ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> བྱུང་རབས
  གསར་འགྱུར་ཀློག་པ།

སྔ་འགྱུར་རྙིང་མའི་ལོ་རྒྱུས།

[རྩོམ་པ་པོ:དཔལ  ཡོང་ཁུངས:ངེད་དྲ་བ།  དུས་ཚོད:2013/5/1 10:23:08  བཀླགས་ཐེངས:1289][ཡིག་གཟུགས:ཡིག་གཟུགས་མདོག]
  སྔ་འགྱུར་རྙིང་མའི་ལོ་རྒྱུས། 
 
    མདོ་སྡེ་པད་མ་དཀར་པོ་ལས། སྟོན་པ་ཐུབ་པའི་དབང་པོ་འོད་མའི་ཚལ་དུ་བཞུགས་པའི་ཚེ། མཛོད་སྤུ་ནས་འོད་ཟེར་བྱང་ཕྱོགས་སུ་སྤྲོས་ཏེ་ཞལ་འཛུམ་པ་མཛད་པའི་ཚེ། བྱང་ཆུབ་སེམས་དཔའ་སྒྲིབ་པ་རྣམ་སེལ་གྱིས་རྒྱུ་རྐྱེན་ཞུས་པས། བཅོམ་ལྡན་འདས་ཀྱིས་བཀའ་བསྩལ་པ། རིགས་ཀྱི་བུ་དུས་གསུམ་གྱི་སངས་རྒྱས་གང་གིས་ཀྱང་གདུལ་བྱར་མ་གྱུར་པའི་གནས། འདྲེ་སྲིན་དུ་མས་གང་བའི་མཐའ་འཁོབ་ཁ་བ་ཅན་གྱི་རྒྱལ་ཁབ་དེར། མ་འོང་པའི་དུས་སུ་དམ་པའི་ཆོས་ཉི་མ་ཤར་བ་ལྟ་བུ་ཞིག་དར་ཞིང་རྒྱས་པར་འདུག་སྟེ། སེམས་ཅན་དེ་རྣམས་ཀྱང་ཐར་པ་བྱང་ཆུབ་ཀྱི་ལམ་ལ་འགོད་པར་འགྱུར་རོ། མཐའ་འཁོབ་དེ་འདུལ་བའི་གཉེན་པོ་ནི་འཕགས་པ་སྤྱན་རས་གཟིགས་དབང་ཕྱུག་ཡིན་ནོ། ཞེས་དང༌། འཇམ་དཔལ་རྩ་རྒྱུད་ལས། ཁ་བ་ཅན་དུ་མཚོ་བྲི་ནི། ས་ལའི་ནགས་སུ་འབྱུང་བར་འགྱུར། ཞེས་དང༌། ལྷ་མོ་དྲི་མ་མེད་པས་ཞུས་པའི་མདོ་ལས། ང་མྱ་ངན་ལས་འདས་ནས་ལོ་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། ཞེས་དང༌། གཞན་ཡང་ཟ་མ་ཏོག་འཀོད་པའི་མདོ་དང༌། ཤེར་ཕྱི་བརྒྱད་སྟོང༌། རྡོ་རྗེ་མཁའ་འགྲོའི་རྒྱུད་སོགས་ལས་ལུང་གིས་བསྟན་པ་ལྟར། བསིལ་ལྗོངས་མུན་པའི་གླིང་དུ་མཁན་སློབ་ཆོས་གསུམ་གྱི་ཐུགས་བསྐྱེད་སྐྱ་རེངས་ཀྱི་མཐུ་ལ་བརྟེན་ནས་མདོ་སྔགས་བསྟན་པའི་ཉི་མ་ཕྱོགས་ཀུན་གསལ་བར་གྱུར་པ་སྟེ། དེ་ཡང་བོད་རྒྱལ་ཐོག་མ་གཉའ་ཁྲི་བཙན་པོ་ནས་རྒྱལ་རབས་བཅུ་དྲུག་གི་རིང་ལ་ཆབ་སྲིད། སྒྲུང་དང༌། ལྡེའུ། བོན་གསུམ་གྱིས་བསྐྱངས་པས་དམ་པའི་ཆོས་ཀྱི་མིང་ཙམ་མ་གྲགས་ཤིང༌། དེ་ནས་རྒྱལ་རབས་ཉེར་བདུན་པ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྲུལ་པ་ལྷ་ཐོ་ཐོ་རི་སྙན་བཙན་སྤྱི་ལོ་༣༧༤ལོར་སྐུ་འཁྲུངས། རྒྱལ་པོ་དགུང་གྲངས་དྲུག་བཅུ་བཞེས་པ་སྤྱི་ལོ་༤༣༣པའི་ལོར་ཕོ་བྲང་ཡུམ་བུ་བླ་མཁར་གྱི་སྟེང་དུ། མདོ་སྡེ་ཟ་མ་ཏོག་དང༌། སྤང་སྐོང་ཕྱག་བརྒྱ་པ། སྙིང་པོ་ཡི་གེ་དྲུག་མ། ཙིནྡྷ་མ་ཎིའི་གཟུངས་ཀྱི་བརྐོས་ཕོར། གསེར་གྱི་མཆོད་རྟེན་རྣམས་ནམ་མཁའ་ནས་བབ་པ་རྒྱལ་པོས་མཛོད་ཕུགས་སུ་བཞག་ནས་མཆོད་པ་བྱས་ཤིང༌། ད་ཕྱིན་གདུང་རབས་ལྔ་ནས་འདིའི་དོན་ཤེས་པའི་རྒྱལ་རྒྱུད་འོང་བར་ལུང་བསྟན་པ་བཅས་དམ་པ་ཆོས་ཀྱི་དབུ་ཐོག་མར་བརྙེས་སོ།
 དེ་ནས་འཇམ་དཔལ་རྩ་རྒྱུད་ལས། ལྷ་ཡུལ་ལྡན་ཞེས་བྱ་བ་ཡི། གངས་ཅན་རི་ཡི་ནང་གནས་པའི། རྒྱལ་པོ་མི་ཡི་ལྷ་ཞེས་པ། ལི་ཙ་བཱི་རྣམས་རིགས་སུ་འབྱུང༌། ཞེས་ལུང་གིས་བསྔགས་པ་ལྟར། སྤྱི་ལོ་༦༡༧པར་བོད་ཀྱི་རྒྱལ་རབས་སོ་གཉིས་པ་འཕགས་མཆོག་སྤྱན་རས་གཟིགས་ཆོས་ཀྱི་རྒྱལ་པོའི་ཚུལ་ཟུང་པ་སྲོང་བཙན་སྒམ་པོ་སྐུ་འཁྲུངས་ནས་དམ་པ་ཆོས་ཀྱི་སྲོལ་བཏོད་པ་ཡིན་ཏེ། དེ་ཡང་མཛངས་བློན་ཐོན་མི་སམྦྷོ་ཊས་བོད་ཡི་གེ་མེད་པ་ལ་ཡི་གེའི་སྲོལ་བཏོད་ཅིང་བརྡ་སྤྲོད་ཀྱི་བསྟན་བཅོས་བརྩམས། སྤྱན་རས་གཟིགས་ཀྱི་མདོ་རྒྱུད་ཉེར་གཅིག་སོགས་བོད་སྐད་དུ་བསྒྱུར། ར་ས་འཕྲུལ་སྣང་གི་གཙུག་ལག་ཁང་སོགས་མཐའ་འདུལ་ཡང་འདུལ་གྱི་གཙུག་ལག་ཁང་བརྒྱ་རྩ་བརྒྱད་གསར་དུ་བཞེངས། ཁྱད་པར་སངས་རྒྱས་ཉིད་ཀྱིས་བྱིན་གྱིས་བརླབས་པའི་སྐུ་རྟེན་ཇོ་བོ་ཤཱཀྱ་མུ་ནེ་དང༌། ཇོ་བོ་མི་བསྐྱོད་རྡོ་རྗེ་རྣམས་གཉིས་རྒྱ་བལ་ནས་སྤྱན་དྲངས། གཞན་ཡང་རྒྱལ་པོ་ཉིད་ཀྱིས་སྐལ་ལྡན་གྱི་གང་ཟག་མང་པོ་ལ་སྨིན་ཁྲིད་ལྐོག་ཆོས་སུ་བསྩལ་བས་ཕ་ཝང་ཁ་སོགས་སྒྲུབ་གནས་རྣམས་སུ་སྤྱན་རས་གཟིགས་ཀྱི་རྣལ་འབྱོར་པ་བརྒྱ་ཕྲག་རྒྱུན་བཞུགས་བྱུང་བ་སོགས་མུན་པའི་གླིང་དུ་ཆོས་ཀྱི་སྣང་བ་ཐོག་མ་བྱུང་ངོ༌།
