ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

འཕྱོངས་རྒྱས། བཙན་པོའི་རྣམ་ཤེས་འཁྱར་བའི་གནའ་བོའི་ཡུལ་གྲུ།

  རྩོམ་པ་པོ:བྱ་དོར་ཕུན་ཚོགས་དབང་ཕྱུག ཀློག་གྲངས།ཡོང་ཁུངས:མཆོད་མེ།གཟིགས་གྲངས:17238ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2015/10/18 11:12:46ཚོགས་ཡར་སྤྲོད:admin

འཕྱོངས་རྒྱས། བཙན་པོའི་རྣམ་ཤེས་འཁྱར་བའི་གནའ་བོའི་ཡུལ་གྲུ།

 བྱ་དོར་ཕུན་ཚོགས་དབང་ཕྱུག

རྟ་ཕོ་ཞིག་གིས་འཚེར་སྐད་སྒྲོག་པའི་ཞོགས་པ་དེར།
ཁོ་བོས་མིག་བཟུང་བགྲད་དེ་རྒོད་པའི་གཤོག་རྩེར་གཏད།
ཁ་རྡུལ་ལྟར་འཕྱོ་བའི་རྡུལ་ཟེགས་དག་ག་ལེར་ཡལ་རྗེས།
ཞིག་རལ་དུ་གྱུར་ཟིན་པའི་ཕོ་བྲང་འཕྱིང་བ་སྟག་རྩེའི་བརྙན་རིས་དེས།
ངས་དབང་མེད་དུ་སྟོན་ཀ་ཞིག་གི་དྲན་རྟོག་དབྱངས་སུ་བཀུག

བཙག་དང་བསེར་བུ་རྒྱུན་པར་འཐབ་ཅིང་།
གྲང་ངར་དང་ཆར་ཆུ་བར་མེད་ལྡང་བའི་ཉིན་སྲིབ་ན།
རྨི་ལམ་ལྟར་རབ་རིབ་ནས་རབ་རིབ་ཏུ་འཕོ་བཞིན་པའི་བང་སོའི་ཕག་ནས།
བརླན་ཤིག་ཤིག་ཏུ་བཞུར་བའི་བཙན་པོའི་སྤྱན་ཆབ་གྱི་ཐིགས་པ་རེ་རེ།
གཙང་བོ་ལྟར་ངའི་བྱང་ཁོག་ན་ཤུགས་ཀྱིས་རྡེག་ཀྱིན་འདུག

བཤད་སྲོལ་ལ། <<དཔྱིད་ཀྱི་རྒྱལ་མོའི་གླུ་དབྱངས་>>སྒྲོག་པའི་ཡ་ཐོག་གི་དུས་སུ།
༧ལྔ་བ་ཆེན་མོས་གངས་རིའི་མུ་ཁྱུད་ལ་སྲ་མཁྲེགས་ཀྱི་ལྕགས་རི་བསྐོར་མྱོང་ལ།
ཧོར་དཔལ་གྱིས་ཕག་གྲུའི་མངའ་ཐང་གཏོད་པའི་སྔ་གཞུག་གང་སར།
ཉི་ཟླའི་བགྲོད་ཤུལ་ལའང་ས་དཔྱད་ཀྱི་ཐིག་རིས་འཐེན་མྱོང་བ་ཐོག་ལྟར་གྲགས།

ད་དུང་། ཁ་བ་བབས་པའི་མཚན་མོའི་བསླུ་བྲིད་ཀྱི་བྲང་གཞུང་དུ།
ཚངས་དབྱངས་རྒྱ་མཚོས་ལྐོག་འགྱུར་དང་གསང་བ་མོད་པའི་རྐང་རྗེས་བཞག་ཉིན་ནས་བཟུང་།
སྐྱེས་ཆེན་ཞིག་གི་གཏམ་རྒྱུད་ལ་ཐོལ་བརྒལ་གྱི་དྲི་རྟགས་བཀོད་ཟིན་པར་བརྟེན།
ཁོང་གི་སྙན་ཚིག་དང་མཁའ་འགྲོའི་བརྡ་ཡིག་བསྲེས་མའི་མགུར་གླུ་རེ་རེ།
ཟླ་བ་སྒྲོལ་མའི་འཇོ་སྒེག་དང་ལྷན་དུ་ཁ་བ་རི་པའི་སྐྱ་སེར་ཡོད་ཚད་ཀྱི་ངག་སྒོར་འཁྱིལ།

ཨེ་རེད། བྱང་གྲོང་གི་རྭ་རྩེ་ལྟར་བརྐྱངས་པའི་ལུང་གཞུང་ཆ་དེར།
སྲིད་པ་རྒན་པོའི་ངག་གྲོས་ལས་་ཆུ་མགོ་དང་རྒྱལ་སྨན་གྱི་ཐ་སྙད་དུ་འབོད།
ཤར་ལྷོ་ནུབ་བྱང་གི་མཐའ་བཞིར་མུ་ཏིག་ལྟར་འོད་དུ་འཚེར་ཀྱིན་པ་ནི།
དཔལ་རི་ཐེག་མཆོག་གླིང་།
ཚེ་རིང་ལྗོངས།
སྤྱན་གཡས་དགོན།
རི་བོ་བདེ་ཆེན།

གང་ལྟར། དུས་ཚིགས་ཀྱི་ཁུ་ཁྲག་མ་ལྷུང་པའི་སྔོན་རོལ་ན།
སྟོང་ཉིད་དང་མེ་ཏོག་གིས་བཟི་བའི་རབ་བྱུང་ཟུང་ཞིག་ཐག་རིང་དུ་ཆས་སྐད།
ཕྱི་རབས་པ་ཚོའི་ངག་ལས་བརྡོལ་བའི་རྟོག་བཏགས་ཀྱི་གླེགས་བམ་དེ་ཚོར།
ཀུན་མཁྱེན<<འཇིགས་མེད་གླིང་བའི་གཏམ་ཚོགས>>དང་།
འགོས་ལོ་གཞོན་ནུ་དཔལ་གྱི་<<དེབ་སྔོན་>>དུ་གྲགས།

 

·རྩོམ་ཡིག་གོང་མ:ཨ་མ་དྲན་པའི་གསུང་མགུར།
·རྩོམ་ཡིག་འོག་མ:དབྱངས་ཅན་མའི་གཟིགས་སྣང་བསྟོད་པ་ཞེས་བྱ་བ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
མིག་དཔྱད་བརྗོད་མི་འདུག
འབྲེལ་ཡོད་དཔྱད་བརྗོད 0 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS