ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> གླིང་སྒྲུང་།
 རྩོམ་ཡིག་ཀློག་པ།

སེང་ཆེན་ནོར་བུ་དགྲ་འདུལ་ལ་བསྟོད་པ་ ཕྱོཊ་ལས་རྣམ་རྒྱལ།

  རྩོམ་པ་པོ:མཁན་ཆེན་འཇིགས་མེད་ཕུན་ཚོགས།ཡོང་ཁུངས:ངེད་དྲ་བ།གཟིགས་གྲངས:3193ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/12/11 21:57:05ཚོགས་ཡར་སྤྲོད:admin

༄༅། །སེང་ཆེན་ནོར་བུ་དགྲ་འདུལ་ལ་བསྟོད་པ་

ཕྱོགས་ལས་རྣམ་པར་རྒྱལ་བའི་
རུ་མཚོན་བཞུགས། །  
 
 
༄༅། །ན་མོ་གུ་རུ་ཨ་ཛི་ཏ་ཡེ།
རླབས་ཆེན་ཚོགས་ཟུང་རྟ་བདུན་གྱིས་བསྐྱོད་དེ། །
ཕྲིན་ལས་ཕན་བདེའི་འོད་སྟོང་སྤྲོ་བས་ནི། །
སྙིགས་ལྔའི་མུན་ཚོགས་གཞོམ་དང་ཆབས་ཅིག་ཏུ། །
ཐུབ་བསྟན་འདབ་སྟོང་བཞད་མཛད་སེང་ཆེན་རྗེ། །
གདོང་བཞི་པ་དང་མིག་སྟོང་ལྡན་པ་ཡང༌། །
ཁྱོད་སྐུ་ཉིན་བྱེད་གམ་ན་མེ་འཁྱེར་བཞིན། །
རིན་ཆེན་བདུན་གྱིས་ནོར་འཛིན་སྐྱོང་བ་རྣམས། །
གང་གི་དཔལ་ལ་འགྲན་པའི་དམ་བཅའ་ལྷོད། །
སྲིད་འདིར་མངོན་པར་མཐོ་བའི་ཆེ་དགུ་དག །
མངའ་ཐང་དབྱར་རྔས་ལྷ་ལམ་འགེངས་པ་ཡང༌། །
འཆི་བདག་དྲུང་ན་ཁེངས་པའི་རི་བསྙིལ་ཏེ། །
འདར་བཞིན་མཆི་མས་བརྣངས་ནས་གནས་མོད་ཀྱང༌། །
འཁོར་གསུམ་རྒྱན་གྱིས་མཛེས་པའི་དཔའ་བོ་ཁྱོད། །
མཐོང་བའི་མོད་ལ་གཤིན་རྗེས་ཁྲོ་གཉེར་སྦས། །
འཛུམ་བཅས་ཕྱག་གིས་བཏུད་པའི་དེ་མ་ཐག །
རབ་འབར་དམྱལ་ཁམས་མངོན་དགའི་ཞིང་དུ་བསྒྱུར། །
ལུས་ཀྱིས་མ་བསྐུལ་ངག་གིས་རྦད་མིན་ཡང༌། །
ཡིད་ལ་བརྣག་པའི་དགྲ་བགེགས་དཔུང་ཚོགས་ལ། །
ཅིར་ཡང་སྤྲུལ་ནས་བསད་བསྐྲད་བགྱིད་པ་འདི། །
ཁྱོད་དང་ལྷ་དབང་མཚོན་གྱི་ཐུན་མོང་ཆོས། །
ཟག་ཕུང་རྒྱུ་བ་ཡོང་ཡེ་མི་མངའ་ཞིང༌། །
མཐའ་ཀླས་འགྲོ་བློའི་རྗེས་འགྲོ་ཚངས་དབྱངས་ཅན། །
བསད་ཚད་གདུང་བྲལ་བདེ་ཆེན་དཔལ་སྟེར་བ། །
སུས་ཀྱང་འགྲན་བྲལ་ཁྱོད་ཀྱི་རྣོ་ངར་མཚོན། །
སྡང་མིག་གཡོ་བས་སྲིད་གསུམ་གཏོར་བ་སོགས། །
དྲེགས་པའི་སྡེ་དཔོན་གཞན་དང་མཐུན་མོད་ཀྱང༌། །
རྡུལ་གཅིག་ཁྱོན་ལ་རྡུལ་སྙེད་ཞིང་བཀོད་ཅིང༌། །
བསྐལ་མང་སྐད་ཅིག་བསྒྱུར་ནུས་ཁྱོད་མིན་སུ། །
རྗེ་ཁྱོད་འཕོ་མེད་ཡེ་ཤེས་རྡོ་རྗེའི་སྐུ། །
རབ་འབྱམས་རྒྱལ་བ་ཀུན་དང་རོ་གཅིག་ཀྱང༌། །
འགྲོ་བའི་སྣང་ངོར་དག་དང་མ་དག་པའི། །
སྒྱུ་འཕྲུལ་རོལ་མོ་འཆར་བའི་ཐབས་མཁས་ངོམ། །
འདོད་ལྷ་སྙིང་དབུས་གབ་པ་བདུད་ཀྱི་སྡེས། །
རང་ནུས་གཏིང་སྤྲུགས་བྱས་ཏེ་རྒོལ་བའི་ཚེ། །
དེ་ལ་འཚམ་པའི་སྟོབས་དང་རྫུ་འཕྲུལ་གྱིས། །
ལན་མེད་མོག་པོར་བྱས་པའང་ངོ་མཚར་མོད། །
ཁམས་གསུམ་ལྟོ་བར་སྦྲུམ་པའི་ལས་ཅན་ཚོགས། །
གཅིག་ཀྱང་ལྷག་མེད་དུས་གཅིག་མནར་བའི་དགྲ། །
བདུད་བཞི་བདག་མེད་མཚོན་གྱིས་ཡུད་ཙམ་ལ། །
སྐྱེ་མེད་ཀློང་དུ་བརླགས་པ་ཤིན་ཏུ་མཚར། །
༡༠
 ཟག་ཟད་ཐུགས་ཀྱི་མཁའ་ཀློང་ཡངས་པ་ནས། །
སྲིད་ཞིའི་དགེ་ལེགས་ཆར་དུ་བསྙིལ་བྱས་ཏེ། །
སྐད་ཅིག་རེར་ཡང་གྲངས་མེད་རྒྱལ་ཀུན་མཆོད། །
མ་ལུས་འགྲོ་བའི་རེ་བ་སྐོང་མཛད་ན། །
༡༡
འཛམ་གླིང་ཐ་གྲུར་འཁོད་པའི་ནོར་སྣ་འགའ། །
བསིལ་ལྡན་བསྟན་འགྲོའི་གསོས་སུ་དྲངས་པ་འདི། །
