ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དཔྱད་འགྲེལ།
 རྩོམ་ཡིག་ཀློག་པ།

གསང་སྔགས་ཡི་གེ་བརྒྱ་པའི་གོ་དོན་དང་ཕན་ཡོནབཞུགས།།

  རྩོམ་པ་པོ:ཀུན་ཕན་ཡོང་ཁུངས:ཀུན་ཕན་རྡོར་སེམས་གླིང་།གཟིགས་གྲངས:8033ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2015/6/9 14:59:44ཚོགས་ཡར་སྤྲོད:admin
༄༅།།གསང་སྔགས་ཡི་གེ་བརྒྱ་པའི་གོ་དོན་དང་ཕན་ཡོནབཞུགས།། 
 
 
༄༅། །མཁའ་ཁྱབ་ཀྱི་སེམས་ཅན་ཐམས་ཅད་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་ཆེད་དུ། བརྒྱུད་པ་དགུ་ལྡན་གྱི་བླ་མ་དམ་པ་རྣམས་དང་ཡི་དམ་རྒྱུད་སྡེ་བཞི་དྲུག་གི་དཀྱིལ་འཁོར་གྱི་ལྷ་ཚོགས་རྣམས་དང་མ་རྒྱུད་མཁའ་འགྲོ་རྒྱ་མཚོའི་ཚོགས་ལ་ཕྱག་འཚལ་ཞིང་སྐྱབས་སུ་མཆིའོ།།
འདིར་གསང་སྔགས་ཡི་གེ་བརྒྱ་པའི་གོ་དོན་དང་ཕན་ཡོན་ཅུང་ཙམ་བརྗོད་ན།
དང་པོ་གོ་དོན་ནི།
ཨོཾ་སྐུ་ལྔ།
བཛྲ་ས་ཏྭ་ས་མ་ཡ།མ་ནུ་པ་ལ་ཡ།རྡོ་རྗེ་སེམས་དཔའི་དམ་ཚིག་རྗེས་སུ་སྐྱོངས།
བཛྲ་ས་ཏྭ་ཏྭེ་ནོ་པ་ཏིཥྛ་རྡོར་སེམས་ཉིད་ཀྱིས་ཉེར་གནས་མཛོད།
ཌིཌྷྲོམེ་བྷ་ཝ།བདག་ལ་བརྟན་པར་མཛད་དུ་གསོལ།
སུ་ཏོ༷ཥྱོ་མེ་བྷ་ཝ།བདག་ལ་ཤིན་ཏུ་དགྱེས་པར་མཛོད།
སུ་པོཥྱོ་མེ་བྷ་ཝ།བདག་ལ་ཤིན་ཏུ་རྒྱས་པར་མཛོད།
ཨ་ནུ་རཀྟོ་མེ་བྷ་ཝ།བདག་ལ་རྗེས་སུ་ཆགས་པར་མཛོད།
སརྦ་སིདྡྷིམྨེ་པྲ་ཡཙྪ༔བདག་ལ་དངོས་གྲུབ་ཐམས་ཅད་སྩོལ།
སརྦ་ཀརྨ་སུ་ཙ་མེ།ལས་ཀུན་ལ་ཡང་གཉིས་ནི།
ཙིཏྟཾ་ཤྲི་ཡཾཿཀུ་རུ།སེམས་ལ་དགེ་ལེགས་སུ་ཞི་མཛོད།
ཧཱུྃ།ཐུགས་ཀྱི་ས་བོན།
ཧ་ཧ་ཧ་ཧ་ཧོཿ ཡེ་ཤེས་ལྔ་མཚོན་བྱེད།
བྷ་ག་ཝན་སརྦ་ཏ་ཐ་ག་ཏ་ བཅོམ་ལྡན་དེ་བཞིན་གཤེགས་ཀུན་གྱིས།
བཛྲ་མཱ་མེ་མུཉྩ། བདག་གྲོལ་རྡོར་སེམས་ཉིད་དུ་མཛོད།
བཛྲི་བྷ་ཝ་མ་ཧཱ་ས་མ་ཡ་ས་ཏྭ། དམ་ཚིག་སེམས་དཔའ་ཆེན་པོར་མཛོད།
ཨཿཐམས་ཅད་སྐྱེ་མེད་ཀློང་དུ་གཅིག་ཅེས་པའོ།།
ཡང་ན།
ཨོཾ་མཆོག་གི་དངོས་གྲུབ་སྟེར་བའོ།།
བཛྲ་ས་ཏྭ་ནི་རྡོ་རྗེ་སེམས་དཔའ་ས་མ་ཡ་དམ་ཚིག
མ་ནུ་པ་ལ་ཡ་རྗེས་སུ་སྐྱོངས་ཤིག. ཇི་ལྟར་སྐྱོང་ན་བཛྲ་ས་ཏྭ་ཏྭེ་ནོ་པ་ཏིཥྛ་ནི་རྡོ་རྗེ་སེམས་དཔའ་ཉེ་བར་གནས་པར་མཛོད་དེ། རང་གི་བསམ་པ་བཞིན་དུའོ།། དྲིཌྡྷོ་མེ་བྷ་ཝ་བདག་ལ་བརྟན་པའི་རང་བཞིན་དུའོ།།
སུ་ཏྭཥྱོ་མེ་བྷ་ཝ།བདག་ལ་དགའ་བའི་རང་བཞིན་དུའོ།།
ཨ་ནུ་རཀྟོ་མེ་བྷ་ཝ་བདག་ལ་རྗེས་སུ་ཆགས་པའི་རང་བཞིན་དུའོ།།
སུ་པོཥྱོ་མེ་བྷ་ཝ་བདག་ལ་མཛེས་པའི་རང་བཞིན་དུའོ།།
སརྦ་སིདྡྷིམྨེ་པྲ་ཡཙྪཿབདག་ལ་དངོས་གྲུབ་ཐམས་ཅད་སྩོལ།
སརྦ་ཀརྨ་སུ་ཙ་མེ།བདག་ལ་ལས་ཐམས་ཅད་སྩོལ་ཏེ།ཚུལ་དེ་ལྟ་བུའི་བདག་ལ་སྐྱོངས་ཤིག. བསྐྱངས་ནས་ཅི་བྱེད་ན།
ཙིཏྟ་ཤྲྀ་ཡཾཿཀུ་རཱུ་བདག་གི་སྙིང་ལ་གནས་པར་མཛོད་ཅིག་གང་གནས་ཤེ་ན།
ཧཱུྃ་ཆོས་ཀྱི་དབྱིངས་མི་འགྱུར་བས་གནས་དང་།
ཧ་བཞི་ནི་ཡེ་ཤེས་གཞན་བཞི།ཧོ་དབྱེར་མེད་པ།
བྷ་ག་ཝཱན་བཅོམ་ལྡན་འདས།
སརྦ་ཏ་ཐཱ་ག་ཏ་དེ་བཞིན་གཤེཊ་པ་ཐམས་ཅད་ཀྱིས།
བཛྲི་མཱ་མེ་མུཉྩ་རྡོ་རྗེ་བདག་ལ་འདོར།
བཛྲ་བྷ་ཝ།རྡོ་རྗེ་ཅན་མཛོད།མ་ཧཱ་ས་མ་ཡ་ས་ཏྭ་ནི་དམ་ཚིག་སེམས་དཔའ་ཆེན་པོ།
ཨཱཿནི་སྐྱེ་བ་མེད་པ་སྟེ་སྔགས་དང་ལྷ་དང་སྒྲུབ་པ་པོ་རྣམས་རང་བཞིན་སྐྱེ་མེད་དུ་གཅིག་པའི་དོན་ནོ།།
གཉིས་པ་ཕན་ཡོན་ནི།
རང་འདོད་ཡིད་བྱེད་ཀྱི་བློ་ངན་དང་བྲལ་ཏེ།
གཞན་ཕན་བྱང་ཆུབ་སེམས་ཀྱིས་ཀུན་ནས་ལྷིང་ཞིང་། སེམས་དམིགས་པ་ལས་གཞན་དུ་མི་ཡེངས་ཤིང་ཐ་མལ་གྱི་སྨྲ་བ་དང་མ་འདྲེས་པར། དུས་གཅིག་ལ་ཡི་གེ་བརྒྱ་པ་ལན་བརྒྱ་རྩ་བརྒྱད་བཟླས་ན་སྔར་བྱས་ཀྱི་སྡིག་སྒྲིབ་དང་ཉམས་ཆག་ཐམས་ཅད་ངེས་པར་དག་པ་བླ་མ་རྡོ་རྗེ་སེམས་དཔའི་ཞལ་གྱིས་བཞེས་པ་ཡིན་ཏེ། དྲི་མེད་བཤགས་རྒྱུད་ལས་ཀྱང་། བདེ་བར་གཤེགས་པ་ཐམས་ཅད་ཀྱི་ཐུཊ་ཀྱི་ཡང་སྙིང་ཉམས་ཆག་དང་རྟོག་སྒྲིབ་ཐམས་ཅད་སྦྱོང་བར་བྱེད་པ།ཡི་གེ་བརྒྱ་པ་ཞེས་བྱ་བ་བཤགས་པ་ཐམས་ཅད་ཀྱི་རྒྱལ་པོ་འདི་དུས་གཅིག་ལ་ལན་བརྒྱ་རྩ་བརྒྱད་དུ་བཟླས་ན་ཉམས་ཆག་ཐམས་ཅད་བསྐངས་ཏེ།ངན་སོང་གསུམ་དུ་ལྟུང་བ་ལས་ཐར་བར་འགྱུར་རོ།། རྣལ་འབྱོར་པ་གང་ཞིག་གིས་ཡི་དམ་དུ་བཅས་ནས་འདོན་ན།མི་དེ་ཚེ་འདི་ལའང་དུས་གསུམ་གྱི་སངས་རྒྱས་ཐམས་ཅད་ཀྱིས་སྲས་ཀྱི་དམ་པར་དགོངས་ནས་སྲུང་སྐྱོབ་མཛད་ལ།ཤི་འཕོས་ནས་ཀྱང་བདེ་བར་གཤེགས་པ་རྣམས་ཀྱི་སྲས་ཀྱི་ཐུ་བོར་འགྱུར་བ་གདོན་མི་ཟའོ།།ཞེས་དང་།
དུས་གསུམ་བདེ་གཤེགས་ཐམས་ཅད་ཀྱི༔
ཡང་སྙིང་ཡི་གེ་བརྒྱ་པ་འདི༔
བདུན་ནམ་ཉི་ཤུ་རྩ་གཅིག་གམ༔
བརྒྱ་དང་རྩ་བརྒྱད་བརྗོད་གྱུར་ན༔
མཚན་མེད་ལྔ་ཡི་སྡིག་པ་བྱང་༔
ཉམས་ཆག་ཀུན་ཀྱང་བྱང་གྱུར་ནས༔
དུས་གསུམ་སངས་རྒྱས་ཐམས་ཅད་ཀྱི༔
སྲས་ཀྱི་དམ་པ་དགོང་པར་འགྱུར༔
ཞེས་གསུངས། དེ་བཞིན་དུ་གསང་སྔགས་རྡོ་རྗེ་ཐེག་པའི་སྒོར་ཞུགས་ནས་རྩ་བ་དང་ཡན་ལག་གི་དམ་ཚིག་ཉམས་ཆག་གང་བྱུང་ཡང་།ཉིན་རེ་བཞིན་རྡོ་རྗེ་སེམས་དཔའ་བསྒོམས་ནས་ཡི་གེ་བརྒྱ་པ་ཉི་ཤུ་རྩ་གཅིག་རེ་བཟླས་ན།དེས་ལྟུང་བ་བྱིན་གྱིས་རླབས་པ་ཞེས་བྱ་སྟེ།ལྟུང་བ་བྱུང་བའི་རྣམ་སྨིན་གོང་ནས་གོང་འཕེལ་དུ་འགྲོ་རྒྱུ་མེད་པ་དང་།ཡི་གེ་བརྒྱ་པ་འབུམ་ཕྲག་གཅིག་བཟླས་ན་ལྟུང་བ་ཐམས་ཅད་རྩ་བ་ནས་དག་པར་སྙིང་པོ་རྒྱན་ལས་གསུངས་ཏེ།
པད་དཀར་ཟླ་བའི་གདན་གནས་པའི།།
རྡོ་རྗེ་སེསས་དཔའ་ལེགས་དམིགས་ཏེ།།
ཡི་གེ་བརྒྱ་པ་ཆོ་ག་བཞིན།།
ཉི་ཤུ་རྩ་རེ་བཟླས་གྱུར་ན།།
ལྟུང་སོགས་བྱིན་གྱིས་བརླབ་གྱུར་ཕྱིར།།
འཕེལ་བ་དུ་ནི་མི་འགྱུར་ཞེས།།
གྲུབ་པ་མཆོག་རྣམས་ཀྱིས་བཤད་པས།།
རྟག་པར་དུ་ནི་ཉམས་སུ་བླང་།།
འབུམ་ཕྲག་གཅིག་ཏུ་བཟླས་གྱུར་ན།།
རྣམ་པར་དག་པའི་བདག་ཉིད་འགྱུར།།
ཞེས་གསུངས་པ་སོགས་མདོ་རྒྱུད་མན་ངག་རྣམས་སུ་ཕན་ཡོན་ཆེ་ཚུལ་མང་དུ་གསུངས།རྒྱུ་མཚན་དེའི་ཕྱིར་ན་འུ་ཅག་རྣམས་གྱིས་ཀྱང་།༼ཀུན་ཕན་རྡོར་སེམས་ཡིག་བརྒྱ་གླིང་༽ཞེས་ཚོགས་པ་འདི་ཇེ་རྒྱས་ཇེ་ལེགས་སུ་གཏོང་ན་མང་པོའི་གདེག་ན་གདུང་པོ་ཞེས་པའི་དཔེ་ལྟར་རང་གཞན་རྣམས་ལ་ཕན་པ་ཆེ་བར་དམིགས་ཏེ་སྒྲུབ་པ་ལེགས་ན།ཚོགས་མི་ཡོངས་ཀྱིས་ཚོགས་པ་འདི་ཉམ་པ་སླར་གསོ་དང་མ་ཉམ་གོང་འཕེལ་དུ་འགྲོ་བ་ལ་འབད་འབུང་བྱེད་པར་སོར་བཅུའི་ཐལ་མོ་སྙིང་ཁར་ཟུམ་དེ་བཀའ་དྲིན་སྙིང་ནས་ལན་བརྒྱར་ཞུའོ།།
·རྩོམ་ཡིག་གོང་མ:རྐང་འཁོར་དེ།
·རྩོམ་ཡིག་འོག་མ:གནམ་འོག་གི་དོན་བཟང་རྩེ་གྲས་ནི་གང་ལྟར་དཔེ་ཀློག་ཉིད་དོ།།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:sbflrndo
BimCyz  <a href="http://kdrleibcisam.com/">kdrleibcisam</a>, [url=http://bkizgdqolibq.com/]bkizgdqolibq[/url], [link=http://edhvceuoxpju.com/]edhvceuoxpju[/link], http://nzaaxdcgjpar.com/
发表时间:2015/11/22 6:15:51 [来自: 146.185.234.48]

འབྲེལ་ཡོད་དཔྱད་བརྗོད 1 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.98MS