ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དཔྱད་འགྲེལ།
 རྩོམ་ཡིག་ཀློག་པ།

གཟུངས་སྔཊ་ཡི་གེ་དྲུག་མའི་འགྲེལ་པ་དང་ཕན་ཡོན།

  རྩོམ་པ་པོ:བླ་མ་བདག་ཉིད་ཆེན་པོཡོང་ཁུངས:ངེད་དྲ་བ།གཟིགས་གྲངས:8978ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/8/2 17:28:00ཚོགས་ཡར་སྤྲོད:admin
མ་ཎི་ཡིག་དྲུག་གི་འགྲེལ་པ་དང་ཕན་ཡོན།
 
ཡིག་དྲུག་གི་འགྲེལ་བ་ཐར་བའི་ས་བོན།
 
                                  ༧བླ་མ་བདག་ཉིད་ཆེན་པོའི་གསུང་།
༄༅།།   ཨོཾ་མ་ཎི་པདྨེ་ཧཱུྃ་ཞེས་པའི་གཟུངས་སྔགས་འདི་བགྲང་ན་ཡག་པོ་ཡོད་ཅིང༌། དེ་བགྲང་སྐབས་དེའི་དོན་ལ་བསམ་བློ་ངེས་པར་དུ་གཏོང་དགོས། གང་ཡིན་ཟེར་ན། ཡིག་འབྲུ་དྲུག་པོའི་དོན་དེ་ཟབ་པོ་དང་རྒྱ་ཆེན་པོ་ཡོད། དང་པོ་ཨོཾ་ཞེས་པར་ཡི་གེ་ཨ་དང༌། ཨུ། མ་བཅས་གསུམ་བསྡུས་ཡོད། འདི་རྣམས་ཀྱིས་ཉམས་ལེན་པའི་མ་དག་པའི་ལུས་ངག་ཡིད་གསུམ་དང༌། དེ་བཞིན་སངས་རྒྱས་ཀྱི་དག་པའི་སྐུ་གསུང་ཐུགས་མཚོན་གྱི་ཡོད། མ་དག་པའི་ལུས་ངག་ཡིད་གསུམ་དག་པའི་ལུས་ངག་ཡིད་གསུམ་གྱི་ངོ་བོར་བསྒྱུར་ཐུབ་བམ། ཡང་ན་འདི་གཉིས་རྩ་བ་ནས་ཐ་དད་པ་ཡིན་ནམ་ཞེ་ན། སངས་རྒྱས་ཐམས་ཅད་སྔོན་སྐབས་ཤིག་ན་ང་ཚོ་ལྟ་བུ་ཡིན་པ་དང༌། དེ་ནས་ལམ་ལ་བརྟེན་ཏེ་བྱང་ཆུབ་ཀྱི་གོ་འཕང་ཐོབ་པ་ཞིག་ཡིན་པ་ལས། ནང་པའི་ཆོས་ནང་ཐོག་མ་ཉིད་ནས་སྐྱོན་ཀུན་ཟད་དང་ཡོན་ཏན་ཀུན་ལྡན་ཞིག་བཞེད་ཀྱི་མེད། དག་པའི་ལུས་ངག་ཡིད་གསུམ་ནི། མ་དག་པའི་ངོ་བོ་རྣམས་རིམ་པས་དོར་ནས་དག་པའི་ངོ་བོར་གྱུར་པ་ལས་འབྱུང་བ་ཡིན། འདི་ཇི་ལྟར་བསྒྲུབ་དགོས་ཤེ་ན། དེ་ཉིད་སྒྲུབ་པར་བྱེད་པའི་ལམ་ནི་ཡིག་འབྲུ་ཕྱི་མ་བཞིས་མཚོན་གྱི་ཡོད། མ་ཎྀ་ཞེས་པ་ནོར་བུའི་དོན་ཡིན་ལ། འདིས་ཐབས་ཀྱི་ཆ་བྱང་ཆུབ་ཀྱི་སེམས་དང༌། བྱམས་པ་བཅས་མཚོན་གྱི་ཡོད། ནོར་བུར་དབུལ་ཕོངས་སེལ་བའི་ནུས་པ་ཡོད་པ་བཞིན་དུ། བྱང་ཆུབ་ཀྱི་སེམས་ལའང་སྲིད་ཞིའི་རྒུད་པ་མཐའ་དག་སེལ་བའི་ནུས་པ་ཡོད། དེ་བཞིན་ནོར་བུས་སེམས་ཅན་གྱི་རེ་བ་སྐོང་བ་བཞིན་དུ། བྱང་ཆུབ་སེམས་ཀྱིས་ཀྱང་སེམས་ཅན་གྱི་རེ་བ་སྐོང་གི་ཡོད། པདྨ་ཞེས་པའི་ཡིག་འབྲུ་གཉིས་པོ་མེ་ཏོག་པདྨའི་དོན་ཡིན་ལ། དེས་ཤེས་རབ་མཚོན་གྱི་ཡོད། པདྨ་དེ་འདམ་ལས་སྐྱེས་ན་ཡང་འདམ་གྱི་སྐྱོན་གྱིས་མ་གོས་པ་བཞིན་དུ། ཤེས་རབ་ལའང་རང་ཉིད་འགལ་འདུ་མི་ཡོང་བའི་སར་འཇོག་པའི་ནུས་པ་ཡོད་ལ། གལ་ཏེ་ཤེས་རབ་མེད་ན་འགལ་འདུ་ཡོང་གི་ཡོད། ཤེས་རབ་ལ་མི་རྟག་པ་རྟོགས་པའི་ཤེས་རབ་དང༌། གང་ཟག་རང་རྐྱ་བའམ་རྫས་ཡོད་ཀྱིས་སྟོང་པ་རྟོགས་པའི་ཤེས་རབ། ཡུལ་ཡུལ་ཅན་ངོ་བོ་ཐ་དད་པས་སྟོང་པ་གཉིས་རྟོགས་པའི་ཤེས་རབ། རང་གི་མཚན་ཉིད་ཀྱིས་གྲུབ་པས་སྟོང་པ་རྟོགས་པའི་ཤེས་རབ་བཅས་ཤེས་རབ་ལ་རིགས་མི་འདྲ་བ་དུ་མ་ཞིག་ཡོད་རུང༌། གཙོ་བོ་ནི་སྟོང་ཉིད་རྟོགས་པའི་ཤེས་རབ་ཡིན། ཡིག་འབྲུ་ཐ་མ་ཧཱུྃ་གིས་ངོ་བོ་དབྱེར་མེད་བསྟན་པ་དང༌། དེས་རང་རྒྱུད་ཀྱི་སྐྱོན་དག་པ་དེ་ངེས་པར་དུ་ཐབས་ཤེས་དབྱེར་མེད་ལ་བརྟེན་ནས་ཐོབ་དགོས་པ་མཚོན་གྱི་ཡོད། མདོ་ཕྱོགས་ལྟར་ན། འདི་ལྟ་བུའི་ཐབས་ཤེས་དབྱེར་མེད་ནི་ཐབས་ཀྱིས་ཟིན་པའི་ཤེས་རབ་དང༌། ཤེས་རབ་ཀྱིས་ཟིན་པའི་ཐབས་ལ་གོ་བ་དང༌། སྔགས་སམ་རྒྱུད་ཀྱི་ཐེག་པ་ལྟར་ན། དེ་ཉིད་ཐབས་ཤེས་ངོ་བོ་དབྱེར་མེད་ཀྱི་ཆ་ཡོངས་སུ་རྫོགས་པའི་རྣམ་པ་ཤེས་པ་གཅིག་ལ་གོ། རྒྱལ་བ་རིགས་ལྔའི་ས་བོན་གྱི་ཡིག་འབྲུ་ལྟར་ན། ཧཱུྃ་ཞེས་པ་ནི་གང་གིས་ཀྱང་རྒྱུད་དཀྲུགས་མི་ནུས་ཤིང༌། མི་གཡོ་བའི་རྒྱལ་བ་མི་བསྐྱོད་པའི་ས་བོན་གྱི་ཡིག་འབྲུ་ཡིན། དེས་ན་ཨོཾ་མ་ཎི་པདྨེ་ཧཱུྃ་ཞེས་པའི་ཡིག་འབྲུ་དྲུག་པོས་ཐབས་ཤེས་དབྱེར་མེད་ཀྱི་ཟུང་འབྲེལ་གྱི་ལམ་གྱི་ཉམས་ལེན་ལ་བརྟེན་ནས་རང་ཉིད་ཀྱི་མ་དག་པའི་ལུས་ངག་ཡིད་གསུམ་སངས་རྒྱས་ཀྱི་དག་པའི་སྐུ་གསུང་ཐུགས་ཀྱི་ངོ་བོར་བསྒྱུར་ཐུབ་པ་བསྟན་གྱི་ཡོད། སངས་རྒྱས་ཀྱི་གོ་འཕང་དེ་རང་གིས་ཕྱི་ནས་བཙལ་མི་དགོས་པར། དེ་ཐོབ་པའི་རྒྱུའམ། ནུས་པ་ནི་རང་གི་རྒྱུད་ལ་ཡོད་པར་གསུངས། རྗེ་བཙུན་བྱམས་མགོན་གྱིས་ཐེག་པ་ཆེན་པོའི་རྒྱུད་བླ་མའི་ནང་ལ་སེམས་ཅན་ཐམས་ཅད་ཀྱི་རྒྱུད་ལ་རང་ཆས་སུ་སངས་རྒྱས་ཀྱི་རིགས་ཡོད་པར་གསུངས་ཡོད་པས་སངས་རྒྱས་ཀྱི་ངོ་བོ་ཡོངས་སུ་རྫོགས་པ་འགྲུབ་རྒྱུའི་དག་པའི་ས་བོན་དེ་བཞིན་གཤེགས་པའི་སྙིང་པོ་དེ་ང་རང་ཚོ་སོ་སོའི་རྒྱུད་ལ་ཡོད།། །། ནེའུ་ཇར་སི་ནང་དུ་ཡོད་པའི་ཁལ་མུག་གི་སོག་པོའི་ནང་པའི་ཆོས་ཚོགས་ལ་བསྩལ་བའི་བཀའ་སློབ་ནས་བཏུས།  
 
༄༅།། རྒྱལ་ཀུན་ཐུགས་རྗེའི་ཕུང་པོ་འཕགས་པ་སྤྱན་རས་གཟིགས་ཀྱི་
གཟུངས་སྔགས་ཡི་གེ་དྲུག་པའི་ཕན་ཡོན་དང་ཆོས་ཀྱི་ཆེ་བ་
མདོ་ཙམ་བཀོད་པ་ལྷ་ཡི་རྔ་དབྱངས་
ཞེས་བྱ་བ་བཞུགས་སོ།
ཨོཾ་སྭ་སྟི།  སྟོན་མཆོག་སྟོན་པ་བླ་ན་མེད། ལྷ་ཡི་ལྷ་ལ་གུས་བཏུད་ནས། བློ་ལྡན་བློ་དང་འཚམས་པའི་གཏམ། མདོ་ཙམ་མདོ་རྒྱུད་དོན་བཞིན་གླེང་། དེ་ཡང་རྣམ་གྲོལ་དོན་དུ་གཉེར་བའི་སྐྱེ་བོ་ལེགས་ཉེས་འབྱེད་པའི་བློ་གྲོས་ཀྱི་མིག་དང་ལྡན་ཞིང་། ཡང་དག་པར་རྫོགས་པའི་སངས་རྒྱས་ཚད་མའི་སྐྱེས་བུ་དང་། དེའི་བསྟན་པ་སྐྱོན་མེད་དུ་ཡིད་ཆེས་ཀྱི་དད་པའི་ནོར་གྱིས་ཕྱུག་པ་རྣམས་ལ་ཆོས་ཀྱི་གཏམ་ཅུང་ཟད་བསྙད་པ་ལ། དེ་ཡང་ཇི་སྐད་དུ། རྒྱལ་སྲས་ཆེན་པོ་ཞི་བ་ལྷས། གང་ཚེ་དགེ་སྤྱད་སྐལ་ལྡན་ཡང་།དགེ་བ་བདག་གིས་མ་བྱས་ན། ངན་སོང་སྡུག་བསྔལ་ཀུན་རྨོངས་པ། དེ་ཚེ་བདག་གིས་ཅི་བྱར་ཡོད། ཅེས་གསུངས་པ་ལྟར། དེང་གི་དུས་སུ་རང་ཅག་རྣམས་དལ་འབྱོར་གྱི་ལུས་རྟེན་བཟང་པོ་ནི་ཐོབ། དྲི་མ་མེད་པའི་རྒྱལ་བའི་བསྟན་པ་དང་ནི་མཇལ། མཚན་ཉིད་དང་ལྡན་པའི་དགེ་བའི་བཤེས་གཉེན་གྱིས་ནི་རྗེས་སུ་བཟུང་། རང་གི་ངོས་ནས་ཀྱང་བླང་དོར་གྱི་གནད་ཅུང་ཟད་ཤེས་པ་སོགས་འདི་ཕྱིའི་དོན་ཆེན་གང་སྒྲུབ་ཀྱང་སྒྲུབ་ནུས་པའི་མཐུན་རྐྱེན་མ་ཚང་བ་མེད་པའི་དུས་འདིར། ཚེ་འདི་ཁོ་ནས་བདེ་བ་བསྒྲུབ་པ་དང་། སྡུག་བསྔལ་སེལ་བའི་ཐབས་ཙམ་ལ་སྙིང་བོར་རློམས་ནས། ཕྱི་མ་ཕན་ཆད་དུ་སྨན་པའི་དོན་ཞིག་མ་བསྒྲུབ་ན། སླར་ལུས་རྟེན་བཟང་པོ་འདི་དོར་ནས་ངན་སོང་མུ་མཐའ་མེད་པའི་གནས་སུ་འཁྱམས་ཏེ། དྲག་ཅིང་རྩུབ་ལ་བཟོད་པར་དཀའ་བའི་སྡུག་བསྔལ་གྱི་ཚོར་བ་ཡུན་རིང་པོར་རང་ཐོག་ཏུ་མྱོང་ནས། མགོན་མེད་སྐྱབས་མེད་ཅི་བྱ་བརྟོལ་མེད་དུ་གྱུར་ཏེ། མྱ་ངན་མི་བཟད་པས་དུས་འདའ་དགོས་པ་ཞིག་འབྱུང་བར་ངེས་པས། ད་རེས་ཕྱི་མ་ཕན་ཆད་དུ་བདེ་བའི་ཐབས་ཤིག་བྱ་དགོས། ཇི་ལྟར་བྱ་ཚུལ་ཡང་ཇི་སྐད་དུ། དཔལ་མགོན་འཕགས་པ་ཀླུ་སྒྲུབ་ཞབས་ཀྱིས། མི་དགེ་བ་ལས་སྡུག་བསྔལ་ཀུན། དེ་བཞིན་ངན་འགྲོ་ཐམས་ཅད་དོ། དགེ་ལས་བདེ་འགྲོ་ཐམས་ཅད་དང་། སྐྱེ་བ་ཀུན་ཏུ་བདེ་བ་དག ། ཅེས་གསུངས་པ་ལྟར་སྡིག་སྤོང་དགེ་སྒྲུབ་ཀྱི་བླང་དོར་བྱེད་པ་ཁོ་ན་ལས་གཞན་མེད་ཅིང་། དེ་ལས་ལྡོག་ཏེ་ལས་འབྲས་ཁྱད་དུ་བསད་ན། རིག་པའི་གནས་ལྔ་ལ་མཁས་པ་དང་། རྫུ་འཕྲུལ་དང་།  མངོན་ཤེས་སོགས་ཐུན་མོང་གི་ཡོན་ཏན་ཇི་འདྲ་བ་ཞིག་ཐོབ་ཀྱང་ངན་འགྲོར་སྐྱེ་བ་ལས་མ་འདས་པ། བདག་ཅག་གི་སྟོན་པ་ཐུགས་རྗེ་ཅན་གྱིས། ལས་ངེས་པའི་ཚུལ་དང་། ལས་འཕེལ་ཆེ་བ། ལས་མ་བྱས་པ་དང་མི་འཕྲད་པ། ལས་བྱས་པ་ཆུད་མི་ཟ་བ་སྟེ་ཚུལ་བཞིའི་སྒོ་ནས་ལས་འབྲས་ཀྱི་བླང་དོར་རྒྱ་ཆེར་བཀའ་བསྩལ་བ་ལྟར། རྒྱལ་བའི་གསུང་རབ་ཁོ་ན་ལ་ཚད་མར་བཟུང་ནས་ཡིད་ཆེས་བསྐྱེད་དེ། དགེ་སྡིག་གི་སྤང་བླང་ཚུལ་བཞིན་དུ་བྱེད་པ་སོགས་དམ་པའི་ཆོས་ཀྱི་ཉམས་ལེན་ལ་འབུངས་དགོས། དམ་ཆོས་ཚུལ་བཞིན་ཉམས་སུ་བླངས་ན་གནས་སྐབས་དང་མཐར་ཐུག་གི་དོན་ཆེན་འགྲུབ་པ་སྨོས་ཅི། དམ་པའི་ཆོས་ཀྱི་སྒྲ་རྣ་ལམ་དུ་ཐོས་པ་ཙམ་གྱིས་ཀྱང་བག་ཆགས་ཁྱད་པར་ཅན་འཇོག་པ་ནི། སྔོན་གྱི་དུས་སུ་ངང་པ་ལྔ་བརྒྱས་སངས་རྒྱས་ཀྱིས་ཆོས་ཀྱིས་གསུངས་པ་ཐོས་ནས་ལྷར་སྐྱེས་ཏེ་བདེན་པ་མཐོང་ཚུལ་དང་། སློབ་དཔོན་བློ་བརྟན་གྱི་བྱུང་བ་སོགས་ཀྱིས་ཤེས་པར་ནུས་པས་རང་གིས་རང་ལ་སྙིང་བརྩེ་ན་ཆོས་ཀྱི་ཉམས་ལེན་གཤའ་མ་ཞིག་ངེས་པར་བྱ་དགོས། དེ་ཡང་གདུལ་བྱའི་དབང་པོའི་རིམ་པ་དང་འཚམས་པར་ཐེག་པ་ཆེ་ཆུང་དང་། རྒྱུད་སྡེ་བཞི་ལ་སོགས་པ་ནས་ཉམས་ལེན་གྱི་གནད་ཟབ་ཅིང་རྒྱ་ཆེ་བ་མཐའ་ཡས་པར་གསུངས་པ་ཐམས་ཅན་རང་ཅག་བརྩོན་འགྲུས་དང་། ཤེས་རབ་ཀྱི་མཐུ་དམན་པ་རྣམས་ཀྱིས་ཇི་བཞིན་ཉམས་སུ་ལེན་མ་ནུས་ཀྱང་། དེ་དག་གི་སྐབས་ནས་གསུངས་པའི་དོན་གྱི་གནད་བསྡུས་པའི་སྙིང་པོའི་ཆོས་ཤིག་བྱ་དགོས། དེ་ལ་འཕགས་པ་སྤྱན་རས་གཟིགས་ནི། དྲང་དོན་དུ་        ས་བཅུའི་རྒྱལ་སྲས་གཞོན་ནུའི་ཚུལ་བཟུང་བ་ཙམ་ལས། ངེས་པ་དོན་དུ་ནི་རྒྱལ་བ་ཀུན་གྱི་རྗེས་ཆགས་ཐུགས་རྗེའི་རང་གཟུགས་སུ་ཡོངས་སུ་གྲགས་པ་ལྟར་ལ། ལྷག་པར་རང་ཅག་སྙིགས་དུས་ཀྱི་འགྲོ་བ་རྣམས་སྒྲོལ་བ་ལ་སྙིང་སྟོབས་དང་།  ཐུགས་རྗེའི་འཇུག་པ་སྲས་བཅས་རྒྱལ་བ་གཞན་རྣམས་ལས་ཆེས་ཆེར་ལྷག་པས། འདི་ཉིད་ཡི་དམ་གྱི་ལྷར་བསྟེན་ན་བདག་པས་བཞན་གཅེས་ཀྱི་བྱང་ཆུབ་ཀྱི་སེམས་རིན་པོ་ཆེ་མྱུར་དུ་སྐྱེ་བ་སོགས་བྱིན་རླབས་ཀྱི་ཚན་ཁ་གཞན་ལས་ཆེ་བ་མ་ཟད། ཕྱོགས་བཅུའི་སངས་རྒྱས་ཐམས་ཅད་ཡིད་ཀྱི་ཡུལ་དུ་བྱས་ཏེ་ལོ་བརྒྱ་ཕྲག་གི་བར་དུ་ཕར་ཕྱིན་དྲུག་ལ་སློབ་པའི་བསོད་ནམས་ལས་འཕགས་པའི་སྐུ་ལན་གཅིག་ཙམ་ཡིད་ལ་བྱས་པ་བསོད་ནམས་ཤིན་ཏུ་ཆེ་བ་དང་། སངས་རྒྱས་བྱེ་བ་ཕྲག་བཅུ་གཅིག་གིས་མངོན་པར་བསྔགས་པའི་གཟུངས་སྔགས་དང་སྙིང་པོ་ཡི་གེ་དྲུག་པ་འདི་ཉིད་ལན་གཅིག་ཙམ་འཛིན་པས་ཀྱང་བསྐལ་བ་བཞི་ཁྲིའི་འཁོར་བ་བསྙིལ་བར་གསུངས་ཤིང་། གཞན་ཡང་མཚན་རབས་ཡོངས་སུ་བསྟན་པའི་མདོ་ལས། འཕགས་པ་སྤྱན་རས་གཟིགས་དབང་ཕྱུག་གི་མཚན་ཐོས་པ་ཙམ་གྱིས་ཚེ་འདིའི་ཉེས་པ་ལས་སྐྱོབ། ཕྱི་མ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། ཞེས་དང་། པདྨ་ཅོད་པན་གྱི་རྒྱུད་ལས། ང་ཡིད་ལ་བྱས་ནས། ཨོཾ་མ་ཎི་པདྨེ་ཧཱུཾ་ཞེས་པའི་རིགས་སྔགས་འདི་བཟླས་པའི་རིགས་ཀྱི་བུའམ་རིགས་ཀྱི་བུ་མོ་གང་ཡིན་པ་དེས། ལན་གཅིག་བཟླས་བརྗོད་བྱེད་དམ། ཡིད་ལ་བྱས་ནས་ལུས་ལ་བཅངས་ན། མཚམས་མེད་པ་ལྔ་དང་། དེ་དང་ཉེ་བ་ལྔ་དང་། སྡིག་པ་ཐམས་ཅད་བྱང་ནས། སེམས་ཅན་དམྱལ་བ་དང་། ཡི་དྭགས་དང་། དུད་འགྲོའི་སྐྱེ་གནས་དང། མི་ཁོམ་པའི་གནས་བརྒྱད་སྤངས་ཤིང་ལུས་ངག་ཡིད་གསུམ་སྡུག་བསྔལ་བར་མི་འགྱུར་རོ། གཅན་གཟན་དང་། སྲིན་པོ་དང་། མི་དང་མི་མ་ཡིན་པ་ཐམས་ཅད་དང་ནད་ཐམས་ཅད་དང་། འཇིགས་པ་ཐམས་ཅན་ལས་ཐར་བར་འགྱུར་རོ། ཆོས་ཀྱི་སྐུའི་དོན་རྟོགས་ནས་གཟུགས་ཀྱི་སྐུ་ཐུགས་རྗེ་ཆེན་པོའི་ཞལ་མཐོང་བར་འགྱུར་རོ། ཞེས་དང་། ཟ་མ་ཏོག་བཀོད་པའི་མདོ་ལས་ཀྱང་། ཡི་གེ་དྲུག་པ་འདི་ལག་གིས་རེག་པ་དང་། ལྟ་བར་བྱེད་པ་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དག་གིས་མཐོང་བ་ཙམ་གྱིས་སྲིད་པ་ཐ་མའི་བྱང་ཆུབ་སེམས་དཔར་འགྱུར་རོ། ཞེས་འཕགས་པའི་སྐུ་ལན་གཅིག་ཙམ་སྒོམ་པ་དང་།མཚན་ལན་གཅིག་ཙམ་ཐོས་པ་དང་། ཡི་གེ་དྲུག་པ་ལན་གཅིག་ཙམ་འཛིན་པ་དང་། ཡིག་འབྲུ་བྲིས་པ་མིག་གིས་མཐོང་བ་དང་། ལག་གིས་རེག་པ་ཙམ་ལ་ཡང་གཟའ་དང་། གཤིན་རྗེ་གཅན་གཟན་མ་རུངས་པ། ནད་ལ་སོགས་པ་མི་དང་མི་མ་ཡིན་གྱི་འཚེ་བའི་འཇིགས་པ་ཐམས་ཅད་ལས་སྐྱོབ་ཅིང་། ཚེ་དཔལ་འབྱོར་བ་མཐུ་སྟོབས་ལ་སོགས་པའི་ཚེ་འདིའི་འདོད་དོན་རྣམས་ཡིད་བཞིན་ཏུ་འགྲུབ་པ་དང་། མཚམས་མེད་པ་ལྔ་ལ་སོགས་པའི་སྔོན་བསགས་ཀྱི་སྡིག་པའི་ལས་ཤིན་ཏུ་ལྕི་བ་རྣམས་ཀྱང་བྱང་ནས། བདེ་འགྲོའི་རྟེན་བཟང་བརྒྱུད་མར་ཐོབ་སྟེ། འཕགས་པའི་ཞལ་མཐོང་བ་ལ་སོགས་པའི་ཕན་ཡོན་མཐའ་ཡས་བ་འབྱུང་བར་གསུངས་ན། ལྷག་པའི་ལྷ་འདི་ཉིད་ཀྱི་རྣལ་འབྱོར་རྒྱུད་དོན་དང་མཐུན་པར་ཚུལ་བཞིན་ཉམས་སུ་བླངས་ཤིང་བཟླས་བརྗོད་ལ་བརྩོན་ན་དེ་ལས་ཆེས་ལྷག་པའི་ཕན་ཡོན་ཐོབ་པ་ལྟ་ཅི་སྨོས།  གཞན་ཡང་། ཡིག་དྲུག་གི་དོན་ཞིབ་པར་བཀྲལ་ན། ཐུན་མོང་བའི་ལམ་གྱི་གཙོ་བོ་རྣམ་གསུམ་དང་། ཐུན་མོང་མ་ཡིན་པ་རྒྱུད་སྡེ་འོག་མའི་ལམ་མཚན་བཅས་མཚན་མེད་བླ་མེད་ཀྱི་ལམ་བདེ་སྟོང་གཉིས་མེད་ཀྱི་ཡེ་ཤེས་དང་། སྒྱུ་ལུས་འོད་གསལ་ཟུང་འཇུག་སོགས་མདོར་ན་ཆོས་ཕུང་བརྒྱད་ཁྲི་བཞི་སྟོང་གི་བརྗོད་བྱའི་གནད་ཐམས་ཅད་འདིར་འདུ་བས་ན། འདི་ཉིད་ཀྱི་ཉམས་ལེན་ལ་ཚུལ་དང་མཐུན་པར་གཞོལ་ཞིང་། བཟླས་བརྗོད་ལ་བརྩོན་ན། ཆོས་ཕུང་བརྒྱད་ཁྲི་བཞི་སྟོང་གི་དོན་བསམ་ཞིང་སྒོམ་པའི་ཕན་ཡོན་ཐོབ་ཅིང་། ཕྱི་མར་ཡང་འཕགས་མཆོག་ཉིད་ཀྱིས་དངོས་ཀྱི་དགེ་བའི་བཤེས་གཉེན་མཛད་དེ། གསུང་གི་བདུད་རྩིར་ལོངས་སུ་སྤྱོད་པའི་སྐལ་བཟང་མངོན་དུ་གྱུར་ནས་ཐར་བ་དང་། ཐབས་ཅད་མཁྱེན་པའི་དཔལ་ཆེན་པོར་ཡང་རིང་བོར་མི་ཐོག་པར་རེག་པར་འགྱུར་བ་གདོན་མི་ཟ་བས་ལམ་བཟང་འདི་ཉིད་ལ་བསྟེན་ནས་དལ་བའི་རྟེན་ལ་སྙིང་བོ་ལེན་པར་བྱའོ།།  སླར་སྨྲས་པ། དེ་ལྟར་ལྷག་བསམ་དབྱུ་གུ་ཡིས། བསྐུལ་བའི་ལེགས་བཤད་གསེར་གྱི་རྔ། སྙན་དགུར་འཁྲོལ་བས་ཡིད་ཅན་ཀུན། ཀུན་རྨོངས་གཉིད་ལས་ལྡང་གྱུར་ཅིག ། ཅེས་རྒྱལ་ཀུན་ཐུགས་རྗེའི་ཕུང་བོ་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་ཡི་གེ་དྲུག་པའི་ཕན་ཡོན་དང་། ཆོས་ཀྱི་ཆེ་བ་བཅས་ཚིག་ཉུང་དོན་ཚང་གོ་བདེར་འཁོད་པ་འདི་ལྟ་བུ་ཞིག་དགོས་ཞེས་རྩེ་མཁན་གྲོན་ཆེ་བ་ཕ་ལྷ་བ་ཐུབ་བསྟན་འོད་ལྡན་ནས་རྟེན་བཅས་ཇི་ལྟར་བསྐུལ་བ་ལྟར། པད་དཀར་འཆང་བའི་སྐྱེ་མིང་པ། ཤཱཀྱའི་དགེ་སྦྱོང་ངག་དབང་བློ་བཟང་བསྟན་འཛིན་རྒྱ་མཚོ་སྲིད་གསུམ་དབང་བསྒྱུར་མཚུངས་པ་མེད་པའི་སྡེར་འབོད་པས་པེ་ཅིང་རྒྱལ་ས་ཆེན་པོའི་ཡུས་ཧའོ་ཇོའི་བསྟི་གནས་སུ་ལྷག་བསམ་དགེ་བས་སྦྱར་བ་དགེ་ལེགས་འཕེལ།  ལྷ་གཅིག་རྒྱལ་བ་ཀུན་འདུས་སྤྱན་རས་གཟིགས།  ། སྔགས་གཅིག་སྙིང་པོ་ཀུན་འདུས་ཡི་གེ་དྲུག   ། ཆོས་གཅིག་བསྐྱེད་རྫོགས་ཀུན་འདུས་བྱང་ཆུབ་སེམས།  ། གཅིག་ཤེས་ཀུན་གྲོལ་ངང་ནས་ཡིག་དྲུག་སྒྲོངས།
·རྩོམ་ཡིག་གོང་མ:འཕགས་པ་སྤྱན་རས་གཟིཊ་ལ་བསྟོད་ཅིང་ཐུཊ་རྗེ་བསྐུལ་བ།
·རྩོམ་ཡིག་འོག་མ:ངེས་དོན་གྱི་སྐྱེས་བུ་དམ་པ་མཁན་པོ་ཚུལ་ཁྲིམས་བློ་གྲོས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 13:30:10 [来自: 112.5.236.197]

 评论者:4YmF7xGG
http://www.2345daohang.com/mail.htm
http://www.505dh.com/mail.htm
http://www.3721.cc/youxiang/
http://www.365dhw.com/dianzi-youxiang.html
http://www.726c.com/html/mail.htm
发表时间:2015/12/6 9:53:44 [来自: 111.144.227.221]

 评论者:7SijLE0v
http://www.3145.com/list/18youxiang.htm
http://www.3456.cc/Dianzi_Youxiang/index.html
http://www.3456.cm/mail.htm
http://www.6296.com.cn/s/res.html
http://www.3721.cc/youxiang/
发表时间:2015/12/2 6:09:27 [来自: 111.144.226.138]

འབྲེལ་ཡོད་དཔྱད་བརྗོད 44 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།57.62MS