  དེ་ནས་རྒྱལ་རབས་སོ་བདུན་པ་རྗེ་བཙུན་འཇམ་དཔལ་དབྱངས་མངའ་བདག་ཆོས་ཀྱི་རྒྱལ་པོའི་རྣམ་རོལ་དུ་བྱོན་པ་ལྷ་བཙན་པོ་ ཁྲི་སྲོང་ལྡེའུ་བཙན་སྤྱི་ལོ་༧༩༠པ་ལྕགས་རྟ་ལོར་སྐུ་འཁྲུངས། ཆོས་རྒྱལ་ཆེན་པོ་འདིའི་སྐུ་རིང་ལ་འཛམ་གླིང་གྲུབ་བརྒྱའི་སྤྱི་མེས་ཨོ་རྒྱན་གྱི་སློབ་དཔོན་པདྨ་འབྱུང་གནས་དང༌། ཟ་ཧོར་གྱི་མཁན་ཆེན་བོ་དྷི་སཏྭ་གཉིས་བོད་དུ་སྤྱན་དྲངས་ཤིང༌། ཚད་མའི་ལུང་གིས་ཡང་ཡང་བསྔགས་པའི་སྤྲུལ་བའི་མཁན་སློབ་ཆོས་གསུམ་གངས་ཅན་བོད་ཀྱི་ཡུལ་དུ་ཞལ་འཛོམས་དུས་གཅིག་ལ་བྱུང་ནས། དཔལ་བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་མོ་ངོ་མཚར་རྫུ་འཕྲུལ་གྱི་བཀོད་པས་སྤྱི་ལོ་༨༡༠པ་ལྕགས་རྟ་ལོར་གསར་དུ་བཞེངས།  གཞན་ཡང་རྒྱ་གར་འཕགས་པའི་ཡུལ་གྱི་པཎྜི་ཏ་ཆེན་པོ་བཱི་མ་མི་ཏྲ་དང༌། ཛི་ན་མི་ཏྲ། དཱ་ན་ཤཱི་ལ། ཤཱནྟིཾ་གརྦྷ། རྡརྨ་ཀིརྟི་སོགས་པཎྜི་ཏ་བརྒྱ་རྩ་བརྒྱད་དང༌། ལོ་ཆེན་བཻ་རོ་ཙ་ན། སྐ་བ་དཔལ་བརྩེགས། ཅོག་རོ་ཀླུ་ཡི་རྒྱལ་མཚན། རྨ་རིན་ཆེན། གཉག་ཛྙཱ་ན་ཀུ་མ་ར་ལ་སོགས་མཁྱེན་རབ་དང་རྟོགས་པ་ནམ་མཁའི་མཐའ་དང་མཉམ་པའི་ལོ་ཙྭ་བ་བརྒྱ་དང་རྩ་བརྒྱད་གདན་འཛོམས་ཏེ།  མདོ་སྡེ་སྣོད་གསུམ་དང༌། སྔགས་རྒྱུད་སྡེ་བཞྀ་དྲུག་དགོངས་འགྲེལ་བསྟན་བཅོས་དང་བཅས་མདོ་སྔགས་ཀྱི་ཆོས་ཚུལ་ཚང་ལ་མ་ནོར་པ་འཕགས་ཡུལ་དུ་བཞུགས་སོ་ཅོག་ཀུན་བསྒྱུར་ཞུས་ཀྱིས་གཏན་ལ་ཕབས་ནས་རྒྱལ་བསྟན་སྣང་བའི་སྒྲོན་མེ་གཞིར་བཞེངས་སུ་སྦར།  ཁྱད་པར་གསང་སྔགས་བླ་ན་མེད་པའི་རྒྱུད་སྡེ་ཐུན་མོང་མ་ཡིན་པ་ལྷ་ཀླུའི་གནས་དང་མཁའ་འགྲོའི་ གསང་མཛོད་ན་བཞུགས་པ་རྣམས་ཀྱང་སློབ་དཔོན་པདྨ་དང་བཱི་མས་རྫུ་འཕྲུལ་གྱིས་སྤྱན་དྲངས་ཏེ་ལས་ཅན་སྨིན་ཅིང་གྲོལ་བའི་སྒོ་འཕར་ཡངས་པོར་ཕྱེས་པས། ཇོ་བོ་རྗེ་བོད་དུ་ཕེབས་སྐབས་ཀྱང་ཞལ་ནས། བོད་དུ་གསང་སྔགས་ཀྱི་བསྟན་པ་དར་བ་འདྲ་བ་སྔོན་རྒྱ་གར་དུའང་མ་བྱུང་བ་འདྲ་ཞེས་བསྔགས་པར་མཛད། གཞན་ཡང་མཁན་ཆེན་ཞི་བ་འཚོས་སད་མི་མི་བདུན་རབ་ཏུ་བྱུང་སྟེ་བསྟན་རྩ་དགེ་འདུན་གྱི་སྡེ་བཙུགས། རྒྱུ་མཚན་ཉིད་ཐེག་པའི་འཆད་ཁྲིད་ཀྱི་རྒྱུན་སྤེལ་བས་བསམ་ཡས་དང་ཁྲ་འབྲུག་སོགས་ཀློག་པའི་ཆོས་གྲྭ་ཆེན་པོ་བཅུ་གཉིས་སུ་བཤད་སྒྲུབ་ཀྱི་བསྟན་པ་ཉི་མ་ཤར་བ་ལྟར་དར་རྒྱས་བྱུང༌།  དེ་མཚུངས་སློབ་དཔོན་སངས་རྒྱས་གཉིས་པས་ཀྱང༌། ཇི་སྐད་དུ། ཕྱི་ལྟར་ལག་ལེན་མདོ་སྡེའི་ལུགས་སུ་བཤད། རྒྱུ་འབྲས་སྤང་བླང་ཤེས་པའི་དགོས་པ་ཡོད། གསང་བ་གསང་ཆེན་ཨ་ཏིའི་ལུགས་སུ་བཤད། ཚེ་གཅིག་འོད་སྐུར་གྲོལ་བའི་དགོས་པ་ཡོད། ཅེས་པའི་བཀའ་སྲོལ་ལྟར་ཐུན་མོང་མདོ་དང་སྔགས་ཀྱི་ཆོས་ཚུལ་རྒྱ་མཚོ་ལྟ་བུ་དང༌། ཁྱད་པར་ཐུན་མིན་མཆོག་ཏུ་ཟབ་པ་ནང་རྒྱུད་སྡེ་གསུམ་གཙོ་བོ་གྱུར་པའི་བཀའ་བརྒྱད་བདེ་གཤེགས་འདུས་པ་དང༌། བླ་མ་དགོངས་པ་འདུས་པ། བཀའ་འདུས་ཆོས་ཀྱི་རྒྱ་མཚོ་སོགས་གསང་བ་སྔགས་ཀྱི་དཀྱིལ་འཁོར་གཉན་པོའི་དར་ཞལ་ཕྱེས་ཏེ་ལས་ཅན་དག་པའི་གདུལ་བྱ་སྨིན་གྲོལ་བའི་ས་ལ་བཀོད་པས་མཆུམས་ཕུའི་གྲུབ་ཆེན་ཉེར་ལྔ། ཆུ་བོ་རིའི་འོད་ལུས་གྲུབ་པ་བརྒྱ་དང་བདུན། ཡང་རྫོང་གི་རྟོགས་ལྡན་སུམ་ཅུ། ཤེལ་བྲག་གི་སྔགས་པ་སུམ་ཅུ། འོད་ལུས་སུ་གཤེགས་པའི་མཁའ་འགྲོ་མ་ཉེར་ལྔ། ཡེར་པ་རིའི་འཇའ་ལུས་པ་བརྒྱད་ཅུས་མཚོན་གངས་ཅན་གྱི་ལྗོངས་སུ་མཁས་གྲུབ་བསྟན་འཛིན་གྱི་སྐྱེས་ བུའི་ཚང་རྡོལ་བར་བྱས།  