ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བསྟོད་གསོལ།
 རྩོམ་ཡིག་ཀློག་པ།

སྟོན་པ་ཐུགས་རྗེ་ཅན་ལ་བསྟོད་པ་བྱིན་རླབས་ཉེར་འཇུག་བཞུགས་

  རྩོམ་པ་པོ:ངངཡོང་ཁུངས:ངངགཟིགས་གྲངས:11957ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2015/4/10 17:09:54ཚོགས་ཡར་སྤྲོད:admin
སྟོན་པ་ཐུགས་རྗེ་ཅན་ལ་བསྟོད་པ་བྱིན་རླབས་ཉེར་འཇུག་བཞུགས་སོ།
 
                               ཤར་ཙོང་ཁ་པ་བློ་བཟང་གྲགས་པས་མཛད།


༄༅། །སྐབས་གསུམ་པ་དང་དབང་བོའི་དགྲ།།
དྲི་ཟ་གདེངས་ཅན་གྲུབ་པའི་གཙོ།།
ཀུན་གྱི་གཙུག་རྒྱན་ནོར་བུ་ཡིས།།
གང་གི་ཞབས་པད་མཛེས་བྱས་པ།།
གསེར་འོད་འཁྱུག་པའི་དཔལ་གྱིས་བརྗིད་པའི་སྐུ།།
དྲི་ཟའི་དབྱངས་ཀྱིས་བསྒྲུན་དུ་མེད་པའི་གསུང་།།
ཉི་མ་བྱེ་བའི་མདངས་ལས་གསལ་བའི་ཐུགས།།
མཐའ་ཡས་འགྲོ་བའི་འདྲེན་མཆོག་ཤཱཀྱའི་ཏོག།
དག་པའི་མཁའ་ལ་ཤར་བའི་གཟའ་སྐར་རྣམས།།
ཆུ་གཏེར་དབུས་ན་ཡོངས་སུ་གསལ་བ་བཞིན།།
དང་བའི་ཡིད་མཚོར་ཁྱོད་ཀྱི་ཡོན་ཏན་གྱི།།
གཟུགས་བརྙན་མ་འདྲེས་གསལ་བར་རབ་བཀོད་ནས།།
ཟླ་ཟེར་ཕོག་པའི་ཆུ་སྐྱེས་གཞོན་ནུ་བཞིན།།
ལག་པའི་སོར་མོ་སྙིང་གའི་ངོས་སུ་ཟུམ།།
རྩེ་གཅིག་ཡིད་ཀྱིས་ཁྱོད་སྐུར་མངོན་ཕྱོགས་ཏེ།།
ཅུང་ཟད་བསྟོད་ལ་ཐུགས་རྗེ་ཅན་ཁྱོད་དགོངས།།
སྐར་མའི་ཚོགས་ཀྱིས་མཁའ་ལ་ཟླ་བ་བཞིན།།
རྒྱལ་སྲས་དཔའ་བོ་རྣམས་ཀྱིས་ཀུན་ནས་བསྐོར།།
བ་ལང་ཁྱུ་ཡི་ཐོག་མར་ཁྱུ་མཆོག་བཞིན།།
དགྲ་བཅོམ་འཁོར་གྱི་ཚོགས་ཀྱིས་མདུན་དུ་བདར།།
ནམ་མཁའི་ཁྱོན་ཀུན་འགེངས་པའི་འོད་ཟེར་གྱི།།
དྲ་བ་སྟོང་གིས་ཡོངས་སུ་དཀྲིགས་པའི་སྐུ།།
ནམ་མཁའི་ལམ་ནས་ཆོ་འཕྲུལ་དུ་མ་ཡིས།།
ངང་བའི་རྒྱལ་པོ་བཞིན་དུ་ལྡིང་ཞིང་གཤེགས།།
དེ་ཚེ་རིང་ནས་བསྐྲུན་པའི་བཟང་བོའི་ལས།།
ཡོངས་སུ་སད་པའི་ལྷ་མི་སྟོང་ཕྲག་བརྒྱ།།
ཁྱོད་ཞལ་མཐོང་བའི་མོད་ལ་མི་བསྲུན་ཡིད།།
ཉེས་བརྒྱའི་འཆིང་བ་ཀུན་ནས་ལྷོད་པར་གྱུར།།
དཔའ་བོ་ཁྱོད་ཀྱིས་བྱང་ཆུབ་ཤིང་དྲུང་དུ།།
མཁྱེན་བརྩེའི་དཔུང་གིས་ཡིད་སྲུབས་བདག་པོའི་སྡེ།།
མ་ལུས་ཟིལ་གྱིས་གནོན་པར་མཛད་པ་ནི།།
དྲག་པོའི་རླུང་དང་ཉེ་བའི་སྤྲིན་ནག་བཞིན།།
མདའ་མཚོན་གོ་ཆ་མ་བཟུང་བར།།
རང་ཉིད་གཅིག་པུས་བྱེ་བའི་བདུད།།
མ་ལུས་ཕམ་མཛད་གཡུལ་གྱི་ལས།།
ཁྱོད་ལས་གཞན་པ་སུ་ཡིས་ཤེས།།
དེ་ལྟར་ཁྱོད་ཀྱི་བྱམས་པའི་མེས།།
