ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལྗོངས་རྒྱུ།
 རྩོམ་ཡིག་ཀློག་པ།

ཡུལ་སྐོར་སྣེ་ཤན་འཛིན་གྲྭ་ཞིག་ལ་ལབ་པའི་གཏམ།

  རྩོམ་པ་པོ:དཔལ་ལྡན་ལེགས་བཤད།ཡོང་ཁུངས:ངེད་དྲ་བ།གཟིགས་གྲངས:8081ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/8/16 21:04:42ཚོགས་ཡར་སྤྲོད:admin
༄༅། ། ཡུལ་སྐོར་སྣེ་ཤན་འཛིན་གྲྭ་ཞིག་ལ་ལབ་པའི་གཏམ། །
 
དགེན་དཔལ་ལྡན་ལེགས་བཤད།
 
   ད་ཐེངས་ཨ་རིའི་ཝིན་རོགས་རྒྱལ་སྤྱིའི་འཕེལ་རྒྱས་ལྟེ་གནས་དང་སི་ཁྲོན་ཞིང་ཆེན་བོད་ཡིག་སློབ་གྲྭའི་བོད་ཀྱི་སྲོལ་རྒྱུན་རིག་གནས་སྲུང་སྐྱོབ་མཐུན་ཚོགས་གཉིས་ཀྱིས་ཡུལ་སྐོར་སྣེ་ཤན་པ་སྦྱོང་བརྡར་འཛིན་གྲྭ་ཞིག་མཉམ་དུ་སྒྲུབ་པ་རེད།
 འདིར་སློབ་ཁྲིད་བྱེད་རྒྱུའི་སྐལ་པ་ཐོབ་པས་ང་རང་བསམ་པ་ཤིན་ཏུ་དགའ་པོ་བྱུང༌། དེའི་རྒྱུ་མཚན་གང་རེད་ཟེར་ན། བོད་ཡུལ་ནི་རི་མཐོ་ས་གཙང་གངས་རི་མགུལ་གྱི་རྒྱན། །ཞེས་བསྔགས་པ་ལྟར་ཁོར་ཡུག་གི་སྤུས་ཀ་ལེགས་ལ་འབྱུང་བ་ཤིན་ཏུ་ཆ་མཉམ་པའི་ཚོད་དུ་གནས་ཡོད་པའི་མི་ཡུལ་གྱི་ཞིང་ཁམས་ཤིག་ཡིན་པས་ཐོན་ཁུངས་འདི་ལ་བརྟེན་ནས་བོད་ཀྱི་ཡུལ་མིའི་འཚོ་བ་ཇེ་མཐོར་གཏོང་བདང༌། ཡུལ་སྐོར་བ་ལ་བརྟེན་ནས་བོད་ཡུལ་གྱི་ས་གནས་བྱེ་བྲག་པ་རྣམས་ཕྱི་ཕྱོགས་སུ་ངོ་སྤྲོད་གང་ལེགས་བྱེད་པ་དང༌། ཡུལ་མི་རྣམས་ལ་རང་ཚུགས་ཐུབ་པའི་འཚོ་བའི་འདུ་ཤེས་གསར་པ་ཞིག་ཆགས་པར་བྱེད་རྒྱུ་དང༌། རང་ཡུལ་ལ་ཐུན་མོང་མ་ཡིན་པའི་དུང་ཞེན་ཞིག་སྐྱེ་ཐུབ་ཀྱི་རེད། དེ་འདྲའི་བྱ་བ་དེ་ལེགས་འགྲུབ་ཡོང་བ་ལ་མེད་དུ་མི་རུང་བ་ནི་ས་གནས་སོ་སོ་ལ་རྒྱུས་མངའ་ཆེ་་ལ་བྱང་ཚད་མི་དམན་པའི་ས་གནས་རང་གི་ཡུལ་སྐོར་སྣེ་ཤན་པ་འབོར་ཆེན་གསོ་སྐྱོང་བྱེད་རྒྱུ་དེ་རེད་འདུག
 གཤམ་དུ་རང་ཉིད་ཀྱིས་ཐུན་མོང་གི་སྐྱེ་བོའི་ཚོགས་ལ་དམིགས་ཏེ་ནང་བསྟན་དགོན་པ་དང་འབྲེལ་བའི་ཤེས་བྱ་འགའ་བཤད་ན་འདི་ལྟ་སྟེ།
ཀ  སྤྱིར་བཤད།
 ༡ བོད་བརྒྱུད་ནང་བསྟན་་་་་་་་་་ཐོག་མར་རྒྱ་གར་ཡུལ་དུ་སྟོན་པ་ཤཱཀྱ་ཐུབ་པས་སྲོལ་བཏོད། དེ་ནས་རིམ་གྱིས་བོད་ཡུལ་དུ་དར་བའི་དཀོན་མཆོག་གསུམ་ལ་སྐྱབས་སུ་འགྲོ་བའི་ཆོས་ལུགས་ཤིག་ལ་གོ དེ་ལ་ནང་གསེས་སུ་ས་དགེ་བཀའ་རྙིང་བཞི་རུ་གྲུབ་མཐའ་དབྱེ་རྒྱུ་ཡོད། ཀུན་ཀྱང་ཆུ་འགོ་གངས་ལ་ཐུག་པ་ནང་བཞིན་གྲོལ་ཕུགས་ནི་གཅིག་པ་ཡིན།
 ༢ དགོན་པ་་་་་་་་གྲོང་ལས་རྒྱང་གྲགས་གཅིག་(གཞུ་འདོམ་ལྔ་བརྒྱའི་ཚད་ལ་ཟེར)གིས་ཆོད་པའི་དབེན་གནས་སམ་དགེ་འདུན་གནས་ས་ལ་ཟེར་ཏེ། དེའི་མིང་གི་རྣམ་གྲངས་ལ། ཀློག་གྲྭའི་གནས་དང༌། མཁས་གནས། ཆོས་ཀྱི་གྲོང་རྡལ། ཆོས་ཀྱི་འདུན་ས། བདུད་རྩིའི་ཁང༌། དབེན་པའི་གནས། ཞི་བའི་གྲོང༌། བསམ་གཏན་ཁང་བཅས་ཡོད། ང་ཚོས་མིང་དེ་དག་ལས་དགོན་པ་ཞེས་པ་དེའི་ངོ་བོ་དང་བྱེད་ལས། ནུས་པ། དགོས་ཆེད། དམིགས་ཡུལ་སོགས་ཀྱང་གོ་ནུས་པ་ཡིན།
 ༣ ཕུན་སུམ་ཚོགས་པ་ལྔ།
  ཀི  སྟོན་པ་ཕུན་སུམ་ཚོགས་པ་་་་་་་་་་་་ཡོན་ཏན་གྱི་ཁུར་གྱིས་རབ་ཏུ་ལྕི་བའི་བླ་མ་(མཁན་པོ་དང་སྤྲུལ་སྐུ། དགེ་བཤེས)རྣམས།
 ཁི  འཁོར་ཕུན་སུམ་ཚོགས་པ་་་་་་་་་འཁོར་བཞི་(དགེ་སློང་ཕ་མ་གཉིས་དང་དགེ་བསྙེན་ཕ་མ་གཉིས་)པོ་རྣམས།
 གི  དུས་ཕུན་སུམ་ཚོགས་པ་་་་་་་་་་་དགོན་པ་དེའི་བསྟན་པ་གནས་པའི་དུས་དེ་སྲིད་དུའོ། །
 ངི  ཆོས་ཕུན་སུམ་ཚོགས་པ་་་་་་་་ཐེག་པ་རིམ་པ་གསུམ།
 ཅི  གནས་ཕུན་སུམ་ཚོགས་པ་་་་་་་མཚན་ཉིད་ལྡན་པའི་དགོན་པ།
ཁ རྟེན་དང་བརྟེན་པ།
   སྡེ་ཁག         ལས་སྣེ་བ་གཙོ་བོ།
༡ གཙུག་ལག་ཁང༌།    དབུ་ཆོས་རྣམ་པ། (མཁན་པོ་དང་དབུ་མཛད་དགེ་སྐོས )
༢ ཕྱག་ཁང༌།       དཔོན་དང་ཕྱག་མཛོད་གཉེར་པ།
༣ མགོན་ཁང་(སྲུང་མ་ཁང་)།  མགོན་བླ།
༤ བླ་བྲང༌།         བླ་སྤྲུལ་དང་ཕྱག་མཛོད། 
༥ རུང་ཁང༌།
༦ ཤག 
༧ བཤད་གྲྭ           མཁན་པོ།
༨ སྒྲུབ་གྲྭ            སྒྲུབ་དཔོན།
༩ དགོན་པ་བདག་གཉེར་ཨུ་ཡོན་ལྷན་ཁང༌།
༡༠ རྟེན་གསུམ།་་་་་་་སྐུའི་རྟེན་དང༌། གསུང་གི་རྟེན། ཐུགས་ཀྱི་རྟེན།
 
ག  ནང་བསྟན་རིག་གནས།
༡ དགོན་པའི་དུས་ཆེན།
 ཀི  ཆོ་འཕྲུལ་དུས་ཆེན།        བོད་ཟླ༡ ཚེས༡ ནས༡༥ བར།
 ཁི  ཆོས་འཁོར་དུས་ཆེན།       བོད་ཟླ༦ ཚེས༤
 གི  ལྷ་བབས་དུས་ཆེན།        བོད་ཟླ༩ ཚེས༢༢
 ངི  ཚེས་བཅུ་ཆེན་མོ།   སྤྲེལ་ཟླའི་ཚེས་བཅུ་་་་་བོད་ཟླ༥ ཡང་ན ༦ པའི་ནང༌།
 ཅི  དགུ་གཏོར།     བོད་ཟླ ༩ ༡༠ ༡༡ ༡༢ གང་རུང་གི་མཇུག
 ཆི  དབྱར་གནས།
 ཇི  དུང་སྒྲུབ།
 ཉི  ཁྲི་སྟོན་(ཡང་སྲིད་དང་མཁན་གསར། དགེ་བཤེས)
༢ དབང་ལུང་ཁྲིད་གསུམ།
 ཀི  དབང་་་་་་་ཁྲོམ་དབང་དང་ནང་དབང༌།    སྨིན་བྱེད་ཀྱི་དབང༌།
 ཁི  ལུང་་་་་་ཚིག་གི་བརྒྱུད་པ།         རྒྱབ་བརྟེན་གྱི་ལུང༌།
 གི  ཁྲིད་་་་་་དོན་གནད་འགྲོལ་བ།       གྲོལ་བྱེད་ཀྱི་ཁྲིད།
༣ སྡོམ་པ་དང་དམ་ཚིག
 ཀི  སྡོམ་པ་་་་་་་་སོ་ཐར་གྱི་སྡོམ་པ་དང༌། བྱང་སེམས་ཀྱི་སྡོམ་པ། རིག་འཛིན་སྔགས་ཀྱི་སྡོམ་པ་གསུམ།
 ཁི  དམ་ཚིག་་་་་་རྩ་བ་དང་ཡན་ལག་གི་དབྱེ་བ་ཡོད།
༤ འཛེམ་བྱ།
 ཀི  ཕྲེང་བ་ལག་གཡས་པས་མི་འདྲེན་པ།
 ཁི  བཙན་ཁང་དུ་བུད་མེད་མི་འགྲོ་བ།
 གི  བཞུགས་གདན་དུ་སྐྱ་བོ་མི་སྡོད་པ།
 ངི  མཚམས་ཁང་ཕྱོགས་སུ་འུར་ཟིང་མི་སློང་བ་དང་མཚམས་ཐོ་བརྒལ་མི་ཆོག་པ།
 ཅི  སྐྱེས་པའམ་བུད་མེད་ཀྱིས་རབ་བྱུང་(ཇོ་མོ་དང་གྲྭ་པ)གི་སྐུ་ལ་མི་རེག་པ།  
 ཆི  འདུ་ཁང་སོགས་སུ་ཧ་རྒོད་མི་བྱེད་པ།
 ཇི  རྟེན་གསུམ་ལ་ལག་པས་རེག་རྒྱུ་མེད་པ། (དམིགས་བསལ་ཡང་ཡོད)
 ཉི  མཆོད་མེ་སོགས་ལ་ཁ་རླངས་ཕོག་ཏུ་མི་འཇུག་པ།
 ཏི དགེ་འདུན་པའམ་རྟེན་གསུམ་སྟོན་ཆེད་དུ་མཛུབ་མོས་བརྡ་མི་བྱེད་པ།
 ཐི  བནྡེའི་དགོན་པར་འཁོར་ལོ་གཡོན་སྐོར་མི་བྱེད་པ།
 དི  གླིང་ནང་དུ་བཤང་གཅི་དང་མཆིལ་སྣབས། གད་སྙིགས་རྣམས་འདོར་མི་རུང་བ།
 ནི  དགེ་འདུན་པ་ལ་ངན་མིང་འདོགས་མི་རུང་བ།
 པི  རབ་བྱུང་དང་མཉམ་དུ་གྲོང་ཆོས་ལབ་རྒྱུ་མེད་པ།
 ཕི  རྣལ་འབྱོར་པའི་ཕྱག་ཕྲེང་ལ་ལག་རྩེད་བྱེད་རྒྱུ་མེད་པ།
 བི  ཕྱག་འཚལ་བའི་གྲལ་འགོར་ལངས་མི་རུང་བ།
 མི  རབ་བྱུང་གི་ན་བཟའ་ལ་ཁྱིམ་པས་རེག་རྒྱུ་མེད་པ།
 ཙི  འདུ་ཁང་སོགས་སུ་ཞུགས་ཚེ་ཞྭ་ལྷམ་སྐོན་མི་ཆོག་པ།
 ཚི  སྒོག་པ་ཟོས་ཏེ་ལྷ་ཁང་དུ་ཞུགས་རྒྱུ་མེད་པ།
 ཛི  དུ་ཆང་ལ་ལོངས་སྤྱོད་བཞིན་དུ་དགོན་པར་འགྲོ་མི་ཆོག་པ།
 ཝི  ཆོག་མཆན་མ་ཐོབ་པར་དགོན་པའི་ནང་དུ་པར་གང་བྱུང་དུ་ལེན་རྒྱུ་མེད་པ།
 
༥ ཚད་མེད་བཞི།
 ཀི  བྱམས་པ་ཚད་མེད་་་་་་་་་་་་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དགེ་བ་དང་ལྡན་འདོད་ཀྱི་སེམས།
 ཁི  སྙིང་རྗེ་ཚད་མེད་་་་་་་་་སེམས་ཅན་ཐམས་ཅད་སྡུག་བསྔལ་དང་སྡུག་བསྔལ་གྱི་རྒྱུ་སྡིག་པ་དང་བྲལ་འདོད་ཀྱི་སེམས།
 གི  དགའ་བ་ཚད་མེད་་་་་་་་་སེམས་ཅན་ཐམས་ཅད་སྡུག་བསྔལ་མེད་པའི་བདེ་བ་དང་མི་འབྲལ་བར་འདོད་པའི་སེམས།
 ངི  བཏང་སྙོམས་ཚད་མེད་་་་་་་སེམས་ཅན་ཐམས་ཅད་ཉེ་རིང་ཆགས་སྡང་མེད་པར་སྙོམས་པར་གནས་འདོད་ཀྱི་སེམས།
༦ གོས་སྐུ་ཆེན་མོ།
 ཀི  སྟོན་པ་གཙོ་འཁོར་གྱི་སྐུ།
 ཁི  རྒྱལ་བ་བྱམས་པའི་སྐུ།
 གི  ཨོ་རྒྱན་པདྨ་འབྱུང་གནས་གཙོ་འཁོར།
 ངི  རྗེ་ཡབ་སྲས་གསུམ་གྱི་སྐུ།
 
༧ རྡོ་རྗེའི་གར་རམ་དགོན་པའི་འབག་འཆམ།
 ཀི  དཀྱིལ་འཁོར་གང་རུང་དང་འབྲེལ་བ།
 ཁི  བཀྲ་ཤིས་མི་རྒན།
 གི  སྤྲེའུ།
 ངི  སྟག་ཤོན།
 ཅི  སེང་ཤོན།
 ཆི  རྒྱ་དཀར་ནག་་་་་་་ཨ་ཙ་ར་དང་་རྒྱ་ནག་ཧྭ་ཤང༌། 
 
  གོང་དུ་བཀོད་པའི་བཤད་བྱ་ས་བཅད་ཀྱི་ཚུལ་དེས་ནི་བོད་བརྒྱུད་ནང་བསྟན་དགོན་པ་དང་འབྲེལ་བའི་ཤེས་བྱ་རྣམས་རགས་རིམ་ཙམ་གོ་ཐུབ་པ་ཡིན་པས་རེ་ཞིག་དེ་ཙམ་མོ། །
 དགའ་བའི་ཉམས་ཀྱི་པདྨོ་འབུམ་བཞད་ཅིང༌། །ལུས་སེམས་དད་པའི་རླུང་གིས་རབ་བསྐྱོད་དེ། ། ཕྱི་ནང་སིམ་པའི་ཟེའུ་འབྲུ་ཆེར་འཛག་པ། །ཞི་བའི་གྲོང་དུ་སྐོར་བའི་མགྲོན་པོ་སྐྱིད། །
                                                          ༢༠༠༥/༦/༡༥
·རྩོམ་ཡིག་གོང་མ:སྒོ་ཤེས་རབ་གླེང་བ།
·རྩོམ་ཡིག་འོག་མ:དྲན་གདུང་གི་མིག་ཆུ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 18:20:55 [来自: 112.5.236.197]

 评论者:5GG9KXGW
http://www.7663.net/html/mail/index.htm
http://www.1234h.com/youxiang43.html
http://www.baiwanzhan.com/site/t159413/
http://www.hao2345.com/htmls/youxiang/index.html
http://www.47751.com/siteinfo/92464
发表时间:2015/12/5 13:05:43 [来自: 111.144.227.221]

 评论者:7SijLE0v
http://www.3145.com/list/18youxiang.htm
http://www.3456.cc/Dianzi_Youxiang/index.html
http://www.3456.cm/mail.htm
http://www.6296.com.cn/s/res.html
http://www.3721.cc/youxiang/
发表时间:2015/12/2 21:33:18 [来自: 111.144.226.138]

འབྲེལ་ཡོད་དཔྱད་བརྗོད 33 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།32.23MS