ཕྱི་རབས་གདུལ་བྱའི་དོན་དུ་དགོངས་ཏེ་གངས་བྲག་རི་མཚོ་ཐམས་ཅད་སྒྲུབ་གནས་དང་གཏེར་གནས་སུ་བྱིན་གྱིས་བརླབས། ཆོས་ནོར་གྱི་གཏེར་ཁས་ཡོངས་སུ་གཏམས་ཤིང་མ་འོངས་པར་སྐུ་ཚབ་ལས་ཅན་གྱི་སྐྱེས་བུས་གདོན་པར་ལུང་བསྟན་པ་སོགས་ཕྲིན་ལས་ཀྱི་འོད་སྟོང་ནུབ་པ་མེད་པ་དེང་གི་དུས་བར་ས་ཆེན་པོའི་ཁྱོན་ཡོངས་སུ་ཁྱད་པར་མཛད་ནས་སྐུ་དངོས་ལྷོ་ནུབ་སྲིན་པོའི་ཡུལ་དུ་རྫུ་འཕྲུལ་གྱིས་གཤེགས་ཀྱང༌། སྤྲུལ་བའི་རྣམ་རོལ་ཚད་མེད་པ་གངས་ཅན་འགྲོ་བའི་མགོན་དུ་བརྒྱུད་མར་བྱོན་པའི་ཐུགས་བསྐྱེད་ཞལ་ བཞེས་ཀྱི་དམ་བཅའ་ནམ་ཡང་གཡེལ་བ་མི་མངའ་བ་ནི་རྒྱལ་བའི་ཕྲིན་ལས་ཀྱི་རང་བཞིན་ནོ།
  དེ་ནས་རིམ་པར་མངའ་བདག་རྒྱལ་པོའི་གདུངས་སྲས་མུ་ནེ་བཙད་པོ་དང་མུ་རུབ་བཙན་པོ། མུ་ཏིག་བཙན་པོ་གསུམ་གྱི་དུས་སུ་ཡབ་མེས་ཀྱི་སྲོལ་ལྟར་དམ་པའི་ཆོས་བླ་ནས་བླར་བཀུར་ཞིང་རྟེན་གཞི་གཙུག་ལག་ཁང་བཞེངས་པ་དང་དུས་ཀྱི་མཆོད་པ་བཙུགས་པ། རྒྱ་གར་ནས་པཎྜི་ཏ་ཛྙཱ་ན་ཝརྨ་སོགས་གདན་དྲངས་ནས་སྐུ་གསུང་ཐུགས་ཀྱི་རྒྱུད་སྡེ་མང་དུ་བསྒྱུར་བ་སོགས་རྒྱལ་སྲིད་ཆོས་བཞིན་དུ་བསྐྱངས།
མུ་ཏིག་བཙན་པོའི་སྲས་གསང་བསག་ཕྱག་ན་རྡོ་རྗེའི་སྤྲུལ་པ་མངའ་བདག་ཁྲི་རལ་པ་ཅན་གྱིས་འུ་ཤང་རྡོའི་ལྷ་ཁང་སོགས་གཙུག་ལག་ཁང་བརྒྱ་དང་རྩ་བརྒྱད་གསར་དུ་བཞེངས། རྒྱ་གར་གྱི་པཎྜི་ཏ་མང་པོ་སྤྱན་དྲངས་ཏེ་ཡབ་མེས་ཀྱི་དུས་སུ་བསྒྱུར་བའི་མདོ་རྒྱུད་ཐམས་ཅད་སྐད་གསར་བཅད་ཀྱིས་གཏན་ལ་ཕབ་ནས་དཀར་ཆག་ཏུ་བཏབ། མཆོད་གནས་ཀྱི་སྡེ་ཆེན་པོ་གཉིས་ལ་དབུའི་ཐོད་བཅིངས་སྙན་དར་གདན་དུ་བཏིང་སྟེ་སྲི་ཞུ་བླ་ན་མེད་པས་བསྙེན་བཀུར་བ་སོགས་ཆོས་སྲིད་ཟུང་འབྲེལ་གྱི་མཛད་པས་སུམ་གཉིས་འཛམ་གླིང་གི་ཁྱོན་ལ་དབང་བསྒྱུར་བར་གྲགས་པ་སྟེ། དེ་ཡན་ལ་བསྟན་པ་སྔ་དར་ཞེས་མདོ་སྔགས་ཟུང་དུ་འབྲེལ་བའི་རྒྱལ་བསྟན་རིན་པོ་ཆེ་གངས་ཅན་འགྲོ་བའི་སྤྱི་དཔལ་དུ་ཤར་བ་ནི། ཆོས་རྒྱལ་མེས་དབོན་རིམ་བྱོན་དང༌། མཁན་སློབ་ཆོས་གསུམ། སྐ་ཅོག་ཞང་གསུམ་སོགས་སྔ་འགྱུར་ལོ་པཎ་དམ་པའི་བཀའ་དྲིན་དང་ཐུགས་བསྐྱེད་ཀྱི་མཐུ་ཁོ་ནར་