ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> ཞལ་འདོན།
 རྩོམ་ཡིག་ཀློག་པ།

སྤྲེལ་ལོ་སྤྲེལ་ཟླའི་སྨོན་ལམ་བཞུགས་སོ།

  རྩོམ་པ་པོ:འཇིགས་གླིང་།ཡོང་ཁུངས:དྲ་གཟིགས་གྲངས:15623ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2016/8/13 9:09:14ཚོགས་ཡར་སྤྲོད:admin
             སློབ་དཔོན་ཐུགས་རྗེ་ཅན་གྱི་ཐུགས་དམ་གནད་དུ་བསྐུལ་བའི་གདུང་དབྱངས་གསོལ་འདེབས་བཞུགས་སོ། །

    ༄༅། །མཐའ་བྲལ་དོན་དམ་འོད་གསལ་གཉུག་མའི་གཤིས། །ལྷུན་གྲུབ་མཚན་དཔེའི་གཟིག་འབར་ལོངས་སྤྱོད་རྫོགས། །འགྲོ་ཁམས་ཇི་བཞིན་སྣ་ཚོགས་སྤྲུལ་པའི་སྐུ། །ཐུབ་དབང་ཐུགས་རྗེ་རྒྱ་མཚོས་དུས་ཀུན་སྐྱོངས། །རྒྱལ་ཀུན་མཁྱེན་བརྩེ་ནུས་པའི་སྒྱུ་འཕྲུལ་གར། །པུར་རྒྱལ་བོད་ཀྱི་འགྲོ་བའི་དཔལ་ཤར་བ། །གྲུབ་མཆོག་མཚོ་སྐྱེས་རྡོ་རྗེ་དྲིན་པོ་ཆེ། ། དེང་འདིར་གདུང་བས་བསྐུལ་ལོ་ཐུགས་རྗེས་ཟུངས། །སྤངས་རྟོགས་མཐར་ཕྱིན་སྐུ་ལྔའི་བདག་ཉིད་ཀུན། །མཉམ་ཉིད་ཉེ་རིང་གཟིགས་པ་མི་མངའ་ཡང་། །གདུལ་བྱའི་ཁམས་སོགས་རྟེན་འབྲེལ་མཐུ་བཙན་པས། ། ཁྱོད་ནི་གངས་ལྗོངས་འགྲོ་བའི་མགོན་དཔུང་ཉིད། ། ལྷག་པར་ཁྲི་སྲོང་ལྡེ་བཙན་ཡབ་སྲས་ཀྱིས། །བོད་ཁམས་ཐུགས་རྗེས་འཛིན་པར་བསྐུལ་བའི་ཚེ། །འགྱུར་མེད་ཞལ་བཞེས་མཚད་པ་དོན་གནས་ན། །དུས་འདིར་ཁྱོད་ཀྱིས་ཐུགས་རྗེས་སྐྱོང་བར་གསོལ། །ཕོངས་ཤིང་དོན་མེད་བཀོལ་སྤྱོད་གདུང་བས་མནར། ། སྙད་སྡང་སྲོག་ལ་འཇིགས་པའི་དངངས་སྐྲག་གིས། ། གཤིན་རྗེའི་གྲོང་ཁྱེར་ལྟ་བུར་གྱུར་པ་ཡི། །ཆོས་ལྡན་གངས་ཅན་པ་རྣམས་ཅི་ཡིས་ནོངས། ། འོན་ཏེ་སྔོན་བསགས་དཀར་མིན་ལས་ཀྱི་འབྲས། ། བརྣག་དཀའི་དུཿཁ་བཅུ་ཕྲག་ཟུང་ལྷག་ལོར། ། མྱངས་པའི་ཉམ་ཐག་ངང་ཚུལ་འདི་བས་ན། ། ལྷག་པར་དགོངས་ཤིག་བརྩེ་ཆེན་ཐུགས་རྗེའི་གཏེར། ། ཨེ་མ་དཀར་མིན་ལས་ཀྱི་མཐུ་བཙན་མོད། ། དད་དང་འདུན་སྟོབས་ལྷག་བསམ་བྱིན་མཐུ་ཡང་། ། སྟོབས་དང་ལྡན་ཕྱིར་དགེ་འབྲས་འདོད་རྒུའི་ཚོགས། ། མྱུར་དུ་སྨིན་པའི་རྟེན་འབྲེལ་མཐུ་འགྲུབ་མཛོད། ། བླ་མ་མཆོག་གསུམ་བོད་སྐྱོང་དམ་ཅན་དང་། ། གངས་ཅན་སྐྱེ་རྒུའི་དད་དམ་བྱིན་མཐུའི་སྟོབས། ། སྣང་སྟོང་རྒྱུ་འབྲས་མི་བསླུའི་བདེན་སྟོབས་ཀྱིས། ། སྨོན་པའི་དོན་རྣམས་མྱུར་དུ་འགྲུབ་པར་ཤོག ༼རབ་རྒྱལ་ལྕགས་སྤྲེལ་ཟླ་༡༠ཚེས་༡༥ ཕྱི་ལོ་༡༩༨༠ ༽

   ༄༅། །ཨེ་མ་ཧོ། །ཀ་དག་སྐྱེ་མེད་རྡོ་རྗེའི་ཕོ་བྲང་ནས། །ལྷུན་གྲུབ་བདེ་བའི་སྐུ་ཅན་པདྨ་འབྱུང་། །རྩ་གསུམ་ཆོས་སྐྱོང་རྒྱ་མཚོའི་སྤྱི་དཔལ་ཆེ། །གངས་ཅན་བསྟན་འགྲོའི་མགོན་པོ་ད་བཞེངས་ཤིག །མཐའ་དམག་དམ་སྲིའི་རུ་མཚོན་བསྒྲེངས་བའི་ཚེ། །རིག་འཛིན་མཁའ་འགྲོའི་གཙོ་མཆོག་པདྨ་འབྱུང་། །ཐུགས་རྗེའི་ཐུགས་དམ་མ་གཡེལ་དུས་ལ་བབ། །བདུད་འདུལ་གར་དགུའི་མཐུ་བྱིན་ད་བསྐྱེད་ཅིག །བསྟན་ཞབས་ཀླ་ཀློས་སྡུད་ལ་རིངས་པའི་ཚེ། །བདེ་མཆོག་གྲུབ་པའི་དཔའ་བོ་པདྨ་འབྱུང་། །མངོན་སྤྱོད་ལས་ལ་དགྱེས་པའི་དུས་ཡིན་གྱི། །དཔའ་གཏུམ་རྡོ་རྗེའི་གཟུགས་སྐུར་ད་བཞེངས་ཤིག །བོད་ཁམས་མཐའ་འཁོབ་སྐྱེ་བོས་འཇིགས་པའི་ཚེ། །འཇིགས་མེད་བརྟུལ་ཞུགས་མཆོག་གྲུབ་པདྨ་འབྱུང་། །ཕས་རྒོལ་ལྷག་མར་མཛད་པའི་དུས་ལ་བབ། །དྲག་ཤུལ་རལ་གྲིའི་རྣོ་དབལ་ད་ཕྱུངས་ཤིག །དུས་འཁྲུག་མཚོན་ཆའི་རུ་འཛིངས་རྔམ་པའི་ཚེ། །འཇིགས་མཛད་ཧེ་རུ་ཀ་དཔལ་པདྨ་འབྱུང་། ། ཁམས་གསུམ་སྟོབས་ཀྱིས་གནོན་པའི་དུས་ལ་བབ། །བདེ་ཆེན་རྡོ་རྗེའི་མཐུ་ནུས་ད་སྤོར་ཅིག །དབྱིངས་ནས་དག་ཆེན་མཉམ་པའི་ཡེ་ཤེས་ཆེ། །གཏུམ་རྔམ་ཨ་ལ་ཧ་ལའི་གད་རྒྱང་དང་། །ལྷན་ཅིག་ཁྲོ་ལ་ཁྲོས་པའི་སྐུར་སྟོན་ཞིང་། །བདུད་སྲིན་དམ་སྲིའི་སྙིང་ཁྲག་ད་རོལ་ཅིག །མཉམ་ཉིད་ཞི་བ་ཆེན་པོ་ཆོས་སྐུའི་ཐུགས། །ཁྲག་འཐུང་ཁྲོས་པའི་གཟུགས་སྐུར་མངོན་བཞེངས་ལ། །མཐའ་དམག་དུས་ཀྱི་འཁྲུག་རྩོད་ཞི་བ་དང་། །བོད་ཁམས་བདེ་ལ་འགོད་པའི་འཕྲིན་ལས་མཛོད། །ཅེས་པའང་མཐའ་དམག་དུ་རུ་ཀ་འོངས་པའི་རྟགས་ནམ་མཁའ་ཁྲག་མཚོའི་བཞིན་རས་སུ་བྱུགས་པའི་ཚེ་སྤྲང་སྨྱོན་འཇིགས་མེད་གླིང་པས་བགྱིས་པ་ཀླ་ཀློའི་འདུན་གྲོས་འཇིག་པའི་ཐུ་ལུམ་དུ་གྱུར་ཅིག   དགེའོ།   བླ་མ་ཡི་དམ་སྲུང་མའི་ཚོགས་རྣམས་ཀྱིས། །ཐུགས་རྗེའི་མཐུ་དཔུང་དྲག་ཏུ་བསྐྱེད་མཛོད་ལ། །བསྟན་འགྲོའི་གཤེད་དུ་གྱུར་པའི་མཐའ་དམག་རྣམས། ། ད་ལྟ་ཉིད་དུ་བཟློག་པའི་འཕྲིན་ལས་མཛོད། །

·རྩོམ་ཡིག་གོང་མ:རུ་མང་ཀླུ་མཁར་རྒྱལ་གྱི་གཞས་ཚིག་ཕྱོགས་བསྒྲིགས།
·རྩོམ་ཡིག་འོག་མ:ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·རྗེ་བཙུན་མི་ལ་རས་པར་གསོལ་བ་འདེབས་པ་ངོ་མཚར་སྙིང་པོ་ 2013/5/12 20:38:00
·ཨོ་རྒྱན་རིན་པོ་ཆེའི་གསོལ་འདེབས་འཇིགས་པ་ཀུན་སེལ། ། 2012/10/31 10:19:36
·གསོལ་འདེབས་སྨོན་ཚིག་བདེན་པའི་རྔ་སྒྲ། 2012/1/2 14:10:10
·གུ་རུའི་གསོལ་འདེབས་ཕྱོགས་བཅུ་དུས་བཞི་མ། ། 2012/1/1 10:52:39
·འཕགས་པ་སྤྱན་རིས་གཟིཊ་ལ་གསོལ་འདེབས་བྱིན་རླབས་མྱུར་འཇུག 2011/12/4 21:26:58
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:obrhzpthetk
hKYaQx  <a href="http://jwhntudjmwkd.com/">jwhntudjmwkd</a>, [url=http://qxglyqwtlhny.com/]qxglyqwtlhny[/url], [link=http://axtzormyfnod.com/]axtzormyfnod[/link], http://ibdcvyhlntnz.com/
发表时间:2017/4/3 22:35:29 [来自: 5.188.211.13]

 评论者:cnfkfapb
1JtHz5  <a href="http://afjrqtjomrqm.com/">afjrqtjomrqm</a>, [url=http://qlnpgpeiflkt.com/]qlnpgpeiflkt[/url], [link=http://frjdqlqbaxuj.com/]frjdqlqbaxuj[/link], http://bqdsweakjzxi.com/
发表时间:2017/4/3 21:41:36 [来自: 5.188.211.10]

 评论者:qnivmqwmj
MfaOdf  <a href="http://whkjmcoyxhgf.com/">whkjmcoyxhgf</a>, [url=http://tsrnlrcksvag.com/]tsrnlrcksvag[/url], [link=http://kwpduguteuat.com/]kwpduguteuat[/link], http://mtkyvqpgnjjq.com/
发表时间:2017/4/3 20:38:50 [来自: 5.188.211.13]

འབྲེལ་ཡོད་དཔྱད་བརྗོད 31 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS