༄༅། །༧ཀུན་མཁྱེན་བླ་མ་ཚུལ་ཁྲིམས་བློ་གྲོས་མཁྱེན་ནོ། །
ན་མོ་མ་ཧྰ་གུ་རུ་པདྨ་ཀ་ར་ཡེ། །
༡
བཀའ་དྲིན་མཚུངས་ཟླ་དང་བྲལ་བའི། །
ཕན་བདེ་ཡི་གཏེར་མཛོད་དང་ཁོར་ཡུག །
འབྲོག་པའི་འཚོ་རྟེན་དང་ཞིང་ལས་ཀྱི། །
དྲིན་ ཆེན་ཕ་མ་དངོས་དང་འདྲ་བའི་རྟ་ནོར་ལུག་སོགས་འགྲོ་བ་སྲོག་ཆགས་ཕྲ་མོ་ཡན་ཆད་ཀྱི་སེམས་ཅན་ཡོངས་ཀྱི་མགོན་དཔུང་དམ་པ། རྒྱལ་བ་ཆོས་སྤྱོད་སྐྱོང་བའི་ཀུན་མཁྱེན་བླ་མ་ཚུལ་ཁྲིམས་བློ་གྲོས་མཁྱེན་ནོ། །
༢
བླུན་པོ་ཚོའི་མིག་ནང་གི་ལིང་ཏོག །
ངན་པ་ཚོའི་སེམས་ནང་གི་ཆག་སྒོ།
འཛམ་གླིང་ཞི་བདེ་སྲོག་རྩ་བརྟན་པའི། །
གངས་ ཅན་ཆོས་ལྡན་གྱི་ཞིང་ཁམས་སུ་ཞི་བདེ་མཚན་ཉིད་པའི་རྒྱལ་མཚན་བསྒྲེང་བའི་བརྩེ་ དུང་རྒྱུན་ཆད་མེད་པའི་དུས་གསུམ་ཀུན་མཁྱེན་བླ་མ་ཚུལ་ཁྲིམས་བློ་གྲོས་ཁྱེད་ མཁྱེན་ནོ། །
༣
མཐོན་པོའི་ཁྲི་ལ་མ་ཆགས། །
བཙན་པོ་གནམ་ལ་མ་འཇིགས། །
སྨུག་པོ་གདོང་གི་ལྷ་སྲས། །
དཔའ་ མཛངས་བློ་གྲོས་སྟོབས་བཅུ་མངའ་བའི་རྒྱལ་བ་གཉིས་པ་བླ་རུང་པའམ་དད་ལྡན་མཐོ་ རིས་འདྲེན་པའི་ཐུགས་རྗེ་ཅན་ཀུན་མཁྱེན་བླ་མ་ཚུལ་ཁྲིམས་བློ་གྲོས་ཁྱེད་མཁྱེན་ ནོ། །
༤
སྔོན་མའི་ཆོས་རྒྱལ་དམ་པ་དང་། །
འཕགས་བོད་ཀྱི་མཁས་གྲུབ་ཐམས་ཅད། །
གྲུབ་བརྙེས་ཀྱི་རིག་འཛིན་ཚང་མ། །
ཕྱོགས་དུས་རྒྱལ་བ་སྲས་དང་བཅས་པ། །
རྒྱལ་ ཀུན་ཐུགས་ཀྱི་སྙིང་པོ་དགེ་བཅུའི་ཁྲིམས་བཟང་ངམ་ལས་རྒྱུ་འབྲས་རྟེན་འབྲེལ་བསླུ་བ་མེད་པར་ཕྱག་ལེན་དུ་འདེབས་པའི་ཆོས་རྒྱལ་ཆེན་པོ་ཀུན་མཁྱེན་བླ་མ་ཚུལ་ཁྲིམས་བློ་གྲོས་མཁྱེན་ནོ། །
༥
གྲྭ་བས་འཁོར་གཡོག་མི་དགོས། །
དམག་དམངས་ཀྱིས་སྐུ་བསྲུང་མི་དགོས། །
རྒྱུ་ནོར་གྱི་རྫོང་བ་མི་དགོས་པར། །
འདོད་ ཆུང་ཆོག་ཤེས་ཀྱི་གྲུབ་ཐོབ་ཆེན་པོ་མཆོག་གིས་སྐྱེ་འགྲོ་ཡོངས་ལ་འཚེ་མེད་ཞི་བདེའི་བྱིན་རླབས་གནང་བའི་འགྲོ་དོན་སྟོབས་ཆེན་མཛད་པའི་ཀུན་མཁྱེན་བླ་མ་ཚུལ་ཁྲིམས་བློ་གྲོས་མཁྱེན་ནོ། །
༦
ནམ་མཁའ་ལྟར་ཕན་བདེའི་གོ་འགྱེད་ཅིང་། །
ས་གཞི་ལྟར་དགེ་ཚོགས་ཀྱི་རྟེན་བྱེད་པ། །
ཆར་སྤྲིན་བཞིན་དུ་ལེགས་བཤད་ཀྱི་སྦྲང་ཆར་འཇོ་བའི། །
དུས་གསུམ་སངས་རྒྱས་ཐམས་ཅད་ཀྱི་འདུས་པའི་ངོ་བོ། རིགས་དང་དཀྱིལ་འཁོར་ཀུན་གྱི་ཁྱབ་བདག ཀུན་མཁྱེན་བླ་མ་ཚུལ་ཁྲིམས་བློ་གྲོས་དཔལ་བཟང་པོ་ལ་ཕྱག་འཚལ་ལོ། །མཆོད་དོ། སྐྱབས་སུ་མཆིའོ། །
༧
རང་གཞན་སེམས་ཅན་གྱི་མགོན་པོ། །
བསྟན་དང་འགྲོ་བ་ཡི་དེད་དཔོན། །
སྐྱབས་གནས་བསླུ་བ་མེད་པའི་དཀོན་མཆོག་ཀུན་འདུས། །
དཔལ་རྒྱལ་བའི་དབང་པོ་ཀུན་མཁྱེན་བླ་མ་ཚུལ་ཁྲིམས་བློ་གྲོས་ལ་ཕྱག་འཚལ་ལོ། མཆོད་དོ། སྐྱབས་སུ་མཆིའོ། །
མ་གྱུར་འགྲོ་བ་སེམས་ཅན་ཀུན་གྱིས་རང་བྱུང་རྫོགས་པ་ཆེན་པོའི་གནས་ལུགས་ཇི་ལྟ་བ་བཞིན་དུ་རྟོགས་པར་བྱིན་གྱིས་བརླབ་ཏུ་གསོལ། ། ཨོཾ་ཛྙྰ་ན་གུ་རུ་བཛྲ་སིདྡྷི་ཧྰུྃ། ། ཞེས་པ་འདི་ཡང་རབ་རྒྱན་ཆུ་སྦྲུལ་ཟླ་ཚེས་དགེ་བར་མ་ལ་ཡའི་ཨེ་ཝྃ་ཐེབས་རྩ་ཚོགས་ པའི་ཟས་ཁང་ནས་རིག་འཛིན་ཨེ་མ་ཧོས་སྙིང་ནས་གསོལ་བ་འདེབས་པར་དགེའོ། །
评论者：