འདོད་ལྷའི་སྙིང་ནི་རབ་གདུངས་ཀྱང་།།
བརྩེ་བའི་གཏེར་ཁྱོད་ལུས་ཅན་ལ།།
རིས་སུ་ཆད་པར་གྱུར་པ་མེད།།
ཁྱོད་ནི་འགྲོ་བའི་དོན་གྱི་སླད།།
ཅུང་ཟད་ཙམ་ཡང་མི་ངལ་ཞིང་།།
འགྲོ་བ་རྣམས་ཀྱང་ཁྱོད་ཀྱི་ནི།།
ཡོན་ཏན་བརྗོད་ལ་ངལ་མ་གྱུར།།
རྒྱ་མཚོའི་ཀློང་ལྟར་རབ་ཏུ་ཟབ་པའི་ཐུགས།།
ལྷ་ཡི་རྔ་བཞིན་ལེགས་པར་འདོམས་པའི་གསུང་།།
ལྷུན་པོའི་སྤོ་ལྟར་མངོན་པར་འཕགས་པའི་སྐུ།།
མཐོང་ཐོས་དྲན་པས་དོན་ལྡན་མཛད་པ་ཁྱོད།།
འཇིག་རྟེན་ཀུན་གྱི་སེམས་ཅན་ཐམས་ཅད་ཀྱིས།།
དུས་གཅིག་ཉིད་དུ་ཐེ་ཚོམ་དོན་ཞུས་ཀྱང་།།
དེ་དག་རེ་རེའི་མདུན་དུའང་དེ་སྙེད་ཀྱི།།
སྐུ་དང་གསུང་གི་བཀོད་པ་དུས་གཅིག་ཏུ།།
མཛད་པ་མཛད་ཀྱང་རྟོག་པ་ཉེར་ཞི་བ།།
ཁྱོད་ཀྱི་སྐུ་གསུང་ཐུགས་ཀྱི་གསང་བ་ཡི།།
ཚུལ་འདི་རྒྱལ་སྲས་རང་རྒྱལ་ཉན་ཐོས་ཀྱིས།།
ཇི་ཙམ་བརྟགས་ཀྱང་བློ་ཡི་ཡུལ་མིན་ན།།
ཚངས་དང་དབང་བོ་སོགས་ཀྱིས་སྨོས་ཅི་འཚལ།།
མཁའ་ལྡིང་དབང་བོ་མཁའ་ལ་བགྲོད་བགྲོད་ནས།།
ནམ་ཞིག་རང་སྟོབས་བྲི་བས་ལྡོག་འགྱུར་གྱི།།
ནམ་མཁའ་ཟད་པས་ལྡོག་པར་མི་འགྱུར་བཞིན།།
ཁྱོད་ཀྱི་ཡོན་ཏན་བརྗོད་པའང་དེ་ལྟར་ལགས།།
གཤོག་རྩལ་རབ་ཏུ་རྫོགས་པའི་མཁའ་ལྡིང་གིས།།
བགྲོད་པའི་ལམ་དུ་བྱེའུས་རྩོལ་བ་ལྟར།།
སྟོབས་བཅུ་མངའ་བ་གང་དུ་གཤེགས་པ་ཡི།།
ལམ་མཆོག་དེར་ནི་འཇུག་པར་འདོད་པ་བདག།
གནས་ལུགས་དོན་ལ་ལྟ་བའི་བློ་མིག་ཉམས།།
ངེས་འབྱུང་བྱང་ཆུབ་སེམས་ཀྱི་འབྱོར་བས་དབུལ།།
སྟོབས་ལྡན་ཉོན་མོངས་དགྲ་བོས་རྒྱུན་དུགཙེས།།
བདག་འཛིན་གཅོང་རོང་ཟབ་མོའི་སྦུབས་སུ་ལྷུང་།།
འདི་འདྲའི་ཉམ་ཐག་གནས་སུ་གྱུར་ལགས་པ།།
བརྩེ་ཆེན་ཁྱེད་ཀྱིས་ཡལ་བར་འདོར་ལགས་ན།།
དམན་པ་རྣམས་ལ་ཆེས་ཆེར་བརྩེ་བའི་མགོན།།
ཁྱོད་ལས་གཞན་པ་གང་ལ་སྐྱབས་སུ་གཟུང་།།
སྙིགས་མ་ལྔ་ཡིས་ཧ་ཅང་སྦགས་པ་ཡི།།
ཞིང་འདི་གཞན་གྱིས་སྤངས་དུས་མགོན་ཁྱོད་ཀྱིས།།
ཡོངས་སུ་བཟུང་སྟེ་རྒྱལ་བ་སྲས་བཅས་ཀྱིས།།
པད་དཀར་ལྟ་བུར་བསྔགས་པའི་དགོས་པའང་ཅི།།
འོན་ཀྱང་ཁྱོད་ཀྱི་འཕྲིན་ལས་གདུལ་བྱ་ལ།།
མ་བརྟགས་བཏང་སྙོམས་ཅུང་ཟད་མི་མངའ་བས།།
སྐལ་ངན་བདག་གི་ཉེས་པ་ཁོ་ནར་ཟད།།
དེ་ཕྱིར་ཁྱོད་ལ་སྐྱོན་གྱི་སྐབས་མེད་པས།།
དེང་ནས་བྱང་ཆུབ་སྙིང་བོར་བདུད་སྡེ་ལས།།
ཇི་སྲིད་རྒྱལ་བར་མ་གྱུར་དེ་སྲིད་དུ།།
སྐྱེ་ཞིང་སྐྱེ་བར་ཁྱོད་ཀྱིས་རྗེས་བཟུང་ནས།།
གསུང་གི་བདུད་རྩིས་ངོམས་པ་མེད་པར་ཤོག།    ། །

ཅེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ།བདེ་བར་གཤེགས་པ།  འཇིག་རྟེན་མཁྱེན་པ།   སྐྱེས་བུ་འདུལ་བའི་ཁ་ལོ་སྒྱུར་པ།བླ་ན་མེད་པ་ལྷ་དང་མི་རྣམས་ཀྱི་སྟོན་པ་ཤཱཀྱ་ཐུབ་པ་ལ་བསྟོད་པ་བྱིན་རླབས་ཉེར་འཇུག་ཅེས་བྱ་བ་འདི་ནི།    སྡེ་སྣོད་འཛིན་པ་འཇམ་དཔལ་རྒྱ་མཚོ་ཞེས་བྱ་བ་རང་གི་སློབ་མས་གསོལ་བ་བཏབ་པའི་དོན་དུ་མང་དུ་ཐོས་པའི་རྒྱལ་ཁམས་པ ༧ བློ་བཟང་གྲགས་པའི་དཔལ་གྱིས་གངས་ཅན་ཁྲོད་ཀྱི་གངས་རིའི་དབང་བོ་འོ་དེ་གུང་རྒྱལ་གྱི་ལྷ་ཞོལ་དུ་སྦྱར་བའི་ཡི་གེ་པ་ནི་སྡེ་སྣོད་འཛིན་པ་བྷ་དྲ་པཱ་ལའོ།།
༈ དེ་བཞིན་གཤེགས་པ་ཁྱེད་སྐུ་ཇི་འདྲ་དང་།།
འཁོར་དང་སྐུ་ཚེའི་ཚད་དང་ཞིང་ཁམས་སོགས།།
ཁྱེད་ཀྱི་མཚན་མཆོག་བཟང་པོ་ཇི་འདྲ་བ།།
དེ་འདྲ་ཁོ་ནར་བདག་སོགས་འགྱུར་བར་ཤོག།
ཁྱེད་ལ་བསྟོད་ཅིང་གསོལ་བ་བཏབ་པའི་མཐུས།།
བདག་སོགས་གང་དུ་གནས་པའི་ས་ཕྱོགས་དེར།།
ནད་དང་དབུལ་ཕོངས་འཐབ་རྩོད་ཞི་བ་དང་།།
ཆོས་དང་བཀྲ་ཤིས་འཕེལ་བར་མཛད་དུ་གསོལ།།
སྟོན་པ་འཇིག་རྟེན་ཁམས་སུ་བྱོན་པ་དང་།།
བསྟན་པ་ཉི་འོད་བཞིན་དུ་གསལ་བ་དང་།།
བསྟན་འཛིན་བུ་སློབ་བཞིན་དུ་མཐུན་པ་ཡིས།།
བསྟན་པ་ཡུན་རིང་གནས་པའི་བཀྲ་ཤིས་ཤོག། 

·རྩོམ་ཡིག་གོང་མ:མཇལ་ཁ་ཞུ་བའི་སྐོར།
·རྩོམ་ཡིག་འོག་མ:སྣ་འཛོམས་དམངས་གཞས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རགས་གཏེར་མཛོད། 2014/11/3 11:59:05
·རྩམ་པ། 2013/1/8 19:50:56
·སྒྲོལ་མ་འཇིགས་པ་ཀུན་སེལ་ལས་ས་ཡི་འཇིགས་སྐྱོབ་ 2012/10/23 18:24:11
·སྒོ་ཤེས་རབ་གླེང་བ། 2012/8/15 22:13:39
·དགེ་འདུན་ཆོས་འཕེལ། 2012/7/28 13:38:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:Loan
poor credit loans guaranteed approval <a href="https://creditloansguaranteedapproval.com/">credit loans guaranteed approval</a> loan compare <a href=https://creditloansguaranteedapproval.com/>small personal loans no credit</a>
发表时间:2018/10/19 2:59:30 [来自: 5.188.210.11]

 评论者:mkrpewhhwev
1ao1fa  <a href="http://ojatjnykfvhv.com/">ojatjnykfvhv</a>, [url=http://uznjmlumuafy.com/]uznjmlumuafy[/url], [link=http://qqdtsrjmoiff.com/]qqdtsrjmoiff[/link], http://vugxvofrvfat.com/
发表时间:2017/4/3 8:43:54 [来自: 5.188.211.62]

 评论者:lmoceieq
D6ijmd  <a href="http://inkbsmmcsihm.com/">inkbsmmcsihm</a>, [url=http://dceyecdfzqfz.com/]dceyecdfzqfz[/url], [link=http://ptskzmvzumld.com/]ptskzmvzumld[/link], http://wtywxyzauqlj.com/
发表时间:2017/4/3 0:39:51 [来自: 5.188.211.62]

འབྲེལ་ཡོད་དཔྱད་བརྗོད 39 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.95MS