ངེས་པ་གཟུར་གནས་མཁས་པའི་ཚོགས་ལ་རྩོད་མེད་ཡོངས་སུ་གྲགས་པ་ལྟར། འཇམ་མགོན་མི་ཕམ་རིན་པོ་ཆེའི་ཞལ་ནས། རྒྱལ་བསྟན་ལྗོངས་འདིར་འདྲེན་པ་མེས་དབོན་གསུམ། བསྟན་པའི་རྒྱལ་མཚན་སྒྲེང་མཛད་མཁན་སློབ་ཆོས། བསྟན་པ་ཡུན་དུ་སྐྱོང་བ་བསྟན་འཛིན་ཚོགས། འདི་རྣམས་བོད་ལ་བཀའ་དྲིན་འགྲན་ཟླ་བྲལ། ཞེས་དང༌། གངས་ལྗོངས་སྨྲ་བའི་སྒོ་འབྱེད་སཾ་བྷོ་ཊ། མདོ་སྔགས་བསྟན་པའི་སྣང་བྱེད་སྐ་ཅོག་ཞང༌། བཅུ་ཕྲག་རིག་ལམ་གསལ་བྱེད་མཁས་དབང་ཚོགས། འདི་དག་བོད་ཡུལ་ཆོས་ཀྱི་ཉི་མ་ཡིན་ཞེས་གསུང་བ་བཞིན་ནོ།
  ཕྱི་དར་བསྟན་པའི་མེ་རོ་བསླང་ཚུལ་ནི། དེ་ནས་རིང་པོར་མ་ལོན་པར་ཁྲི་རལ་གྱི་གཅུང་གླང་དར་མ་འུ་དུམ་བཙན་པོས་ལོག་པའི་སྨོན་ལམ་མཐུ་བཙན་པའི་དབང་གིས་ཐུགས་ལ་གདོན་གསོལ་ཏེ་སངས་རྒྱས་ཀྱི་བསྟན་པར་ཉམ་ཉེས་པར་བྱས་མོད། འོན་ཀྱང་བརྒྱུད་པའི་བབས་སོ་བདུན་གྱི་སྒོ་ནས་བྱོན་པའི་གསང་སྔགས་ནང་རྒྱུད་སྡེ་གསུམ་གྱི་བསྟན་པ་ནི། སྔགས་འཆང་རྒྱལ་པོ་གནུབས་ཆེན་སངས་རྒྱས་ཡེ་ཤེས་སོགས་གོས་དཀར་ལྕང་ལོ་འཛིན་པ་རྣམས་ཀྱིས་དབུས་གཙང་གི་གངས་རི་གཡའ་ཁྲོད་རྣམས་སུ་བཤད་སྒྲུབ་འཛིན་སྐྱོང་སྤེལ་བའི་སྒོ་ནས་མ་ཉམས་པར་བཟུང་བས་བསྟན་པའི་བབ་སོ་དང་པོ་གཉགས་ལ་བབ། བར་དུ་གནུབས་ལ་བབ། མཐའ་མ་ཟུར་ལ་བབ་ཞེས་གྲགས་པ་ལྟར་བབ་སོ་གསུམ་ནས་རིམ་པར་བརྒྱུད་དེ་ད་ལྟའི་བར་དུ། ཤར་རྒྱལ་བ་ཀཿཐོག་པ་རིམ་བྱོན། ཆོས་རྗེ་སྨིན་གླིང་ཡབ་སྲས། དཔལ་རྡོ་རྗེ་བྲག་རིམ་བྱོན། གྲུབ་མཆོག་དཔལ་ཡུལ་པའི་སློབ་རྒྱུད། གྲུབ་དབང་རྫོགས་ཆེན་པ་སློབ་རྒྱུད། རྒྱལ་བ་ཞེ་ཆེན་པ་སློབ་རྒྱུད་དང་བཅས་པའི་གདན་ས་ཆེན་པོ་དྲུག་སོགས་ཀྱི་བཀའ་དྲིན་ལས་སྔ་འགྱུར་ཆོས་སྡེ་ཁག་ཏུ་བཀའ་མས་གཞུང་བསྲངས། གཏེར་མས་ཟུར་བརྒྱན་ཅེས་པ་ལྟར་བཀའ་གཏེར་སྨིན་ཁྲིད་སྒྲུབ་ཕྲིན་དང་བཅས་པའ་ཕྱག་བཞེས་ཟམ་མ་ཆད་པ་དར་ཞིང་རྒྱས་ལ་རྒྱུན་མི་ཆད་པ་བྱུང༌།  དེ་ལྟ་ནའང་ཀློག་པའི་ཆོས་གྲྭ་རྣམས་ཀྱི་རྒྱུན་བཅད་ཅིང༌། རབ་ཏུ་བྱུང་བ་རྣམས་གྲི་རུ་བཀུམ་པ་དང་ཕབས་པ་སོགས་ཀྱིས་འདུལ་འཛིན་པའི་དགེ་འདུན་གྱི་སྡེ་རྩ་མེད་དུ་བསྣུབས་ནས་བར་སྐབས་བོད་ཡུལ་ཆོས་ཀྱིས་ཕོངས་པའི་མུན་བསྐལ་དུ་བསྒྱུར། དུས་དེར་བྱང་ཆུབ་སེམས་དཔའ་སྨོན་ལམ་དང་ཐུགས་བསྐྱེད་དུས་སུ་སྨིན་པ་ལྷ་ལུང་དཔལ་གྱི་རྡོ་རྗེས་རྒྱལ་པོ་སྡིག་ཅན་ཐབས་ཀྱིས་བསྒྲལ་ཏེ་ཕྱི་དར་བསྟན་པའི་སྒོ་མོ་གསར་དུ་ཕྱེས། དུས་དེར་རྦ་རཏྣའི་མཁན་བུ་སྨར་གཡོ་གཙང་གསུམ་གྱིས་དམ་ཆོས་འདུལ་བའི་གླེགས་བམ་དྲེལ་ཁལ་གཅིག་བཀལ་ནས་ཁམས་སུ་བྲོས་ཏེ་བཞུགས་པ་ལས་བསྟན་པའི་ཉི་མ་བླ་ཆེན་དགོངས་པ་རབ་གསལ་བསྙེན་པར་རྫོགས།  རིམ་པར་ཀླུ་མེས་སོགས་དབུས་གཙང་གི་མི་བཅུས་བསྟན་པ་སྔ་དར་གྱི་འདུལ་བའི་སྡོམ་རྒྱུད་དང་བཤད་རྒྱུད་མདོ་སྨད་ནས་སྤྱན་དྲངས་ཏེ་ཕྱི་དར་བསྟན་པའི་མེ་རོ་སླར་ཡང་གསོས་པ་ན ས་ད་ལྟའི་བར་དུ་སྨིན་གླིང་ལོ་ཆེན་དྷརྨ་ཤྲི་སོགས་སྔ་འགྱུར་རྙིང་མའི་འདུལ་འཛིན་ཆེན་པོ་ཟམ་མ་ཆད་པར་བྱོན་པ་དག་གི་བཀའ་དྲིན་ལས་སྨད་འདུལ་སྔ་འགྱུར་གྱི་སྡོམ་རྒྱུད་ལས་རབ་ཏུ་བྱུང་བ་དང་བསྙེན་པར་རྫོགས་པའི་ སྡེ་ཆེན་པོས་སའི་ཁྱོན་ཀུན་ཁྱབ་བཞིན་པ་འདིའོ།  དེ་བཞིན་བཀའ་བར་ཤེར་ཕྱིན་གྱི་མདོ་དགོངས་འགྲེལ་མངོན་རྟོགས་རྒྱན་སོགས་ཀྱི་བཤད་རྒྱུན་སྐ་ཅོག་ཞང་གསུམ་ནས་སྦ་རྒྱལ་བ་ཡེ་ཤེས་དང༌། དེས་གྲུམ་གཉིས་དང་སེང་བཙུན་དབང་གཞོན་ལ་བརྒྱུད་དེ་འབྲེ་ཆེན་ཤེས་རབ་ལ་བཀའ་བབ། གཞན་ཡང་མངོན་པ་གོང་འོག་གཉིས་སོགས་རང་འགྲེལ་འགྲེལ་ཊིཀ་དང་བཅས་པ་ལྷ་ལུང་དཔལ་གྱི་རྡོ་རྗེ་ནས་སེང་བཙུན་དབང་གཞོན་སོགས་བརྒྱུད་དེ་བྲང་ཏི་ལ་བབ་པ་སོགས་མདོར་ན་སྡེ་སྣོད་གསུམ་དགོངས་འགྲེལ་རྣམ་བཤད་དང་བཅས་པའི་བཤད་པའི་རྒྱུན་ཆེན་པོ་རྒྱ་གར་འཕགས་པའི་ཡུལ་ནས་བར་མ་ཆད་པར་བྱོན་ཏེ་རྒྱལ་བསྟན་ཕྱི་དར་ནས་ཡང་དར་གྱི་དུས་འདིར་ཡང༌། ཀུན་མཁྱེན་རོང་ཀློང་རྣམ་གཉིས། སྨིན་གླིང་ཡབ་སྲས། ཀུན་མཁྱེན་འཇིགས་མེད་གླིང་པ། དཔལ་སྤྲུལ་འཇིགས་མེད་ཆོས་ཀྱི་དབང་པོ། འཇམ་མགོན་མི་ཕམ་ཕྱོགས་ལས་རྣམ་རྒྱལ་སོགས་སྔ་འགྱུར་རྙིང་མ་ཡོངས་ཀྱི་མཁས་དང་གྲུབ་པའི་སྐྱེས་བུ་གསེར་རིའི་ཕྲེང་བ་ཚར་དུ་དངར་བ་དག་གི་ཐུགས་བསྐྱེད་ཕྲིན་ལས་འགྲན་ཟླ་དང་བྲལ་བའི་མཐུ་ལས། སྔ་འགྱུར་རང་ལུགས་དྲི་མ་མེད་པ་འཛིན་པའི་འཕགས་བོད་སྔ་འགྱུར་གྱི་ཆོས་སྡེ་ཆེན་མོ་ཁག་ཙམ་དུ་མ་ཟད་ས་དགེ་བཀའ་གསུམ་སོགས་གྲུབ་མཐའ་གཞན་པའི་བཤད་སྒྲུབ་ཀྱི་སྡེ་ཆེན་པོ ་འགའ་ལ་བཤད་རྒྱུན་འཕེལ་ཏེ་གཞུང་ལུགས་རབ་འབྱམས་སྨྲ་བའི་མཁས་དབང་གྲངས་ཀྱི་མི་ལོངས་པས་འཛམ་གླིང་གོ་ལའི་ཁྱོན་ཀུན་ཁྱབ་བཞིན་པ་འདིའོ། །    ཨེ་མ་ཧོས་་་
·གསར་འགྱུར་གོང་མ:རྔ་བ་རྒྱལ་ཁམས་པའི་བུ་ཆུང་བདེ་ཐབས་སུ་སྨོན་པ་
·གསར་འགྱུར་འོག་མ:གལ་ཆེའི་གསལ་བསྒྲགས།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·པོ་ཏཱ་ལར་འགྱུར་བ་ཇི་བྱུང་གཏམ་བཤད་ཟིན་བྲིས། 2015/6/16 18:01:20
·ལོ་ཐོ་ལྟ་སྟངས་རྒྱས་པ་ཀུན་གསལ་མེ་ལོང་། 2015/3/31 23:49:14
·གཡང་མོ་ལུག་གི་ལོ་སར་བཟང་། 2015/2/26 13:57:29
·ནང་ཆོས་མ་དར་གོང་གི་རྒྱ་གར་གྱི་ཤེས་རིག། 2014/4/21 15:52:26
·རྟ་མཆོག་ལ་སྦྱར་བའི་ལོ་གསར་ཤིས་ཚིག 2014/3/4 12:47:19
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 7:39:41 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 10:27:36 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 15:31:34 [来自: 112.5.248.229]

འབྲེལ་ཡོད་དཔྱད་བརྗོད 53 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།62.50MS