ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མཆོད་སྤྲིན།
 རྩོམ་ཡིག་ཀློག་པ།

འཕགས་མ་དབྱངས་ཅན་མའི་ཐུཊ་སྒྲུབ་ཀུན་མཁྱེན་ཡེ་ཤེས་ཕུང་པོ།

  རྩོམ་པ་པོ:སློབ་དཔོན།ཡོང་ཁུངས:ངེད་དྲ་བ།གཟིགས་གྲངས:8630ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/1/26 7:33:24ཚོགས་ཡར་སྤྲོད:admin
༄༅༅།།    འཕགས་མ་དབྱངས་ཅན་མའི་ཐུགས་སྒྲུབ་ཀུན་མཁྱེན་ཡེ་ཤེས་
ཕུང་པོ་ཞེས་བྱ་བ་བཞུགས་སོ།།
 
  ན་མཿསྭ་རསྟི་ཡེ།   འདིར་ལྷ་མོ་དབྱངས་ཅན་མ་རྒྱུན་དུ་བསྙེན་པར་འདོད་པས།    སྔ་ཐུན་གྱི་ཆར་ཤ་ཆང་སྒོག་ཙོང་སོགས་མི་གཙང་བ་དང་དྲི་ང་བའི་ཟས་རིགས་རྣམས་སྤངས་ལ།   སྐྱབས་སེམས་སྔོན་དུ་བཏང་ནས་སྭ་བྷ་ཝས་སྦྱངས་ཏེ།  ཨཱཿ   ཆོས་རྣམས་མི་དམིགས་སྟོང་པའི་ངང་ཉིད་ལས།།     སྣོད་བཅུད་རྣམ་དག་བདེ་བ་ཆེན་པོའི་ཞིང་།།  རང་སྣང་དག་པའི་རྒྱན་གྱུར་རི་དབང་དང་།།  ནགས་ཚལ་སྨན་ལྗོངས་ཆུ་ཀླུང་ཉམས་དགའ་བ།།  ལྷ་དང་དྲང་སྲོང་རིག་འཛིན་གྲུབ་པས་བརྟེན།། དབུས་ན་མདངས་ལྡན་བདུད་རྩིའི་རྒྱ་མཚོའི་ནང་།། པཾ་ལས་པདྨ་དཀར་པོ་འདབ་སྟོང་སྟེང་།།    ཨ་ལས་ཟླ་གདན་རང་སེམས་ཧྲཱིཾ་དཀར་པོའི།།    ས་བོན་ཡོངས་གྱུར་ལྷ་མོ་དབྱངས་ཅན་མ།།   བཅུ་དྲུག་ལང་ཚོ་རབ་རྒྱས་སྟོན་ཟླའི་མདོག།   ཞལ་གཅིག་ཕྱག་བཞི་ཚད་མེད་མཁྱེན་བརྩེའི་གཏེར།།  དང་པོའི་ཕྱག་གཉིས་རལ་གྲི་པུསྟི་དང་།།   འོག་མའི་ཕྱག་གཉིས་བཻཌུར་པི་ཝཾ་སྦྲེངས།། མཛེས་འཛུམ་བལྟ་ན་རབ་སྡུག་པདྨའི་སྤྱན།།    ནུ་འབུར་རབ་རྒྱས་ཟག་མེད་བདེ་ཆེན་འབར།།    དབུ་སྐྲ་ལི་བའི་ཐོར་ཅོག་གཙུག་ཏུ་བཅིངས།།   ལྷག་མ་སིལ་བུར་གྲོལ་བས་སྐུ་རྒྱབ་ཁེབས།།    མེ་ཏོག་དཀར་པོའི་ཕྲེང་བས་ཐོད་བཅིངས་པའི།།   དབུ་ཡི་གཙུག་ན་ཟླ་བ་ཕྱེད་པའི་མཚན།།   དར་དཀར་སྟོད་གཡོག་གསེར་གྱི་རིས་བཀྲ་ཞིང་།།    ཟ་འོག་སྨད་དཀྲིས་དབང་པོའི་གཞུ་ལྟར་འཚེར།།     སྙན་ཆ་གདུ་བུ་མགུལ་རྒྱན་དོ་ཤལ་སོགས།།    སྣ་ཚོགས་ནོར་བུ་གཡེར་ཁའི་རྒྱན་བཟང་འཆང་།།    ཟླ་བའི་རྒྱབ་ཡོལ་ལ་བསྟེན་ཙོག་པུར་བཞུགས།།  སྙིང་ཁར་པདྨ་དཀར་པོ་འདབ་བརྒྱད་དབུས།།   ཐུགས་སྲོག་ཆུ་ཤེལ་མདོག་འཛིན་ཧྲཱིཾཿཡིག་གི།མཐའ་བསྐོར་དབྱངས་ཀྱི་ཕྲེང་བ་གཡས་སུ་འཁོར།།    དེ་ལས་འོད་ཟེར་དཀར་པོའི་འཕྲོ་འདུ་དང་།།    བུ་གཅིག་མ་ལ་དུང་པའི་དམ་ཚིག་གིས།།    རྒྱ་གར་ལྷོ་ཕྱོགས་སྒྲ་དབྱངས་རྒྱ་མཚོའི་འགྲམ།།   དྲང་སྲོང་རིག་པ་འཛིན་པའི་དགའ་ཚལ་དུ།།  ཚེ་རབས་ཀུན་ཏུ་བསྙེན་པའི་ཡི་དམ་ལྷ།།  སྒྲ་དབྱངས་རྒྱ་མཚོའི་དཔལ་མོ་བཞུགས་པ་ཡི།།    ཐུགས་རྒྱུད་བསྐུལ་ཏེ་མདུན་གྱི་ནམ་མཁར་བྱོན།།   དངོས་གྲུབ་རྩོལ་ཕྱིར་འཛུམ་བཅས་འབྲུ་ཚུགས་གཟིགས།།   བྱང་ཆུབ་བར་དུ་མི་འབྲལ་རྗེས་འཛིན་ཅིང་།།  མུ་མེད་ཤེས་རབ་སྣང་བའི་གཏེར་དུ་གྱུར།།     དེ་བི་སྭ་རསྟི་ས་མ་ཡ་ཛ།   ཞེས་སྤྱན་དྲངས་ཤིང་།   པདྨ་ཀ་མ་ལ་ཡེ་སྟྭཾ་གྱིས་བཞུགས་སུ་གསོལ།    མཆོད་པ་ནི།    ཨོཾ་པྲི་ཏི་དེ་ཝཱི་དཱི་བྱ་པུཥྤེ་ཧཱུྂ།    དེ་བཞིན་དུ།   དྷུ་པེ།   གནྡྷེ།   ནཻ་ཝི་ཏེ།  ཨཱ་ལོ་ཀེ   པི་ལེ་བ་ཧི་ཧཱུྂ།ཞེས་དང་སྤྲོ་ན་མཆོད་སྤྲིན་རྒྱས་པར་སྤྲོ་བར་བྱའོ།།   དེ་ནས་བསྙེན་དམིགས་ནི། རང་གི་ཐུགས་ཀའི་ཧྲཱིཾཿལས་ཧྲཱིཾཿཡིག་བར་མ་ཆད་པ་མུ་ཏིག་གི་ཕྲེང་བ་བརྐྱངས་པ་ལྟར་འཕྲོས་ཏེ་མདུན་བསྐྱེད་ཀྱི་ཐུགས་སྲོག་ལ་ཐིམ་པས་སྔོན་གྱི་དམ་ཚིག་དང་རྗེས་སུ་མཐུན་པའི་ཐུགས་རྒྱུད་བསྐུལ།   དེ་ལས་སླར་ཡང་བྱིན་རླབས་དང་ཡེ་ཤེས་ཀྱི་རང་གཟུགས་ཧྲཱིཾཿཡིག་དཀར་པོའི་ཕྲེང་བ་བར་མ་ཆད་དུ་བྱུང་ནས་རང་གི་སྙིང་ཁའི་ཧྲཱིཾ་ལ་ཐིམ་པས་རྨོངས་པའི་མུན་པ་ལྷག་ མེད་དུ་བཅོམ།   ཆགས་ཐོགས་མེད་པའི་བློ་གྲོས་ཀྱི་སྣང་བ་རྒྱས་པར་གྱུར།  སླར་ཡང་ཧྲཱིཾ་ཡིག་སྔགས་འཁོར་དང་བཅས་པའི་འོད་ཀྱིས་འཕགས་པ་མཆོད་ཅིང་སེམས་ཅན་གྱི་དོན་བྱས།    རྒྱལ་བ་སྲས་དང་བཅས་པའི་སྤངས་རྟོགས་མཁྱེན་བརྩེ་ནུས་པའི་ཡོན་ཏན་དང་།   ལྷ་དང་དྲང་སྲོང་རིག་འཛིན་གྲུབ་པའི་ཁྱུ་མཆོག་རྣམས་ཀྱིས་ཚེ་དང་བསོད་ནམས་དབང་ཐང་།   ཉི་ཟླ་སོགས་བརྟན་གཡོའི་དངོས་པོ་ཀུན་གྱི་དྭངས་བཅུད་རྣམས་བསྡུས་ཏེ་ཐུགས་སྲོག་ལ་ཐིམ་པས་ཚེ་རབས་ཐོགས་མེད་ནས་བསགས་པའི་སྡིག་ལྟུང་བག་ཆགས་དང་བཅས་པ་སྦྱངས།      ནད་གདོན་བར་ཆད་སོགས་བཀྲ་མི་ཤིས་པ་ཐམས་ཅད་སངས་ཀྱིས་དག་ནས་སྒོ་གསུམ་རྡོ་རྗེ་གསུམ་གྱི་རང་བཞིན་དུ་གྱུར་ཅིང་།    ཚེ་ལུས་གཅིག་ལ་ཟུང་འཇུག་རྡོ་རྗེ་འཆང་གི་གོ་འཕང་ཐོབ་པའི་སྐལ་བ་ཅན་དུ་བྱས་པར་བསམ།    སྔགས་འཕྲེང་དལ་བུར་འཁོར་བ་ལ་རིག་པ་གཏད་ཏེ།    ཨོཾ་བཛྲ་དེ་ཝཱི་པི་ཙུ་པི་ཙུ་པྲཛྙཱ་ཝརྡྷ་ཧྲཱིཾ་ཧཱུྂ།  ཞེས་འབུམ་གཅིག་དང་ཁྲི་གཅིག་བཟླ་བ་ནི་གྲངས་བསྙེན་དང་། དེ་བཞི་འགྱུར་ནི་དུས་བསྙེན་ནོ།།   རྒྱུན་བཟླས་ལ་བཟླས་པ་ཅི་འགྲུབ་བྱ་ཞིང་བསྡུ་ན་ཧྲཱིཾཿཞེས་ཡི་གེ་འབྲུ་གཅིག་པ་འབུམ་ཕྲག་གཅིག་དང་ཉི་ཁྲི་ལྔ་སྟོང་དུ་བཟླ་བ་གྲངས་བསྙེན་དང་།   དེ་བཞི་འགྱུར་ནི་དུས་བསྙེན་ནོ།།   ཐུན་མཐར་བྲམ་ཟེ་ཕུར་བུ་དང་།   ནག་མོའི་ཁོལ། ཀློང་ཆེན་རབས་འབྱམས་པ་དང་རྗེ་ཙོང་ཁ་པ་སོགས་ཀྱི་མཛད་པའི་བསྟོད་སྤྲིན་རྒྱ་མཚ ོ་རྣམས་རོལ་མོའི་དབྱངས་དང་བཅས་རྒྱས་པར་སྤྲོ་ཞིང་།   མཐར་ཐུན་བསྡུ་བ་ནི།   བདག་ཐུགས་འོད་ཀྱིས་སྣོད་བཅུད་རང་ལ་བསྡུ།།   རང་ལུས་སྔགས་འཁོར་ལ་ཐིམ་སྔགས་འཁོར་ཡང་།།  ཧྲཱིཿལ་ཐིམ་ཞིང་ཧྲཱིཿཡིག་སྟོང་པའི་ངང་།།  འོད་གསལ་རྫོགས་པ་ཆེན་པོའི་ཀློང་དུ་བཞག།    ཅེས་དམིགས་མེད་ཀྱི་བལྟ་བ་ཅི་ནུས་སུ་སྐྱོང་ཞིང་།   སླར་ཡང་རྗེས་ཐོབ་སྒྱུ་མའི་ལྷ་སྐུར་སྡང་བ་ནི།།  སླར་ཡང་རང་ཉིད་ལྷ་མོ་དབྱངས་ཅན་མ།།   ཞལ་གཅིག་ཕྱག་བཞི་ལོངས་སྐུའི་རྒྱན་ཆས་རྫོགས།།སྣང་ལ་རང་བཞིན་མེད་པ་སྒྱུ་མའི་སྐུ།།   གནས་གསུམ་ཨོཾ་ཨཱཿཧཱུྂ་གིས་མཚན་པར་གྱུར།།   ཞེས་དང་།   རྗེས་ཀྱི་བསྔོ་སྨོན་སོགས་ཆོ་ག་ཕྱི་འགྲོས་ལྟར་བྱའོ།།   དེ་ཡང་དཀོན་མཆོག་ཏཱ་ལའི་མདོ་དང་།    ཟ་མ་ཏོག་བཀོད་པའི་མདོ་དང་།   གསེར་འོད་དམ་པ་མདོ་སྡེ་དབང་པོའི་རྒྱལ་པོ་སོགས་ལས་མ་འོངས་པའི་དུས་སུ་མཁས་པ་ཆོས་སྨྲ་བ་རྣམས་ཀྱི་ཤེས་རབ་དང་ངག་གི་འབྱུང་གནས་སུ་ལུང་བསྟན་པའི་དཔལ་མོ་ཐུགས་རྗེའི་གཏེར་མཛོད་འདི་ལ།     སྒྲུབ་ཐབས་ཀྱི་དབང་དུ་བྱས་ན་བརྒྱུད་པའི་བཀའ་བབས་ཀྱི་ཁྱད་པར་ལ་བརྟེན་ནས་སྒྲ་ཚད་པ་རིན་ཆེན་རྣམ་རྒྱལ་ལས་བརྒྱུད་པ་དཀར་མོ་ཞལ་གཅིག་ཕྱག་གཉིས་མ་དང༌།   པཎྜི་ཏ་ཟླ་བ་མངོན་དགའ་ལས་བརྒྱུད་པ་དམར་མོ་ཕྱག་གཉིས་མ།      གཤིན་རྗེ་དགྲ་ནག་ལས་གསུངས་པ་དམར་མོ་ཞལ་གསུམ་ཕྱག་དྲུག་མ།   དམ་པ་སངས་རྒྱས་ལས་བརྒྱུད་པ་སྔོན་མོ་ཕྱག་གཉིས་མ།    ཇོ་ནང་ཀུན་མཁྱེན་གྱི་དཀར་མོ་ཞལ་གསུམ་ཕྱག་བཞི་མ།   ཡོངས་སུ་གྲགས་པའི་རྒྱ་གར་ཕྱི་རོལ་པའི་ལུགས་དཀར་མོ་ཞལ་གཅིག་ཕྱག་བཞི་མ་སོགས་གདུལ་བྱ་དང་འདུལ་བྱེད་ཀྱི་དབང་གིས་སྐུ་མདོག་ཕྱག་མཚན་དང་།    ཞལ་ཕྱག་གཙོ་འཁོར་གྱི་རྣམ་པ་མི་འདྲ་བ་དུ་མ་བྱུང་བ་ལས།    འདིར་ཡོངས་སུ་གྲགས་པའི་རྒྱ་གར་ཕྱི་རོལ་པའི་ལུགས་དཀར་མོ་ཞལ་གཅིག་ཕྱག་བཞི་མ་དང་།    ཀུན་མཁྱེན་སྒྲོལ་བའི་མགོན་པོའི་ལུགས།     བྲམ་ཟེ་ཕུར་བུའི་ལུགས་ཀྱི་མན་ངག་བཞིན་འཇམ་མགོན་བླ་མ་མི་ཕམ་རིན་པོ་ཆེའི་མཛད་པའི་དབྱངས་ཅན་མའི་སྒྲུབ་ཐབས་ཀུན་མཁྱེན་ལམ་སྲོལ་སོགས་ཟབ་མོའི་མན་ངག་དུ་མས་གཞི་བཟུང་སྟེ། སློབ་དཔོན་རྒྱ་མཚོའི་སྤྲིན་གྱིས་ལང་ཚོ་ཞེས་བྱ་བ་ཚེ་རབས་ཕྲེང་བར་ལྷ་མོ་དབྱངས་ཅན་མའི་བྱིན་རླབས་ཀྱི་འོད་རྣོན་སྙིང་ལ་ཞུགས་པ་དེས།    ཉེ་བརྒྱུད་བྱིན་རླབས་ཀྱི་ཚན་ཁ་མཆོག་ ཏུ་འབར་བར་ཡིད་ལ་གང་ཤར་ཡིག་ངོར་ཕབ་པ་དགེ་ལེགས་སུ་གྱུར་ཅིག།    སརྦ་མངྒ་ལཾ།
·རྩོམ་ཡིག་གོང་མ:ཕ་ཡུལ་གྱི་ངོ་གདོང་།
·རྩོམ་ཡིག་འོག་མ:གླུ་ཚིག སྒ་སྟོད་ཇོ་བོ་ཞལ་དཀར། །
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 11:57:46 [来自: 112.5.236.197]

 评论者:4YmF7xGG
http://www.2345daohang.com/mail.htm
http://www.505dh.com/mail.htm
http://www.3721.cc/youxiang/
http://www.365dhw.com/dianzi-youxiang.html
http://www.726c.com/html/mail.htm
发表时间:2015/12/6 5:13:41 [来自: 111.144.227.221]

 评论者:5GG9KXGW
http://www.7663.net/html/mail/index.htm
http://www.1234h.com/youxiang43.html
http://www.baiwanzhan.com/site/t159413/
http://www.hao2345.com/htmls/youxiang/index.html
http://www.47751.com/siteinfo/92464
发表时间:2015/12/4 13:27:00 [来自: 123.157.70.112]

འབྲེལ་ཡོད་དཔྱད་བརྗོད 47 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།56.64MS