ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མཆོད་སྤྲིན།
 རྩོམ་ཡིག་ཀློག་པ།

བདེ་ཆེན་དབང་མོ་ལ་བསྟོད་པའི་མཆོད་སྤྲིན།

  རྩོམ་པ་པོ:དཔལ་དགྱེས་པ་རྡོ་རྗེ།ཡོང་ཁུངས:ངེད་དྲ་བ།གཟིགས་གྲངས:8357ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/10/25 9:29:48ཚོགས་ཡར་སྤྲོད:admin
བདེ་ཆེན་དབང་མོ་ལ་བསྟོད་པ་རིག་མ་དགྱེས་པའི་
མཆོད་སྤྲིན་ཞེས་བྱ་བ། །
 
ན་མོ་གུ་རུ་དེ་བ་ཌྰཀྐི་ཡེ། །
བདེ་ཆེན་ཕྱག་རྒྱ་མཆོག་གི་རྟུལ་ཞུགས་ཅན། །
ཆོས་དབྱིངས་མཉམ་ཉིད་རིག་པའི་རྒྱལ་བ་དང་། །
སྲས་བཅས་ཉན་རང་བྱང་སེམས་འཕགས་ཚོགས་ལ། །
སྒོ་གསུམ་མི་ཕྱེད་དད་པས་གསོལ་བ་འདེབས།
ཀ་དག་མཛེས་མའི་ལང་ཚོ་ཁྱེད་ལ་མངའ། །
ཁ་སྦྱོར་ཡན་ལག་བདུན་པའི་ལོངས་སྤྱོད་རྫོགས། །
ག་བུར་དབང་པོའི་མདངས་འཛིན་ཡིད་འཕྲོག་མ། །
ང་ཡི་སྙིང་བརྩེ་དུང་བས་བསྟོད་བསྔགས་འབུལ། །
 
ཅ་ཅོའི་དོན་མེད་སྨྲ་བ་ཁྱེད་ལ་དབེན། །
ཆ་ཤས་ཀུན་བཟང་སྤྱོད་པའི་རིགས་མཆོག་མས། །
ཇ་ཡུན་ཙམ་ཡང་མི་དལ་སློབ་གཉེར་བརྩོན། །
ཉ་རྒྱས་ཟླ་ལྟར་ལྷག་བསམ་ཁྱེད་ལ་ལྡན། །
 
ཏ་ཐ་ག་ཏའི་བསྟན་པ་རིན་ཆེན་དང་། །
ཐ་སྙད་གཙུག་ལག་རྒྱ་མཚོར་བྱང་ཆུབ་པའི། །
ད་ལྟར་གོ་ལའི་སྟེང་ན་ཕུལ་བྱུང་མ། །
ན་ཆུང་བུ་མོ་ཁྱེད་འདྲ་སྲིད་ན་དཀོན། །
 
པ་ར་མི་ཏར་གོ་བའི་ངེས་ཤེས་འཁྲུངས། །
ཕ་མའི་རྒྱུད་སྡེའི་དག་མཉམ་མྱོང་བ་ཐོབ། །
བ་གམ་ཟབ་རྒྱས་མངོན་མཐོར་འཚོ་བཞེས་མའི། །
མ་སྨད་བསོད་ནམས་བྱེ་བའི་དཔལ་ལ་སྤྱོད། །
 
རྩ་རི་གངས་དཀར་འཛིན་མའི་མདོ་ཁམས་སུ། །
ཚ་གྲང་དཀའ་སྤྱད་སྐྱོབ་པར་ལྷུར་ལེན་པའི། །
ཛ་དྲག་གཡུལ་ལ་ཞུགས་པའི་དཔའ་མོ་ཁྱེད། །
ཝ་ལེར་སེམས་ལ་འཆར་ཚེ་དད་གུས་སྐྱེ། །
 
ཞ་ལོང་སྤྲང་པོར་ཉམ་ཐག་བྱམས་བརྩེ་ཅན། །
ཟ་འདོད་རྒྱལ་འགོང་འདུལ་བའི་ཁྲོ་གཉེར་ཅན། །
འ་ཅག་ཕ་མེས་རྒྱུད་པའི་སྲུང་མ་ཆེ། །
ཡ་རབ་བུ་མོ་བདེ་ཆེན་གཡང་གི་སྒྲོན། །
 
ར་བ་གངས་རི་ཕྲེང་བའི་མུ་ཁྱུད་ནས། །
ལ་རྒྱའི་ཕ་ས་བཟུང་བའི་མཛེས་མཛངས་མ། །
ཤ་ཁྲག་བོད་ལས་མཆེད་པའི་བརྡ་རྟགས་སུ། །
ས་མཐར་མ་འཁྱམས་རིག་གནས་འཛིན་སྐྱོང་སྤེལ། །
 
ཧ་ཅང་དགའ་བས་བསྟོད་བསྔགས་ཤོར་བ་མིན། །
ཨ་བུ་ན་ཆུང་ཉིད་ཀྱི་རང་གཤིས་ལགས། །
ཧ་ལམ་དྲ་དངོས་ཉུལ་ནས་ད་བར་དུ། །
ཨ་ཧོ་བུ་མོ་ཁྱེད་ལྷག་མ་མཇལ་ཐལ། །
 
ལུས་ཀྱི་ལང་ཚོ་ལྷ་མོ་མཛེས་པའི་སྐུ། །
ངག་གི་སྒྱུ་རྩལ་སྒྲ་དབྱངས་སྙན་པའི་གསུང་། །
སེམས་ཀྱི་རྣམ་དཔྱོད་མཁྱེན་བརྩེ་ནུས་པའི་ཐུགས། །
གསང་གསུམ་བདེ་ཆེན་དབང་མོ་ཁྱེད་ཉིད་རྒྱལ། །
 
ཐོས་བསམ་མཁྱེན་པ་མུན་སེལ་སྒྲོན་མེ་ཅན། །
ཐབས་ཤེས་སྒོམ་པ་བརྩེ་ལྡན་ཟླ་གཞོན་དངོས། །
སྒྲིབ་ཀུན་མུན་སེལ་འོད་སྟོང་དབང་པོ་བཞིན། །
བདེ་ཆེན་ཕྱག་རྒྱའི་གཏན་གྲོགས་ཁྱེད་མིན་སུ། །
 
བླ་མ་དམ་པར་མོས་པའི་བྱིན་རླབས་ཐོབ། །
ཡི་དམ་རྒྱལ་བའི་དངོས་གྲུབ་མཆོག་ཏུ་བརྙེས། །
མཁའ་འགྲོ་རྒྱ་མཚོའི་སྤྲོ་གཞིའི་ཕྲིན་ལས་ཅན། །
རྩ་གསུམ་བསྟན་པའི་བདག་མོ་རྒྱལ་གྱུར་ཅིག །
     ཅེས་པའང་རབ་རྒྱན་ལྕགས་ཡོས་སྨིན་ཟླའི་ཚེས་བཟང་ཉིན་མདོ་སྔགས་ལོ་རྒྱུས་དང་ཆོས་འབྱུང་སོགས་ལ་མཁས་པའི་ན་ཆུང་མ་བདེ་གཡང་ངམ་མིང་དངོས་བདེ་ཆེན་དབང་མོ་ལ་ཅི་དྲན་དུ་རིག་འཛིན་བླ་མ་དཔལ་དགྱེས་པ་རྡོ་རྗེས་བསྟོད་གསོལ་དུ་འདེབས་པ་དོན་དང་ལྡན་པར་གྱུར་ཅིག། །།
·རྩོམ་ཡིག་གོང་མ:གཞས་ཚིག སྐྱ་ཐང་ཐང༌།
·རྩོམ་ཡིག་འོག་མ:གཞས་ཚིག མ་ཉེས་ཁག་གཡོགས་མ་བྱེད།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·པོ་བསྟོད་བྱིན་རླབས་ཅན་དགེའོ། 2010/4/28 17:32:08
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:pYKX5zid
�Ƹ�������http://www.355551311.com/yunfuyaoqingren/
�Ƹ��Ƽ���http://www.355551311.com/yunfutuijianren/
http://www.355551311.com/taoxianapp/
http://www.355551311.com/wukazhifu/
http://www.355551311.com/zhifupingtai/
http://www.355551311.com/yuanbaibai/
发表时间:2017/5/7 11:01:32 [来自: 112.5.236.197]

 评论者:loszsp
ywVVwF  <a href="http://pvtnxmlqwixh.com/">pvtnxmlqwixh</a>, [url=http://qendwvsuxdhq.com/]qendwvsuxdhq[/url], [link=http://wvfdomzlmxmz.com/]wvfdomzlmxmz[/link], http://psxmsxvnhklp.com/
发表时间:2017/4/3 10:29:28 [来自: 5.188.211.62]

 评论者:cfqjgmcgo
3UXbQX  <a href="http://hwlgdlvzmaib.com/">hwlgdlvzmaib</a>, [url=http://rlvhvqtwxrco.com/]rlvhvqtwxrco[/url], [link=http://vtjskrztlcie.com/]vtjskrztlcie[/link], http://zebtwskjkthh.com/
发表时间:2017/4/3 2:25:17 [来自: 5.188.211.62]

འབྲེལ་ཡོད་དཔྱད་བརྗོད 63 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།34.18MS