ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དཔེ་ཀློག
 རྩོམ་ཡིག་ཀློག་པ།

མཁས་པ་ཞིག་གི་ཐུགས་རེ།

  རྩོམ་པ་པོ:གཅན་བཟོད་རྒྱམ།ཡོང་ཁུངས:ངེད་གཟིགས་གྲངས:3113ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/11/11 20:56:42ཚོགས་ཡར་སྤྲོད:admin

མཁས་པ་ཞིག་གི་ཐུགས་རེ།

 


གཅན་བཟོད་རྒྱམ།


   དེ་རིང་མལ་ལས་ལངས་ཏེ་ལ་དྭགས་ཀྱི་མཁས་པ་རྒན་ས་ཕུད་ཐུབ་དཔལ་ལྡན་ལགས་ཀྱི་དཔྱད་རྩོམ་༼འདས་པའི་ལོ་༢༥ རིང་ལ་དྭགས་ཀྱི་སྐད་ཡིག་གི་ཡར་རྒྱས་༽ཞེས་པའི་རྩོམ་ཡིག་དེ་བཀླགས་སྐབས་རྒན་ས་ ཕུད་ཁོང་དང་བཀའ་མོལ་སྐབས་ཀྱི་སྐད་ཆ་རེའང་དྲན་འོང་བ་འདིར་མཉམ་དུ་སྤེལ་བར་ བྱའོ།།
ཁོང་གི་རྩོམ་ཡིག་གི་དུམ་ཚན་གཉིས་བཤུས་པ།
༡༽ཡིད་སྐྱོ་བ་ཞིག་ནི་ བརྒྱ་ཕྲག་ཉི་ཤུ་བ་འདིའི་གཞོན་སྐྱེས་ཀུན་གྱི་ནང་རང་གི་སྐད་ཡིག་སྦྱང་འདོད་ ཡོད་པ་ཆེར་མི་མཐོང་། རང་གི་སྐད་ཡིག་མ་སྦྱངས་ན་ཐུ་མི་སཾ་བྷོ་ཊས་སྐུ་ལས་བརྒྱབས་པ་དོན་མེད་དུ་ འགྱུར་རོ།།
ལོ་པཎ་ཀུན་གྱིས་སྲོག་དང་ བསྡོས་ཏེ་གསེར་ཕངས་མེད་དུ་མཇལ། མ་འོངས་པའི་བུ་རྒྱུད་ཀུན་ལ་ཕན་པའི་རེ་བས་བསྒྱུར་བའི་བཀའ་བསྟན་རྩ་ཆེན་ཀུན་ བཞུགས་ཁང་གི་ནང་ལུས། མཁས་དབང་སྐྱེས་ཆེན་ཀུན་གྱི་ཐུགས་བསམ་དང་། མ་འོངས་པའི་གཞོན་སྐྱེས་ཀུན་ལ་བཤད་པའི་ཞལ་ཆེམས་དང་། འདི་ཕྱི་གཉིས་སུ་ཕན་པའི་སློབ་སྟོན་ཟབ་མོ་ཀུན། སེམས་ལ་ཕན་པའི་སྤྲིངས་ཡིག་ཀུན་ཆུ་ཟོད་སུ་འགྱུར་རོ།།
༢༽ ཞེས་ཡང་དང་ཡང་ཤོག་ངོས་གཞན་ཞིག་ཏུ་འདི་ལྟར།
