ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་གླུ་ཁང >> ཚངས་མགུར།
 རྩོམ་ཡིག་ཀློག་པ།

ཚངས་དབྱངས་རྒྱ་མཚོའི་མགུར་གླུ་ཆ་ཚང་

  རྩོམ་པ་པོ:རིག་འཛིན་ཚངས་དབྱངས་རྒྱ་མཚོ།ཡོང་ཁུངས:ངེད་དྲ་བ།གཟིགས་གྲངས:1957ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/4/9 14:35:09ཚོགས་ཡར་སྤྲོད:admin
ཚངས་དབྱངས་རྒྱ་མཚོའི་མགུར་གླུ།
 
རྩོམ་པ་པོ།  རིག་འཛིན་ཚངས་དབྱངས་རྒྱ་མཚོ།
 
༡   ཤར་ཕྱོགས་རི་བོའི་རྩེ་ནས། །  དཀར་གསལ་ཟླ་བ་ཤར་བྱུང་། །
    མ་སྐྱེས་ཨ་མའི་ཞལ་རས།  །  ཡིད་ལ་འཁོར་འཁོར་བྱས་བྱུང་། །
 
༢   ན་ནིང་བཏབ་པའི་ལྗང་གཞོན། ། ད་ལོ་སོག་མའི་ཕོན་ལྕོག །
    ཕོ་གཞོན་རྒས་པའི་ལུས་པོ། །  ལྷོ་གཞུ་ལས་ཀྱང་གྱོང་བ། །
 
༣   རང་སེམས་སོང་བའི་མི་དེ། །   གཏན་གྱི་འདུན་མར་བྱུང་ན། །
    རྒྱ་མཚོའི་གཏིང་ནས་ནོར་བུ། ། ལོན་པ་དེ་དང་འདྲ་བྱུང་། །
 
༤   འགྲོ་ཞོར་ལམ་བུའི་སྙིང་ཐུབ། །  ལུས་དྲི་ཞིམ་པའི་བུ་མོ། །
    གཡུ་ཆུང་དྲུག་དཀར་ཪྙེད་ནས། ། བསྐྱུར་བ་དེ་དང་འདྲ་བྱུང་།  ། 
 
༥   མི་ཆེན་དཔོན་པོའི་སྲས་མོ།  །  ཁ་འབྲས་མཚར་ལུགས་བལྟས་ན། །
    ཁམ་སྡོང་མཐོན་པོའི་རྩེ་ནས། ། འབྲས་བུ་སྨིན་དང་འདྲ་བྱུང་། །
 
༦   སེམས་པ་ཕར་ལ་ཤོར་ནས། །  མཚན་མོའི་གཉིད་ཐེབས་གཅོག་གི། །
    ཉིན་མོ་ལག་ཏུ་མ་ལོན། །  ཡིད་ཐང་ཆད་རོགས་ཡིན་པས། །
 
༧  མེ་ཏོག་ནམ་ཟླ་ཡལ་སོང་། །  གཡུ་སྦྲང་སེམས་པ་མ་སྐྱོ། །
   བྱམས་པའི་ལས་འཕྲོ་ཟད་པར། ། ང་ནི་སྐྱོ་རྒྱུ་མི་འདུག །
 
༨  རྩི་ཐོག་བ་མོའི་ཁ་ལ། ། སྐྱི་བསེར་རླུང་གི་ཕོ་ཉ། །
   མེ་ཏོག་སྦྲང་བུ་གཉིས་ཀྱི། ། འབྲེལ་ཚམས་གཅོད་མཁན་ལོས་ཡིན། །
 
༩   ངང་པ་འདམ་ལ་ཆགས་ནས།  ། རེ་ཞིག་སྡོད་དགོས་བསམས་ཀྱང་། །
    མཚོ་མོ་དར་ཁ་འགྲིགས་ནས། ། རང་སེམས་ཁོ་ཐག་ཆོད་སོང་། །
 
༡༠   གྲུ་ཤན་སེམས་པ་མེད་ཀྱང་། ། རྟ་མགོས་ཕྱི་མིག་བལྟས་བྱུང་། །
     ཁྲེལ་གཞུང་མེད་པའི་བྱམས་པས། །  ང་ལ་ཕྱི་མིག་མི་ལྟ། །
 
༡༡   ང་དང་ཚོང་འདུས་བུ་མོའི། ། ཚིག་གསུམ་དམ་བཅའི་མདུད་པ། །
     ཁྲ་བོ་སྦྲུལ་ལ་མ་བརྒྱབ། །  རང་རང་ས་ལ་གྲོལ་སོང་། །
 
༡༢   ཆུང་འདྲིས་བྱམས་པའི་རླུང་བསྐྱེད། །  ལྕང་མའི་ལོགས་ལ་བཙུགས་ཡོད། །
     ལྕང་སྲུང་ཨ་ཇོ་ཞལ་ངོས། ། རྡོ་ཀ་རྒྱག་པ་མ་གནང་། །
 
༡༣   བྲིས་པའི་ཡི་གེ་ནག་ཆུང་།  ། ཆུ་དང་ཐིགས་པས་འཇིག་སོང་།  །
     མ་བྲིས་སེམས་ཀྱི་རི་མོ།  ། བསུབས་ཀྱང་ཟུབ་རྒྱུ་མི་འདུག །
 
༡༤   བརྒྱབ་པའི་ནག་ཆུང་ཐེའུས། །  གསུང་སྐད་འབྱོན་ནི་མི་ཤེས། །
     ཁྲེལ་དང་གཞུང་གི་ཐེའུ།  །  སོ་སོའི་སེམས་ལ་སྐྱོན་དང་།  །
 
༡༥   སྟོབས་ལྡན་ཧ་ལོའི་མེ་ཏོག །   མཆོད་པའི་རྫས་ལ་ཕེབས་ན། །
     གཡུ་སྦྲང་གཞོན་ནུ་ང་ཡང་། །  ལྷ་ཁང་ནང་ལ་ཁྲིད་དང་། །
 
༡༦   སེམས་སོང་བུ་མོ་མི་བཞུགས། ། དམ་པའི་ཆོས་ལ་ཕེབས་ན། །
     ཕོ་གཞོན་ང་ཡང་མི་སྡོད། །  རི་ཁྲོད་འགྲིམ་ལ་ཐལ་འགྲོ། །
 
༡༧   མཚན་ལྡན་བླ་མའི་དྲུང་དུ། །  སེམས་ཁྲིད་ཞུ་བར་ཕྱིན་པས། །
     སེམས་པ་བསྐོར་ཀྱང་མི་ཐུབ། །  བྱམས་པའི་ཕྱོགས་ལ་ཤོར་སོང་། །
 
༡༨   སྒོམ་པ་བླ་མའི་ཞལ་རས། །  ཡིད་ལ་འཆར་རྒྱུ་མི་འདུག །
     མ་བསྒོམས་བྱམས་པའི་ཞལ་རས། །  ཡིད་ལ་ཝ་ལེ་ཝ་ལེ། །
 
༡༩   སེམས་པ་འདི་ལ་འགྲོ་འགྲོ། དམ་པའི་ཆོས་ལ་ཕྱིན་ན། །
     ཚེ་གཅིག་ལུས་གཅིག་ཉིད་ལ། །  སངས་རྒྱས་འཐོབ་པར་འདུག་གོ། །
 
༢༠   དག་པ་ཤེལ་རིའི་གངས་ཆུ། ། ཀླུ་བདུད་རྡོ་རྗེའི་ཟིལ་པ། །
     བདུད་རྩི་སྨན་གྱི་ཕབ་རྒྱུན། ། ཆང་མ་ཡེ་ཤེས་མཁའ་འགྲོ ། 
     དམ་ཚིག་གཙང་མས་བཏུང་ན།  ། ངན་སོང་མྱོང་དགོས་མི་འདུག ། 
 
༢༡   རླུང་རྟ་ཡར་འགྲོའི་དུས་ལ། ། རླུང་བསྐྱེད་དར་ལྕོག་བཙུགས་པས། །
     མཛངས་མ་མ་བཟང་བུ་མོས། །  ང་རང་མགྲོན་པོ་བོས་བྱུང་། །
 
༢༢   སོ་དཀར་ལྤགས་པའི་འཛུམ་མདངས། ། བཞུགས་གྲལ་སྤྱི་ལ་བསྟན་ཀྱང་། །  
     མིག་ཟུར་ཁྲ་མོའི་སྒྲིལ་མཚམས། །  གཞོན་པའི་གདོང་ལ་བལྟས་བྱུང་། །    
༢༣   ཧ་ཅང་སེམས་ལ་སོང་ནས།  །  འགྲོགས་འདྲིས་ཨེ་ཡོང་དྲིས་པས།  །
      འཆི་བྲལ་བྱེད་ན་མིན་པ། །    གསོན་བྲལ་མི་བྱེད་གསུངས་བྱུང་། །
 
༢༤   མཛངས་མའི་ཐུགས་དང་བསྟུན་ན། ། ཚེ་འདིའི་ཆོས་སྐལ་ཆད་འགྲོ། །
      དབེན་པའི་རི་ཁྲོད་འགྲིམསན། །  བུ་མོའི་ཐུགས་དང་འགལ་འགྲོ། །
 
༢༥  ཀོང་ཕྲུག་གཞོན་པའི་བློ་སྣ། །  སྦྲང་བུ་རྒྱ་ལ་བཅུག་འདྲ། །
     ཞག་གསུམ་ཉལ་རོགས་བས་པས། །  ཕུགས་ཡུལ་ལྷ་ཆོས་དྲན་བྱུང་། །
 
༢༦  གཏན་གྲོགས་ཁྱོད་ལ་སེམས་པའི། །  ཁྲེལ་དང་ངོ་ཚ་མེད་ན། །
     མགོ་ལ་བརྒྱབ་པའི་གཙུག་གཡུས།  ། སྐད་ཆ་སྨྲ་ནི་མི་ཤེས།  །
 
༢༧  འཛུམ་དང་སོ་དཀར་སྟོན་ཕྱོགས། །  གཞོན་པའི་བློ་བྲིད་ཡིན་འདུག །
     སྙིང་ན་ཤ་ཚ་ཡོད་མེད། །  དབུ་མནའ་བཞེས་རོགས་གནང་དང་། །
 
༢༨  སྙིང་ཐུབ་བྱ་རྡོ་ལམ་འཕྲད། །  ཨ་མ་ཆང་མས་སྦྱར་བྱུང་། །
     ལན་ཆགས་བུ་ལོན་བྱུང་ན། །  འཚོ་སྐྱོང་ཁྱོད་རས་གནང་ཞུ། །
 
༢༩  སྙིང་གཏམ་ཕ་མར་མ་བཤད། །  ཆུང་འདྲིས་བྱམས་པར་བཤད་པས། །
     བྱམས་པ་ཤ་ཕོ་མང་ནས། །   གསང་གཏམ་དགྲ་བོས་གོ་སོང་། །
 
༣༠  སྙིང་ཐུབ་ཡིད་འཕྲོག་ལྷ་མོ། །  རྔོན་པ་ང་རས་ཟིན་ཀྱང་།
     དབང་ཆེན་མི་ཡི་དཔོན་པོ། །  ནོར་བཟང་རྒྱལ་པོས་འཕྲོགས་སོང་། །
 
༣༡  ནོར་བུ་རང་ལ་ཡོད་དུས། ། ནོར་བུའི་ནོར་ཉམས་མ་ཆོད། །
     ནོར་བུ་མི་ལ་ཤོར་དུས།  ། སྙིང་རླུང་སྟོད་ལ་འཚངས་བྱུང་། །
 
༣༢  རང་ལ་དགའ་བའི་བྱམས་པ། །  གཞན་གྱི་འདུན་མར་བླངས་སོང་། །
     ཁོག་ནད་སེམས་པའི་གཅོང་གིས། ། ལུས་པོའི་ཤ་ཡང་བསྐམས་སོང་། །
 
༣༣  སྙིང་ཐུབ་རྐུ་ལ་ཤོར་སོང་། ། མོ་ཕྱཱ་རྩིས་འབུལ་རན་སོང་། །
     བུ་མོ་དུང་སེམས་ཅན་མ། །  རྨི་ལམ་ལ་ཡང་འཁོར་བྱུང་། །
 
༣༤  བུ་མོར་འཆི་བ་མེད་ན། །   ཆང་ལ་འཛད་པ་མི་འདུག །
     གཞོན་པའི་གཏན་གྱི་སྐྱབས་གནས། །  འདི་ལ་བཅོལ་བས་ལོས་ཆོག །
 
༣༥  བུ་མོ་ཨ་མར་མ་སྐྱེས།  །  ཁམ་བུའི་ཤིང་ལ་སྐྱེས་སམ། །
     ཨ་གསར་ཟད་པ་ཁམ་བུའི། ། མེ་ཏོག་དེ་ལས་མགྱོགས་པ། །
 
༣༦  བུ་མོ་ཆུང་འདྲིས་བྱམས་པ། །  སྤྱང་ཀིའི་རིགས་རྒྱུད་མིན་ནམ། །
     ཤ་འདྲེས་ལྤགས་འདྲེས་བྱུང་ཡང་། །  རི་ལ་ཤོར་གྲབས་མཛད་གིས། །
 
༣༧  རྟ་རྒོད་རི་ཡར་བརྒྱབ་པ། །  ཪྙི་དང་ཞགས་པས་ཟིན་གྱི། །
     བྱམས་པས་ངོ་ལོག་བརྒྱབ་པས། །  ཐུགས་ངོ་ཟིན་པ་མི་འདུག །
 
༣༨  བྲག་དང་རླུང་པོ་བསྡེབས་ནས། །  རྒོད་པོའི་སྒྲོ་ལ་གཟན་བྱུང་། །
     གཡོ་ཅན་རྫུ་བག་ཅན་གྱིས།  །  ང་ལ་གཟན་པོ་བྱས་བྱུང་།  །
 
༣༩  སྤྲིན་པ་ཁ་སེར་གཏིང་ནག །   སད་དང་སེར་བའི་གཞི་མ།  །
     བན་དེ་སྐྱ་མིན་སེར་མིན།  །  སངས་རྒྱས་བསྟན་པའི་དགྲ་བོ། །  
 
༤༠  ས་དེ་ཁ་ཞུར་གཏིང་འཁྱགས། །  རྟ་ཕོ་གཏོང་ས་མ་རེད། །
     གསང་གྲོགས་བྱམས་པའི་ཕྱོགས་ལ། །  སྙིང་གཏམ་བཤད་ས་མ་རེད། །
 
༤༡  ཚེས་ཆེན་བཅོ་ལྔའི་ཟླ་བ། ། ཡིན་པ་འདྲ་བ་འདུག་སྟེ། །
     ཟླ་བའི་དཀྱིལ་གྱི་རི་བོང་། ། ཚེ་ཟད་ཚར་ནས་འདུག་གོ། །
 
༤༢  ཟླ་བ་འདི་ལ་ཕར་འགྲོ། ། རྟིང་མའི་ཟླ་ལ་ཚུར་ཡོང་། །
     བཀྲ་ཤིས་ཟླ་བ་དཀར་བོ། ། ཟླ་སྟོད་ཕྱོགས་ལ་མཇལ་ཡོང་། །
 
༤༣  དབུས་ཀྱི་རི་རྒྱལ་ལྷུན་པོ། །  མི་འགྱུར་བརྟན་པོར་བཞུགས་དང་། །
     ཉི་མ་ཟླ་བའི་འཁོར་ཕྱོགས། ། ནོར་ཡོང་བསམ་པ་མི་འདུག །
 
༤༤   ཚེས་གསུམ་ཟླ་བ་དཀར་པོ། །  དཀར་གོས་ནང་ནས་ཆོད་སོང་། །
      བཅོ་ལྔའི་ནམ་དང་མཉམ་པའི། ། ཞལ་བཞེས་གཅིག་ཀྱང་གནང་ཞུ། །
 
༤༥  ས་བཅུའི་དབྱིངས་སུ་བཞུགས་པའི། ། དམ་ཅན་རྡོ་རྗེ་ཆོས་སྐྱོང་།  ། 
     མཐུ་དང་ནུས་པ་ཡོད་ན།  །  བསྟན་པའི་དགྲ་བོ་སྒྲོལ་དང་། །     
༤༦    ཁུ་བྱུག་མོན་ནས་ཡོང་བས། །  ནམ་ཟླའི་ས་བཅུད་འཕེལ་སོང་། །
       ང་དང་བྱམས་པ་ཕྲད་ནས། །  ལུས་སེམས་ལྷོད་པོར་ལངས་སོང་། །
 
༤༧   ཁྱི་དེ་སྟག་ཁྱི་གཟིག་ཁྱི།  །  ལྡག་ག་བྱིན་ནས་འདྲིས་སོང་། །
      ནང་གི་སྟག་མོ་རིས་འཛོམས། །  འདྲིས་ནས་ཐུ་རུ་ལངས་སོང་། །
 
 ༤༨  ཤ་འཇམ་ལུས་པོ་འདྲེས་ཀྱང་། །  བྱམས་པའི་གདེང་ཚོད་མི་ལོན། །
      ས་ལ་རི་མོ་བྲིས་པས། །    ནམ་མཁའི་སྐར་ཚོད་ཐིག་བྱུང་། །
 
༤༩    ང་དང་བྱམས་པའི་སྡེབ་ས། །  ལྷོ་རོང་མོན་པའི་ནགས་གསེབ། །
       སྨྲ་མཁན་ནེ་ཙོ་མ་གཏོགས། །  སུ་དང་གང་གིས་མི་ཤེས། །
       སྨྲ་མཁན་ནེ་ཙོས་ཨོ་ཤེས། །  གསང་ཁ་སྟོན་པ་མ་གནང་། །
 
༥༠     ལྷ་ས་མི་ཚོགས་མཐུག་ལ།  །  འཕྱོངས་རྒྱས་མི་སྤུས་དག་པ།  །
       ང་ལ་དགོས་པའི་ཆུང་འདྲིས།  །  འཕྱོངས་རྒྱས་གཞུང་ལ་ཡོད་དོ། །
 
༥༡     ཁྱི་རྒན་རྒྱ་བོ་ཟེར་བ། །  རྣམ་ཤེས་མི་ལས་སྤྱང་པ། །
       སྲོད་ལ་ཕྱིན་སོང་མ་ཟེར། །  ཐོ་རངས་ལོག་བྱུང་མ་ཟེར། །
 
༥༢     སྲོད་ལ་བྱམས་པ་བཙལ་བས།  །  ཐོ་རངས་ཁ་བ་བབས་བྱུང་། །
       གསང་དང་མ་གསང་མི་འདུག །  ཞབས་རྗེས་གངས་ལ་བཞག་འདུག །
 
༥༣     པོ་ཏ་ལ་རུ་བཞུགས་དུས། །  རིག་འཛིན་ཚངས་དབྱངས་རྒྱ་མཚོ། །
       ལྷ་ས་ཞོལ་ལ་སྡོད་དུས། །  འཆལ་པོ་དང་བཟང་དབང་པོ། །
 
༥༤    ཤ་འཇམ་མལ་སའི་ནང་གི །  སྙིང་ཐུབ་དུང་སེམས་ཅན་མས། །
       ཨོ་ལོའི་རྒྱུ་ནོར་འཕྲོག་པའི། །   གཡོ་སྒྱུ་བཤད་པ་མིན་འགྲོ། །
 
 ༥༥    དབུ་ཞྭ་དབུ་ལ་བཞེས་སོང་། །  དབུ་ལྕང་རྒྱབ་ལ་དབྱུགས་སོང་། །
       ག་ལེ་ཕེབས་དང་བྱས་པས། །  ག་ལེ་བཞུགས་ཤིག་གསུངས་བྱུང་། །
       ཐུགས་སེམས་སྐྱོ་ཡོང་བྱས་པས། ། མགྱོགས་པོ་འཕྲད་ཡོང་གསུངས་བྱུང་། །
 
༥༦    བྱ་དེ་ཁྲུང་ཁྲུང་དཀར་མོ།།   གཤོག་རྩལ་ང་ལ་གཡོར་དང་། །
       ཐག་རིང་རྒྱང་ལ་མི་འགྲོ། །  ལི་ཐང་བསྐོར་ནས་སླེབ་ཡོང་། །
 
༥༧    ཤི་དེ་དམྱལ་བའི་ཡུལ་གྱི། །  ཆོས་རྒྱལ་ལས་ཀྱི་མེ་ལོང་། །
       འདི་ནས་ཁྲིག་ཁྲིག་མི་འདུག །  དེ་ནས་ཁྲིག་ཁྲིག་གནང་ཞུ། །
 
 ༥༨    མདའ་མོ་འབེན་ལ་ཕོག་སོང་། །  མདེའུ་ས་ལ་འཛུལ་སོང་། །
       ཆུང་འདྲིས་བྱམས་པ་འཕྲད་བྱུང་། ། སེམས་ཉིད་རྗེས་ལ་འབྲང་སོང་། །
 
༥༩     རྒྱ་གར་ཤར་གྱི་རྨ་བྱ། །   ཀོང་ཡུལ་མཐིལ་གྱི་ནེ་ཙོ། །
       འཁྲུངས་ས་འཁྲུངས་ཡུལ་མི་གཅིག ། འཛོམས་པ་ཆོས་འཁོར་ལྷ་ས། །
 
 ༦༠    མི་ཚོས་ང་ལ་ལབ་པ། །  དགོངས་དག་ཡིན་པ་ཁག་ཐེག །
       ཨོ་ལོའི་གོམ་གསུམ་ཕྲ་མོ། །  གནས་མོའི་ནང་ལ་ཐལ་སོང་། །
 
 ༦༡   ལྕང་མ་བྱེའུར་སེམས་ཤོར། །  བྱེའུ་ལྕང་མར་སེམས་ཤོར། །
       སེམས་ཤོར་མཐུན་པ་བྱུང་ན། ། བྱ་ཁྲ་ཧོར་པས་མི་ཐུབ། །
 
 ༦༢    ད་ལྟའི་ཚེ་ཐུང་འདི་ལ།  །  དེ་ག་ཙམ་ཞིག་ཞུས་ནས། །
       རྟིང་མ་བྱིས་པའི་ལོ་ལ། །  མཇལ་འཛོམས་ཨེ་ཡོང་བལྟའོ། །
 
 ༦༣   བྱ་དེ་སྨྲ་མཁན་ནེ་ཙོ།  །  ཁ་རོག་བཞུགས་རོགས་མཛོད་དང་། །
      ལྕང་གླིང་ཨ་ལྕེ་འཇོལ་མོ། །  གསུང་སྙན་སྒྱུར་དགོས་བྱུང་སོང་། །
 
 ༦༤   རྒྱབ་ཀྱི་ཀླུ་བདུད་བཙན་པོ། །  འཇིགས་དང་མི་འཇིགས་མི་འདུག ། 
       མདུན་གྱི་ཀ་ར་ཀུ་ཤུ །   འཐོགས་སུ་དགོས་པ་བྱས་སོང་། །
 
༦༥   དང་པོ་མ་མཐོང་ཆོག་ཀ །  སེམས་པ་ཤོར་དོན་མི་འདུག །
     གཉིས་པ་མ་འདྲིས་ཆོག་ཀ།  སེམས་གཅོང་ཞུགས་དོན་མི་འདུག     དགེའོ།།
 
 
·རྩོམ་ཡིག་གོང་མ:ཨེ་མ་ཧོའི་སུམ་ཚན་བརྟག་དཔྱད་ཀྱི་རིགས་པ།
·རྩོམ་ཡིག་འོག་མ:གཞས་ཚིག ཨ་མའི་བུ་ཕྲུག་མིང་ལ་བོད་པ་ཟེར།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·བརྡ་གླུ་པདྨ་གེ་སར་ཞེས་བྱ་བ། ། 2010/8/8 17:32:00
·ཉག་རོང་ཨ་མྱེས་སྤྲུལ་སྐུའི་མགུར་གླུ་སྙན་མོ་གདའ། 2010/7/29 16:12:25
·ཚངས་དབྱངས་རྒྱ་མཚོའི་མགུར་གླུ། (དང་པོ།) 2009/10/26 13:20:40
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 7:25:23 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 10:09:33 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 15:05:39 [来自: 112.5.248.229]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།22.95MS