ཧ་ཅང་ཅི་མཚར་ཆེས་སྙིགས་འགྲོ་ངོ་ལ། །
སྣང་བར་ནུས་པའི་རྣམ་ཐར་ཆ་ཤས་ལགས། །
༡༢
སྣང་སྲིད་ལྷ་སྲིན་དྲེགས་པ་སྡེ་བརྒྱད་ཚོགས། །
ཁྱེད་སྐུའི་རྒྱན་ཆའི་གཟུགས་སུ་རྫུར་ཞུགས་ནས། །
རབ་འབྱམས་ལས་ཀུན་ལྷོད་མེད་སྒྲུབ་ལ་ལྟོས། །
ལྷར་བཅས་འགྲོ་བས་འདུད་པ་ལོས་ཀྱང་འོས། །
༡༣
ཤིན་ཏུ་གདུལ་དཀའ་ལྔ་བདོའི་འགྲོ་བ་རྣམས། །
སྙིང་སྟོབས་ཐུགས་རྗེས་འདོར་བ་མིན་བཞིན་ངང༌། །
ཞི་དང་དྲག་པོའི་རོལ་རྩེད་འབུམ་ཕྲག་གིས། །
རྒྱལ་བསྟན་མེ་རོ་སློང་བ་ཁྱོད་གཅིག་ཙམ། །
༡༤
རིགས་གསུམ་གཅིག་བསྡུས་པདྨ་རྒྱལ་པོ་ཉིད། །
བགྲེས་རྒུད་གཞོམ་བྲལ་དགྲ་བླའི་སྐུར་བཞེངས་ནས། །
བོད་འདིར་རྒྱལ་བསྟན་ཇི་སྲིད་གནས་ཀྱི་བར། །
བསྟན་དང་བསྟན་འཛིན་སྐྱོང་བའི་བཀའ་དྲིན་ཅན། །
༡༥
སྐུ་གཅིག་འཕྲུལ་མཚན་སྟོང་གི་གཟུགས་བསྒྱུར་བ། །
མ་འོངས་རིགས་ལྡན་སྟོན་འཁོར་ཚུལ་བཟུང་ནས། །
གསང་ཆེན་བསྟན་པ་སླར་ཡང་གསལ་བྱེད་ཅིང༌། །
འབྲེལ་ཚད་མཁའ་སྤྱོད་དག་པའི་ཞིང་དུ་འདྲེན། །
༡༦
མཚན་དཔེའི་མཛེས་པ་འཕོ་ཆེན་འོད་ཀྱི་སྐུ། །
མདོ་སྨད་གླིང་ཡུལ་མཐོང་བ་ཀུན་སྨོན་འདིར། །
ད་ལྟའི་དུས་ནའང་མངོན་སུམ་བཞུགས་ལགས་ཕྱིར། །
ཅུང་ཟད་ལས་སྒྲིབ་སྲབ་པ་སུས་ཀྱང་མཇལ། །
༡༧
གང་གི་རྣམ་ཐར་མཛད་པའི་བཀོད་པ་ཡང༌། །
གཅིག་ཏུ་མ་ངེས་མི་རེས་གླུ་རེ་ལེན། །
ཟབ་མོའི་གཏེར་ཁ་རེ་བཞིན་སྣང་བ་ཡང༌། །
ཐམས་ཅད་བདེན་ཏེ་སྤྲུལ་བསྒྱུར་ཚད་བཟུང་བྲལ། །
༡༨
དུས་འདིར་བསྟན་འཛིན་མཆོག་དང་སྦྱིན་བདག་སྡེ། །
ཆོས་བཞིན་སྤྱོད་པ་ཕལ་ཆེར་ཁྱོད་ཀྱི་སྤྲུལ། །
མཐའ་ཡི་དམག་གི་ཆུ་རླབས་འཕྱོ་བ་ན། །
རྔུབ་བྱེད་རྟ་གདོང་མེ་དཔུང་ཁྱོད་གཅིག་ལགས། །
༡༩
 ཨ་འཐས་ཞེན་པས་དྲེགས་པ་རང་རྒྱུད་དུ། །
བཟུང་བས་མཆོད་དང་བསྟོད་ལ་བརྩོན་བྱས་ཀྱང༌། །
ཚེ་འདིར་སྡེ་བཞིའི་དཔལ་ལ་དབང་འབྱོར་ནས། །
འཕོ་ཚེ་བདེ་ལྡན་ཞིང་དུ་ངེས་པར་འཁྲིད། །
༢༠
དཔག་ཡས་ཞི་ཁྲོའི་དཀྱིལ་འཁོར་སྤྲོ་བསྡུའི་དཔྱིད། །
ཁྱོད་འགྲུབ་མ་ལུས་རྒྱལ་ཀུན་ཞོར་ལ་འགྲུབ། །
འཇམ་མཉེན་ཕྱག་སོར་སྤྱི་བོར་སོན་མ་ཐག །
བསྐལ་མང་རྙེད་དཀའི་ཏིང་འཛིན་སྒོ་བརྒྱ་འབྱེད། །
༢༡
ཐུགས་བསྐྱེད་སྨོན་པའི་དུས་ལ་ད་བབ་ཕྱིར། །
རྒྱལ་བ་གཞན་ལས་ཐུགས་རྗེ་ལྷག་པར་མྱུར། །
ཆོས་སྐྱོང་གཞན་ལས་སྒྲུབ་ཐག་ཤིན་ཏུ་ཉེ། །
དྲེགས་པ་གཞན་དང་མི་འདྲ་འཁུ་ལྡོག་མེད། །
༢༢
ནད་མུག་མཚོན་འཁྲུག་མུན་ཚོགས་དཔུང་བརྗིད་ཚེ། །
གང་གི་ཕྲིན་ལས་ཟླ་འོད་ལྷག་པར་གསལ། །
མཆོག་དམན་བར་མའི་འགྲོ་བ་སུས་བསྟེན་ཀྱང༌། །
ཐུགས་རྗེ་ཉེ་རིང་མེད་པར་དུས་ཀུན་སྐྱོང༌། །
༢༣
བླ་མ་ཁྱོད་ཡིན་བྱིན་རླབས་རྒྱ་མཚོའི་མཛོད། །
ཡི་དམ་ཁྱོད་ཡིན་རྣམ་གཉིས་དངོས་གྲུབ་སྟེར། །
མཁའ་འགྲོ་ཁྱོད་ཡིན་རླུང་སེམས་དབུ་མར་སྟིམ། །
ཆོས་སྐྱོང་ཁྱོད་ཡིན་ལས་བཞི་ཐོགས་མེད་སྒྲུབ། །
༢༤
དེ་ཕྱིར་བསླུ་མེད་སྐྱབས་གནས་གཅིག་ཆོག་ཏུ། །
ཡིད་ཆེས་དད་པས་འབྲལ་མེད་ཁྱོད་བསྟེན་ན། །
གནས་སྐབས་ཡིད་ལ་གང་འདོད་དཔལ་ཐོབ་ཅིང༌། །
མཐར་ཐུག་ཁྱོད་དང་དབྱེར་མེད་འགྲུབ་བྱིན་རློབས། །
༢༥

        ཞེས་ཚིགས་བཅད་འབྲས་ཆོས་ཀྱི་གྲངས་ལྡན་འདི་ནི་རང་གིས་བཅོལ་བའི་ཕྲིན་ལས་ངོ་མཐོན་རྟགས་དང་བཅས་ཏེ་བསྒྲུབས་སྐབས་ངོ་མཚར་ནས་བསྟོད་བསྔགས་ཤིག་བྱེད་འདོད་སྐབས་ཉེ་ཆར་བླ་མ་མཛོད་ལྡན་ནས་ཀྱང་དོན་གཉེར་གྱིས་བསྐུལ་བ་ཡིད་ལ་བཅག་སྟེ་ཐོལ་བྱུང་གང་ཤར་ཡུད་ཙམ་ལ་ངག་དབང་བློ་གྲོས་མཚུངས་མེད་ཀྱིས་བྲིས་པ་དགེ བསྟོད་པ་འདི་ཡིས་དགྲ་བླའི་རྒྱལ་པོ་ལ་བསྟོད་ན་དེ་མ་ཐག་བྱིན་རླབས་ཀྱི་མཚན་མ་མཐོང་བར་འགྱུར་རོ།། །།     དཔལ་དགྱེས་པ་རྡོ་རྗེ་ནས་མཁོ་འདོན་གནང་བར་བཀའ་དྲིན་ཆེ་ཞུ་བ་དང་ཆབས་ཅིག  དྲང་བདེན་སྐྱོང་བའི་ལྷ་མིའི་ལེགས་མཛད་ཡོངས།། ཕྱོགས་ལས་རྣམ་པར་རྒྱལ་བའི་བཀྲ་ཤིས་ཤོག །

·རྩོམ་ཡིག་གོང་མ:ཆོས་རྗེ་དམ་པ་ཡིད་བཞིན་ནོར་བུའི་རྣམ་ཐར་རྗེས་དྲན།
·རྩོམ་ཡིག་འོག་མ:གཞས་ཚིག་འགའ་ཡི་གཤིབ་བསྡུར།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·གྲགས་ཅན་གསུང་ཚིག༥༡ 2015/11/24 20:57:38
·མི་རྟག་དྲན་པའི་གསུང་མགུར། 2011/7/8 11:17:19
·ཁུ་ནུ་བླ་མའི་བྱང་ཆུབ་སེམས་ཀྱི་བསྟོད་པ། 2011/1/25 13:01:36
·དུར་ཁྲོད་དུ་ཕྱིན་པའི་མྱོང་ཚོར། 2011/1/10 19:01:04
·བདེན་གཏམ་རྣ་བའི་བདུད་རྩི། 2010/11/4 11:13:46
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 12:56:23 [来自: 112.5.236.197]

 评论者:4YmF7xGG
http://www.2345daohang.com/mail.htm
http://www.505dh.com/mail.htm
http://www.3721.cc/youxiang/
http://www.365dhw.com/dianzi-youxiang.html
http://www.726c.com/html/mail.htm
发表时间:2015/12/6 8:03:55 [来自: 111.144.227.221]

 评论者:7SijLE0v
http://www.3145.com/list/18youxiang.htm
http://www.3456.cc/Dianzi_Youxiang/index.html
http://www.3456.cm/mail.htm
http://www.6296.com.cn/s/res.html
http://www.3721.cc/youxiang/
发表时间:2015/12/2 4:11:22 [来自: 111.144.226.138]

འབྲེལ་ཡོད་དཔྱད་བརྗོད 49 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།42.97MS