གང་ལྟར་དུས་རབས་འདིའི་ ནང་རང་གི་སྐད་ཡིག་དང་རིག་གཞུང་ལ་དོ་སྣང་ཡོད་པ་ཀུན་གྱིས་ནི་ཐབས་ཚུལ་སྣ་ཚོགས་ ཀྱིས་སྐད་ཡིག་དང་རིག་གཞུང་སྐྱོབ་ཐབས་ལ་འབད། རང་གི་སྐད་ཡིག་ལ་དོ་སྣང་མེད་མཁན། རིག་གཞུང་གི་ཁྱད་ཆོས་དང་རིན་ཏང་མ་ཤེས་མཁན། གཞན་སྐད་ཡིག་རེ་ལ་བློ་འཁྲུལ། ཡིད་ཚིམས་ནས་རང་གི་སྐད་ཡིག་དང་རིག་གཟུང་ལ་སྣང་ཆུང་གཏོང་བ་དང་། སྐྱོན་བརྗོད་བྱེད་མཁན་ཡང་ཡོད། འགའ་ཞིག་གིས་ལྟ་བ་བ་ཕྲ་དྲག་པས། ཡིག་སྐད་ཀྱི་དགོས་པ་མི་འདུག ཁ་སྐད་བཞིན་འབྲི་དགོས་ཟེར། འགའ་ཞིག་གིས་བོད་ཡིག་ནང་འབྲི་བ་ལ་ངོ་རྒོལ་བྱེད། ཨུར་དུའི་ནང་འབྲི་དགོས་ཟེར། ་བླུག་པ་དང་མེ་སྦར་བར་བྱེད། གལ་ཏེ་ཁ་སྐད་ནང་འབྲི་དགོས་ན་གཞན་ལྟ་ཅི་ལ་དྭགས་རང་ལའང་འབྲི་ཚུལ་མི་འདྲ་བ་མང་ པོ་ཞིག་ཆགས་ཉེན་ཡོད། “ཟོར་བ་བོར་ནས་ལག་རྔས་”དང་“ནང་ལ་མཚལ་ཡོད་བཞིན་ཕྱི་ལ་བཙག་འཚོལ་”ཟེར་ བའི་གཏམ་དཔེ་བཞིན་རང་གི་སྐད་ཡོད་བཞིན་དུ་ཡིག་གཟུགས་གཞན་གྱི་མ་ལྡང་བཞིན་དུ་ འབྲི་ཟེར་ན་མིས་ཁྲེལ་རང་འཕྲུལ་དང་། གཞན་གད་ཀྱི་རྒྱུ་མ་ཡིན་ནམ།
དེ་ཀུན་གྱིས་ཡིག་སྐད་ སུས་ཀྱང་མི་གོ ཁ་སྐད་ཀྱིས་འབྲི་དགོས་ཟེར་བ་ལའང་རྒྱུ་མཚན་མེད། སྔར་གྱི་རིག་གཟུང་གི་གཏེར་ཆེན་པོ་ཕྲག་དོག་བྱས་པ་མིན་ནམ། ལོ་སྟོང་དང་བཞི་བརྒྱ་ནས་མཁས་པ་དང་ལོ་པཎ་ཀུན་གྱིས་དཀའ་ངལ་ཁྱད་དུ་བསད། གསེར་དངུལ་ཕངས་མེད་བཏང་བ་ནི། ཡང་དག་པའི་ལྟ་བ་དང་སྤྱོད་པ་བཟང་པོའི་རིག་གཞུང་གི་གཏེར་ལ་ལྟ་བའི་མིག་བཅར་ སྙིང་འདོད་པ་མིན་ནམ། དེ་ལྟ་བུའི་རིག་གཞུང་ཆུ་གཏེར་ལས། ཁ་སྐད་དམ་ཕལ་སྐད་ནང་ཆུ་ཐིགས་ཙམ་བླངས་ཏེ་བསྒྱུར་ཐུབ་བམ། ད་ལྟའི་སྐད་ཡིག་ནང་བྲིས་པའི་རིག་གཞུང་ཀུན་མི་འབོར་དུང་ཕྱུང་གྱིས་ཀློག་བཞིན་ ཡོད། ལ་དྭགས་ཀྱི་ཁ་སྐད་ནང་བྲིས་ན་མི་ཇི་ཙམ་གྱིས་ཀློག་ཐུབ་བམ། ཡིག་སྐད་ནང་བྲིས་པ་ཀུན་སུས་ཀྱང་མི་གོ་ཟེར་ན། སྦྱངས་ན་མི་གོ་མེད། དེ་ཡང་སྦྱངས་ན་རང་གི་སྐད་ཡིག་ལྟ་ཅི། གཞན་གྱི་སྐད་ཡིག་ཀྱང་ཤེས་ཐུབ རང་གི་སྐད་ཡིག་ནི་དེས་ཀྱང་ཤེས་སླ་བ་ཡིན། རང་གི་སྐད་ཡིག་ལ་སྣང་ཆུང་བཏང་། སྦྱང་རྒྱུ་ཕར་བཞག སློབ་དེབ་ཀུན་ལ་ལག་པ་ཡང་མ་འཆང་བར་ཇི་ལྟར་ཤེས་སམ། མ་སྦྱངས་ན་དབྱིན་ཡུལ་པ་ཞིག་ཡིན་ཡང་ཨིན་སྐད་འབྲོ་ཀློག་ཤེས་སམ། དེ་བཞིན་མ་སྦྱངས་བར་རང་གཞན་སུའི་སྐད་ཡིག་ཡིན་རུང་འབྲི་ཀློག་མི་ཤེས་པ་ཐག་ ཆོད་པ་ཡིན་ནོ།།
གོང་གི་འདི་ཁོང་གི་རྩོམ་ཡིག་གི་དུམ་ཚན་གཉིས་པོ་དེ་ཡིན།
གཤམ་ནས་ངས་ཁོང་ངོ་སྤྲོད་སྙིང་བསྡུས་ཤིག་བྱར་འབད།
རྩོམ་པ་པོ་ངོ་སྤྲོད་སྙིང་བསྡུས།
ལ་དྭགས་ཀྱི་མཁས་པའི་དབང་ བོ་ས་ཕུད་དགེ་ཏུབ་བསྟན་དཔལ་ལྡན་ལགས་ཀྱི་ཕྱི་ལོ་༡༩༤༤ ལོར་ལ་དྭགས་རྒྱལས་གླེའི་བྱང་ཤར་ཕྱོགས་སྤྱི་ལེ་ལྔའི་མཚམས་སུ་ཡོད་པའི་ཡུལ་ས་ ཕུད་ཅེས་པར་སྐུ་འཁྲུངས། ཆུང་དུས་ནས་བོད་ཡིག་སྦྱོང་བརྩོན་གནང་ཞིང་སྤྱི་ལོ་༥༡ ལོར་བོད་དུ་ཕེབས་ནས་གདན་ས་ཆེན་པོ་འབྲས་སྤུངས་སུ་ཆོས་ཞུགས་གནང་ནས་ཆོས་རིག་ ཀུན་པོར་སློབ་སྦྱོང་གནང་། ༡༩༥༩ ལོར་བོད་ས་ཤོར་རྗེས་ཕྱིར་ལ་དྭགས་སུ་ལོག རྒྱ་གར་རྒྱལ་ས་ལྡི་ལི་དང་ཤྲི་ལངྒར་ཕེབས་ཏེ་ནང་ཆོས་གཙོས་དེང་དུས་སྦྱོང་ཡང་ གནང་། ཕྱིར་ཕེབས་རྗེ་ལ་དྭགས་སུ་གཞུང་གི་ཡོད་ཏན་ལས་སྡེ་ཞེས་པའི་ནང་དུ་བོད་ཡིག་གི་ དགེ་རྒན་གནང་ཞིང་སློབ་ཕྲུག་བརྒྱ་ཕྲག་ལ་བོད་ཡིག་སློབ་ཁྲིད་གནང་ཞིང་ཞོར་དུ་ རྩོམ་ཡིག་འབྲི་འགོ་བཙུགས། ༡༩༨༠ ལོ་ནས་མངའ་སྡེ་གཞུང་གིས་ཤེས་རིག་ལས་ཁུངས་ལ་ཞུགས་ཏེ་ཤེསརིག་དང་རིག་གཞུང་ཡར་ རྒྱས་གཏོང་བའི་ཐད་ཕྱག་ལས་རླབས་ཆེན་མཛད་ཅིང་། ལ་དཝགས་ལོ་དེབ་དང་ཤེས་རབ་ཟོམ་ཞེས་པའི་རྒྱལ་རབས་ལོ་རྒྱུས་དང་ནང་ཆོས་ཆོས་ འབྱུང་། ཡུལ་སྲོལ་གོམས་གཤིས་དང་དགོན་པ་ལྷ་ཁང་། མཁར་དང་ཡུལ་སོ་སོའི་སྐོར་པ་དཔྱད་རྩོམ་དང་དཔེ་དེབ་༣༠ གྲངས་ལོང་བ་བརྩམས་གནང་མཛད། སྤྱི་ལོ་༢༠༠༤ ལོར་ཁོང་ལ་རྒྱལ་ཁབ་གཞུང་ནས་ཤེས་རིག་ཞབས་འདེགས་ཐད་རླབས་ཆེ་བའི་གསོལ་རས་གནང་། ༢༠༠༥ ལོར་ཁོང་གི་བརྩམས་ཆོས་༼ལ་དྭགས་ཀྱི་དུས་སྟོན་༽ཞེས་པར་དེབ་ལེགས་ཤོས་ཀྱི་གསོལ་ རས་གནང་། ཁོང་གི་རྩོམ་ཚང་མར་ལ་དྭགས་ཀྱི་མཁས་པ་གཞན་དང་མ་འདྲ་བའི་རྩོམ་གཤིས་ཏེ་བོད་ སྐད་ཡིག་གི་འགྲོ་སྟངས་བོད་མི་ཞིག་གིས་བྲིས་པ་ལྟར་ཚིག་གི་སྡེབ་སྦྱོར་དང་ གཅོད་མཚམས། དོན་གྱིས་འདྲེན་སྟངས་སོགས་ཧ་ཅང་ཀློག་སྤྲོ་ལ་གོ་སླ་བའི་ཁྱད་ཆོས་ལྡན། ངས་༢༠༠༦ ལོར་ཁོང་གི་སྐུ་ཚེའི་ལོ་རྒྱུས་ནང་བོད་དུ་ཕེབས་པའི་སྐོར་དང་། འབྱུར་འགྱུར་གྱི་དགོངས་གཞི་སོགས་ལ་བཅར་འདྲི་ཏུང་ཙམ་བྱས་པ་ནས་ཁོང་དང་གྲོགས་ པོར་གྱུར་། ད་ལོ་ཡང་ཁོང་ལ་ལ་དྭགས་གྱི་ཡུལ་སྲོལ་གོམས་གཤིས་དང་ལྷག་པར་དུ་སྔ་མོ་བོད་དང་ལ་ དྭགས་ཀྱི་ཚོང་འབྲེལ་དང་ཆོས་སློབ་གཉེར་གནང་གི་ཕེབས་ཚོའི་སྐོར་ནས་བཅར་འདྲི་ བྱས་མྱོང་། ངོ་མ་ཐུགས་གཤིས་འཇམ་ཞིང་མཁས་ཚིགས་མི་དོད་པ། སྐད་ཆ་ཅི་དྲིས་ལ་ལན་གསལ་བོར་གསུང་མཁན། རང་གི་རིག་གཞུང་ལ་གཅེས་སྤྲོད་དང་བདག་གཉེར་སྐོར་བ་ཤ་ཞེན་དང་རིས་ཞེན་ཆེ་བ། ལ་དྭགས་ཀྱི་འབྱུང་འགྱུར་མི་རབས་གསར་བས་རང་གི་རིག་གཞུང་ལ་དོ་སྣང་མེད་ཚུལ་ དང་། ༸གོང་ས་མཆོག་གཙོས་བོད་ཀྱི་ཆོས་རྒྱུད་རིས་མེད་ཀྱི་བླ་སྤྲུལ་དང་མི་མང་པོ་ རྒྱལ་གར་དུ་སྐྱབས་བཅོལ་གནང་བ་དེ་རྐྱེན་ངན་གྲོགས་སར་གྱུ་ཙུལ་དུ་ལ་ད༑གས་གཙོས་ ཧི་མ་ལ་ཡའི་རི་རྒྱུད་དུ་གནས་བཅའ་བའི་གངས་ཅན་པ་ཡོངས་ལ་རིག་གཞུང་གཙོ་བྱས་བསམ་ པའི་དཔལ་ཡོད་གྱི་ཐད་ནས་གཅིག་གྱུར་ཆེན་པོ་ཞིག་བྱུང་ཡོད་ལུགས་སོགས་མཁས་པའི་ གསུང་གླེང་མང་དུ་གནང་རྒྱུ་འདུག་པས་ངོ་མ་ཡིད་འཕྲོག་པོ་བྱུང་། ཁོང་ནི་ད་ལོ་དགུང་ལོ་༧༠ ཡིན་ཞིང་། ད་དུང་ཡང་ཉིན་ལྟར་རྩོམ་འབྲིའི་བྱ་བར་ཐུགས་བྲེལ། ལྷག་པར་བླ་མ་ལོ་ཙ་བ་རིན་ཆེན་བཟང་པོའི་སྐོར་ལ་དཔྱད་རྩོམ་རབས་དང་རིམ་པ་བྲིས་ ཡོད་ཅིང་། ད་ལོ་ནས་དམིགས་བསལ་གླེ་ཤེས་རིག་ལས་སྡེ་ནས་འགྲོ་སོང་བཏང་སྟེ་ཁོང་གིས་བླ་མ་ ལོ་ཙཱ་བ་རིན་ཆེན་བཟང་པོའི་རྣམ་ཐར་དང་འབྲེལ་བའི་མཛད་རྗེས་སྐོར་ལ་ཉམས་ཞིབ་ གནང་གི་ཡོད། དོ་སྣང་ཅན་རེ་ཡོད་ཚེ་གངས་སྐྱིད་བོད་ཀྱི་དཔེ་མཛོད་ཁང་དུའང་ཁོང་གི་བརྩམས་བཅུ་ ཕྲག་ལོང་བ་དང་། གཞན་ལ་དྭགས་ཀྱི་མཁས་པ་མང་པོས་བཅད་ལྷུག་སྤེལ་མའི་བརྩམས་ཆོས་མང་དུ་མཇལ་རྒྱུ་ འདུག་གོ།
གོང་བཀོད་འདི་མཁས་པ་ཁོང་གི་རྩ་ནས་ཤེས་བྱ་ཏོག་ཙམ་བླངས་པའི་ཐུགས་རྗེ་ལེགས་གསོལ་གྱི་ཚུལ་ཙམ་ཡིན་ན་ཡིག་ནོར་གང་ཡོད་བཟོད་པར་གསོལ་ལོ། །
·རྩོམ་ཡིག་གོང་མ:ཡིག་ནོར་དང་ཨུ་ཚུགས།
·རྩོམ་ཡིག་འོག་མ:ངའི་སྙན་ངག་པ་ཚངས་དབྱངས་རྒྱ་མཚོ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·དིང་རི་བརྒྱ་རྩ་བཞུགས་སོ།། 2014/1/5 13:10:55
·ཨ་རག་བཙན་པོ་མ་འཐུང་ལགས། 2012/12/17 21:39:10
·སྤྲུལ་སྐུ་དག་ལ་གནང་བའི་སློབ་གཉེར་བསླབ་བྱ། 2012/12/9 23:32:56
·མཁན་པོ་འོད་གསལ་མཐའ་ཡས་རྒྱ་ནག་ཏུ་ཕེབས་ཁར་གདམས་པ་ 2012/11/17 23:04:26
·མི་རྟག་དྲན་སྐུལ། 2012/8/3 19:10:03
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 16:16:51 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 20:48:35 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 7:18:14 [来自: 112.5.248.229]

འབྲེལ་ཡོད་དཔྱད་བརྗོད 44 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS