གྱི་ཨང་དང་པོ་བླངས་པ། 2013/5/28 23:46:58
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:gkhoyi
8PxSU0  <a href="http://rphbtaeqghct.com/">rphbtaeqghct</a>, [url=http://pshqcqjnygxv.com/]pshqcqjnygxv[/url], [link=http://bblnrbpyznrg.com/]bblnrbpyznrg[/link], http://uqaqphfvotxn.com/
发表时间:2017/4/3 8:51:30 [来自: 5.188.211.62]

 评论者:lkgdqsv
psAe2E  <a href="http://nasoihistvnp.com/">nasoihistvnp</a>, [url=http://zpnupmwpyogq.com/]zpnupmwpyogq[/url], [link=http://odojzswehaaw.com/]odojzswehaaw[/link], http://vetnrsfazawg.com/
发表时间:2017/4/3 0:46:36 [来自: 5.188.211.62]

 评论者:gsdijlnhi
bmvJIU  <a href="http://jmzjwnexvbxi.com/">jmzjwnexvbxi</a>, [url=http://ueqycsnewult.com/]ueqycsnewult[/url], [link=http://lzkaqqzfhnjq.com/]lzkaqqzfhnjq[/link], http://jzfsyxgtbevs.com/
发表时间:2017/2/21 9:59:13 [来自: 5.188.211.14]

འབྲེལ་ཡོད་དཔྱད་བརྗོད 31 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS