ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མཆོད་སྤྲིན།
 རྩོམ་ཡིག་ཀློག་པ།

དབྱངས་ཅན་མར་བསྟོད་པ།

  རྩོམ་པ་པོ:ཀརྨ་པ་མི་བསྐྱོད་རྡོ་རྗེ།ཡོང་ཁུངས:ཤེར་བྱམས་དྲ་བ།གཟིགས་གྲངས:2620ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/8/2 18:21:39ཚོགས་ཡར་སྤྲོད:admin

དབྱངས་ཅན་མར་བསྟོད་པ།

 

ཀརྨ་པ་མི་བསྐྱོད་རྡོ་རྗེ།

དམ་པའི་མཚན་ཉིད་རྣམ་དཀར་མ།།

མངོན་པར་སྤེལ་བའི་བསོད་ནམས་གཞི།།

རྒྱལ་ལ་གུས་པ་སྒྲུབ་པའི་སླད།།

ལེགས་བྱས་ཚིགས་སུ་བཅད་པར་བྱ།།

ནམ་མཁའ་ཞུ་བའི་རྒྱ་མཚོའི་མཐའ་སྐོར་ན།།

ས་སྲུང་བུ་ཚོགས་ཟླ་ཚེས་བཞིན་དུ་རྒྱུད།།

ཆུ་གཏེར་འཇིངས་ན་ནོར་བུ་པདྨ་ནི།།

ཉི་མའི་གཟི་འོད་འཕྲོ་བ་བྱ་བའི་དབུས།།

ཟླ་ཤེལ་དཀར་པོ་ཐིགས་པའི་བསིལ་ཟེར་ཅན།།

མངོན་པར་ཡོངས་སུ་གང་བའི་གདན་ཉིད་ལ།།

བྱང་ཆུབ་སེམས་དཔའི་དཔག་བསམ་ཡོངས་རྫོགས་སྐུ།།

འཇིག་རྟེན་དབང་པོའི་སྲས་མོ་ཞི་བ་མོ།།

འདོད་པའི་རྡུལ་གྱིས་ཡོངས་སུ་ལོང་པ་ལ།།

ཆགས་བྲལ་མིགས་བུ་སྦྱིན་པའི་གཏོང་བ་པོ།།

བདག་གི་དགེ་རྩའི་མྱུ་གུ་བསྐྱེད་པའི་གྲོགས།།

ཡོངས་འཛིན་བདུད་རྩིའི་ཟེར་གྱིས་བརླན་པར་མཛོད།།

བགེགས་ཚོགས་འདོད་པའི་ཕོ་ཉའི་ལུང་ངན་པ།།

ཆ་ཙམ་རྣ་བའི་ཡུལ་དུའང་མི་འཚལ་བའི།།

བཀ འ་དྲིན་ཙནྡན་གྲིབ་བསིལ་གཞོན་ནུ་ཡང་།།

ཡོན་ཏན་འབྲས་བུ་འཛུམ་ཞིང་སིམ་པར་མཛོད།།

ཟུག་རྔུའི་ས་བོན་གཤིན་པོར་བྱས་པ་ཡང་།།

ཐུགས་རྗེའི་ཚ་རེག་བཟོད་པར་དཀའ་བ་ཡིན།།

ལན་གཅིག་མིན་པར་ཡང་ཡང་བསྣུན་པ་ནས།།

སྤངས་བྱའི་ཚོགས་རྣམས་སྨེགས་ནས་ཞི་བར་མཛོད།།

འཁོར་བའི་གཡང་སར་ཡིད་རབ་བརྟན་པ་རྣམས།།

གང་སྐུ་ཡིད་འཕྲོག་མཐོང་བའི་མོད་ཉིད་ལ།།

རྨོངས་མེད་ཀྱི་ཧུད་སྤངས་པའི་དཔལ་སྟེར་ན།།

མུན་པའི་གནས་སྐབས་ངན་པ་རྒྱུན་གཅོད་ཅིང་།།

སྐྱབས་འོས་ཁྱོད་ལ་བླ་མར་བསྟེན་པ་བདག།

ཐོས་པས་མི་ངོམས་ལེགས་བཤད་འཚོལ་བ་ནས།།

འཛམ་གླིང་བསྟན་པའི་རྒྱན་དུ་བདེ་བླག་ཏུ།།

མཛེས་སྡུག་སྨིན་པའི་གར་གྱིས་ཅིས་མི་རོལ།།

ཀུན་རྫོབ་བདེན་སྣང་དར་བ་བདུད་ཀྱི་དཔུང་།།

བདེན་བཞིའི་གནས་ལུགས་མཐོང་བའི་དཔའ་བོ་ཡིས།།

འཇིགས་མེད་གད་རྒྱང་ལེན་པའི་སྐད་ཅིག་ལ།།

འཁྲུལ་སྣང་སྒྲིབ་པའི་ཚོགས་རྣམས་གང་དུ་སོང་།།

རྡོ་རྗེའི་གདན་ལ་བྱང་ཆུབ་སྙིང་པོ་ནི།།

གསེར་སྦྱངས་གཙོ་མའི་འོད་དུ་འབར་བ་ན།།

ཚངས་དབང་བུ་མོའི་གཉིས་མེད་ཡེ་ཤེས་གྲུབ།།

གཡོ་མེད་ཁྱོད་ཀྱི་བཀའ་ལ་གནས་པའི་མཐུས།།

ཀུན་སྦྱོར་འཆིང་བའི་མདུད་པ་ཀུན་བཀྲོལ་ནས།།

ཤེས་བྱ་མཐའ་བཞིར་རྒྱལ་བའི་ས་གཞི་ལ།།

གཞན་ལྟོས་མེད་པའི་ས་གཞི་ལ།།

རབ་རིབ་འཕྲོག་པའི་མན་ངག་ལ་བྱ་ཞིང་།།

བསོད་མཆོག་སྒྲུབ་པའི་རྫུ་འཕྲུལ་ཅི་ཡང་ཤེས།།

འཇིག་རྟེན་གསལ་བའི་སྐྱེ་ཕྲེང་ཡང་དུ་བླངས།།

འདི་ཉིད་དབྱངས་ཅན་དགྱེས་པའི་སྙན་ངག་ཡིན།།

·རྩོམ་ཡིག་གོང་མ:གངས་ལྗོངས་ངའི་ཕ་ཡུལ།
·རྩོམ་ཡིག་འོག་མ:མི་རྟག་དྲན་སྐུལ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·དབྱངས་ཅན་ངག་གི་དཔལ་མོ་ལ་བསྟོད་པ། 2011/7/28 22:09:18
·ལྷ་མོ་དབྱངས་ཅན་མའི་ཐུཊ་རྗེ་བསྐུལ་བའི་གླུ་དབྱངས། 2011/5/21 14:15:28
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 10:28:33 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 13:51:53 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 20:44:32 [来自: 112.5.248.229]

འབྲེལ་ཡོད་དཔྱད་བརྗོད 47 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།39.06MS