ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མཆོད་སྤྲིན།
 རྩོམ་ཡིག་ཀློག་པ།

དབྱངས་ཅན་མའི་བསྟོད་པ།

  རྩོམ་པ་པོ:དོར་ཞི།ཡོང་ཁུངས:ངེད་གཟིགས་གྲངས:9321ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/3/28 18:33:12ཚོགས་ཡར་སྤྲོད:admin
དབྱངས་ཅན་མའི་བསྟོད་པ།
 
 
དོར་ཞི་གདོང་དྲུག་སྙེམས་བློ།  
 
མར་གད་མདངས་འཛིན་འཆི་མེད་རྐང་འཐུང་མཛེས་སྡུག་མེ་ཏོག་རབ་བཀྲ་བའི།།
དབྱིབས་ལེགས་རིན་ཆེན་ཚོམ་བུར་བཀོད་འདྲའི་ས་འཛིན་ཕྲེང་བས་ཡོངས་བསྐོར་དབུས།།
ཆུ་འཛིན་གོས་དང་རྒྱུ་སྐར་རྒྱན་བཀྲོལ་གནམ་སྔོན་ས་ལ་ལྷུང་འདྲ་བའི།།
ཡན་ལག་བརྒྱད་ལྡན་དྭངས་གསལ་ཆུ་མཚོ་ཁོར་ཡུག་རི་བོ་གཟུགས་སུ་འཕོས།།
མཚོ་ཡི་མདངས་བརྐུས་རབ་སྔོའི་མཁའ་ལ་སྤྲིན་དཀར་བླ་བྲེ་ཕང་ཕུང་གཡོ།།
མཐའ་སྐོར་ཤིང་དྲུང་བྲག་ཕུག་དག་ཏུ་ལྷ་དང་དྲང་སྲོང་ཏིང་འཛིན་སྐྱོང་།།
དྲི་ཟའི་ན་ཆུང་གླུ་གར་བྱེད་ཅིང་སྤོས་ཕོར་མེ་ཏོག་ཕྲེང་བ་འཛིན།།
རི་དྭགས་ཕོ་མོ་བག་ཕེབས་ཉལ་ཞིང་འདབ་ཆགས་ངང་ངུར་མཚོ་ལ་རོལ།།
མཚོ་ངོས་འཆི་མེད་བུ་མོ་སྟོང་ཕྲག་ཁྲུས་ཀྱི་ཕྱིར་དུ་བབས་འདྲ་བའི།།
དཀར་དམར་ཆུ་སྐྱེས་སྡུག་གུར་བཀྲ་ཞིང་རྒྱུ་སྐར་ཁྲོད་ཀྱི་ཉ་ཟླ་བཞིན།།
ཁོ་ལག་ཆེར་ཡངས་འདབ་སྟོང་པད་དཀར་སྤྲིན་དཀར་སྤུངས་བཞིན་བཞད་པའི་དབུས།།
ཆུ་ཤེལ་སུམ་དྭངས་བྱས་པའི་ཉིང་ཁུ་སྒོར་ལེར་ཆགས་འདྲའི་འོད་དཀར་སྟེང་།།
དྲི་བྲལ་སྟོན་ཟླ་ཀུན་དའི་ཕོན་པོ་དུང་གི་འཁྲི་ཤིང་ལྡེམ་པ་ལ།།
འདུ་ཤེས་རྒྱན་མཚན་མངོན་པར་སྤྲས་ཀྱང་གང་གི་མཚོན་དཔེར་བྱེད་དཀའ་བའི།།
སྲིད་ཞིའི་ཁམས་ཀྱི་མཛེས་པའི་གཟུགས་དང་སྙན་པའི་དབྱངས་ཀྱི་ངོ་མཚར་བཅུད།།
ཚངས་ཆེན་ཏིང་འཛིན་འཕྲུལ་གྱིས་གཅིག་བསྡུས་མཛེས་སྡུག་སྙིང་བོ་ཚངས་སྲས་མ།།
བརྒྱད་གཉིས་བཅུ་དྲུག་ལོན་པའི་ན་ཚོད་འོད་དཀར་འཚེར་བའི་གངས་ཀྱི་རིར།།
མཚམས་སྤྲིན་དམར་པོའི་མདངས་ཀྱིས་མཁྱུད་བཞིན་དཀར་ལ་དམར་བའི་གཞོན་ཤ་ཆགས།།
མཉེན་ལྕུག་འཁྲི་ཤིང་རླུང་གིས་བསྐྱོད་བཞིན་མ་བཅོས་རང་བྱུང་གར་གྱི་ཉམས།།
ལྷན་སྐྱེས་དྲི་བཟང་ཐུལ་ཐུལ་འཕྲོ་ཞིང་རིང་ནས་བུང་བ་སྤྲིན་བཞིན་འཁོར།།
ཆར་སྨུག་སྲབ་བུས་བསྒྲིབས་པའི་རི་བཞིན་མཚར་སྡུག་སྐྱེ་མཆེད་ཕྱིར་མངོན་པའི།།
དཀར་འཇམ་ལྷ་རྫས་གོས་ཀྱིས་ཕྱེད་གཡོགས་ཞབས་གཉིས་རོལ་སྒེག་སྟབས་ཀྱིས་འགྱིང་།།
རྐེད་སྐབས་ཕྲ་ཞོམ་ཁུར་གྱིས་དུབ་པས་སྐུ་སྟོད་ཅུང་ཟད་གཡོན་དུ་ཕྱོགས།།
ཆགས་བྲལ་རི་བོའང་མཐོང་ན་འདར་བྱེད་མཐོ་འབུར་མྱོས་བུམ་ཟུང་གིས་མཛེས།།
མཇམ་གཉེན་གནག་སྣུམ་རལ་བ་ཕྱེད་བཅིངས་ཕྱེད་གྲོལ་ཕྲག་རྒྱབ་འབོལ་ལེར་ཁེབས།།
ཐོར་ལྕོག་ཨུཏྥལ་དཀར་པོས་ལེགས་བཅིངས་ཟླ་གཞོན་མུ་ཏིག་དྲ་བས་བརྒྱན།།
ཉི་ཟེར་ཕོག་པས་གསར་དུ་བཞད་འདྲའི་བཞིན་རས་པད་དཀར་འཛུམ་པའི་ངོས།།
འདོད་པའི་དབང་ཕྱུག་གཞུ་བཀང་སྨིན་འཁྱོག་མདའ་ལྔ་སྦྱར་བའི་དྲང་མཐོའི་ཤངས།།
དཀར་ནག་མ་འདྲེས་ཁྱོན་ཡངས་དཀྱུས་རིང་འཕྲུལ་འཕྲུལ་བུང་བ་གཡོ་བའི་སྤྱན།།
ཟིམ་བུས་སྒྲུབ་པ་པོ་ཡི་གདོང་དང་འཕང་འགྲོའི་རྒྱུད་ལ་རེ་མོས་བལྟ།།
སྤྱན་ཟུར་ལས་འཕོས་རྗེས་ཆགས་མདངས་མཛེས་མཁུར་ཚོས་ཟུང་གི་ངོས་ལ་འགྲེམས།།
རབ་དམར་བྱུ་རུའི་མཆུ་སྒྲོས་འཛུམ་མུལ་སྙིང་ལ་ཟིལ་མངར་ཆར་བ་འབེབས།།
སྤྱན་ཟུང་མཛེས་ཆ་འཕྲོག་པའི་ཆོམ་རྐུན་སྙན་གོང་རྒྱན་གྱི་ཟོལ་ཟློས་པའི།།
ཨུཏྥལ་དག་གིས་འཐབ་པའི་དཔུང་རོགས་ལྷེམ་ལྷེམ་གསེར་གྱི་རྣ་ཆ་སྦྲན།།
དུང་ལྟར་དཀར་བའི་མགྲིན་པའི་ངོས་ལ་གཟི་འོད་ཕྲོམ་ཕྲོམ་རྒྱུ་སྐར་ཕྲེང་།།
བྲང་གི་མཛེས་སྡུག་འཐུང་ཕྱིར་ལྷགས་འདྲའི་མུ་ཏིག་དཀར་པོའི་དོ་ཤལ་འཕྱང་།།
རིན་ཆེན་གདུ་བུ་སིལ་སིལ་འཐབ་པའི་དཀར་ཟླུམ་ཕྱག་ཟུང་གར་སྟབས་ཀྱིས།།
ལྟོ་འབུར་བསྒྲིབ་ཕྱིར་ཉ་ཟླ་བླངས་ནས་འཁྱུད་འདྲའི་དྲི་ཟའི་ཏམྦུ་རར།།
ཕྲེ་ལྡམ་སོར་མོས་འཕྲུལ་གྱིས་བསྐྱོད་ལས་རྒྱུད་སྟོང་ཧྲྰི་ཧྲྰི་གྲགས་པའི་སྒྲའི།།
སྙན་རོ་འབུམ་ལྡན་དབྱངས་ཀྱི་རྒྱུད་ལས་ཆོས་ཚུལ་ཟབ་མོ་ལྷུག་པར་འདོམས།།
རྒྱལ་ཀུན་ཡེ་ཤེས་ཁམས་ལས་ལེགས་གྲུབ་གང་སྐུའི་ཆ་ཤས་རེ་རེས་ཀྱང་།།
སྲིད་ན་མཛེས་པའི་དངོས་ཀུན་ཟིལ་གནོན་འོད་སྟོང་ལྡན་པས་རྒྱུ་སྐར་བཞིན།།
སྐབས་འགར་དྲི་ཟའི་སྒེག་མོའི་ཚུལ་བཟུང་སྲིད་པའི་མཛེས་སྡུག་ལོངས་སྤྱོད་སྐྲུན།།
སྐབས་འགར་སྒྱུ་མའི་ཕྱག་རྒྱའི་རྣམ་རོལ་མི་འགྱུར་བདེ་ཆེན་ཡེ་ཤེས་སྩོལ།།
རེ་འགའ་རབ་དམར་བྱུ་རུའི་མདངས་འཛིན་བརྟན་གཡོའི་དངོས་ཀུན་འཕྲུལ་གྱིས་སྡུད།།
རེ་འགའ་འཇིགས་རུང་སྲིན་མོའི་གཟུགས་ཀྱིས་སྡིག་ཅན་འབྱུང་བོ་དབྱིངས་སུ་སྒྲོལ།།
ཡིད་བཞིན་ནོར་དང་དཔག་བསམ་ཤིང་བཞིན་མི་རྟོག་ལྷུན་གྲུབ་རྒྱུན་མི་འཆད།།
གང་ལ་གང་འདུལ་ཆོས་སྐུའི་རྣམ་རོལ་སྨྲ་བསམ་བརྗོད་པའི་ཡུལ་ལས་འདས།།
གང་སྐུ་མིག་ལ་སྣང་བ་ལྟ་ཞོག་དང་བའི་ཡིད་མཚོར་ཤར་ན་ཡང་།།
ཕྲ་རགས་ཀུན་རྟོག་རྦ་རླབས་ཉེར་ཞི་ཟག་མེད་བདེ་སྟོང་ཏིང་འཛིན་འཁྲུངས།།
ཤེས་བྱའི་དཀྱིལ་འཁོར་ཕ་མཐའ་ཡངས་པོར་སྐད་ཅིག་གཅིག་གིས་ཁྱབ་མཛད་པའི།།
ཇི་ལྟ་ཇི་སྙེད་མཁྱེན་པའི་ཡེ་ཤེས་འོད་རྣོན་ཚད་མེད་སྤྲོ་བའི་ལྷ།།
ལྷ་ཁྱོད་མོས་གུས་བསྟེན་ཅིང་བསྟོད་པས་བྱམས་བརྩེ་དཔུང་བས་དམ་འཁྱུད་དེ།།
བྱིན་རླབས་དངོས་གྲུབ་ཞལ་ཕྲུ་གཟེགས་མས་བདག་བློའི་བ་ཀུ་ལ་ཕྱེ་ནས།།
རབ་འབྱམས་ཤེས་བྱར་ཆགས་ཐོགས་བྲལ་བའི་ཟབ་རྣོན་ཕྲ་ཞིབ་རྣམ་དཔྱོད་བཅུད།།
ལྟེང་ཀར་བརྡོལ་བས་གདུལ་བྱའི་རྐང་དྲུག་རྣམ་གྲོལ་ལང་ཚོས་སྙེམས་གྱུར་ཅིག།
 
·རྩོམ་ཡིག་གོང་མ:ཨ་འགྱུར་རིན་པོ་ཆེ་ཐུབ་བསྟན་སྙན་གྲཊ་ཀྱི་ཞབས་བརྟན།
·རྩོམ་ཡིག་འོག་མ:ཨ་འགྱུར་རིན་པོ་ཆེ་ཐུབ་བསྟན་སྙན་གྲགས་ལ་གདམས་པ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལྷ་མོ་དབྱངས་ཅན་མ་ལ་བསྟོད་པ། 2013/2/5 22:06:42
·དབྱངས་ཅན་མར་བསྟོད་པ། 2012/8/2 18:21:39
·དབྱངས་ཅན་ངག་གི་དཔལ་མོ་ལ་བསྟོད་པ། 2011/7/28 22:09:18
·བྱ་གཞུང་དབྱངས་བྷའི་སྙན་ལྷུག་ཁག་ཅིག 2011/6/14 14:25:50
·ལྷ་མོ་དབྱངས་ཅན་མའི་ཐུཊ་རྗེ་བསྐུལ་བའི་གླུ་དབྱངས། 2011/5/21 14:15:28
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 11:59:39 [来自: 112.5.236.197]

 评论者:clyshoob
Lar35I  <a href="http://ojvgulbldequ.com/">ojvgulbldequ</a>, [url=http://tuiuquqvbwex.com/]tuiuquqvbwex[/url], [link=http://ryutwrubedmi.com/]ryutwrubedmi[/link], http://tqlmyhgiafwa.com/
发表时间:2016/5/19 12:25:52 [来自: 46.161.9.32]

 评论者:4YmF7xGG
http://www.2345daohang.com/mail.htm
http://www.505dh.com/mail.htm
http://www.3721.cc/youxiang/
http://www.365dhw.com/dianzi-youxiang.html
http://www.726c.com/html/mail.htm
发表时间:2015/12/6 5:18:11 [来自: 111.144.227.221]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།29.30MS